Strandapósturinn - 01.06.2006, Síða 81

isflóð þegar ég tók saman sögu Lestrarfélags Tröllatungu- og
Fellssafnaða vegna hundrað ára afmælis þess 13. des. 1945.
Sú merkilega stofnun var í rauninni alhliða framfarafélag sem
hafði mörg þjóðþrifamál á stefnuskrá sinni undir forystu þeirra
Ásgeirs Einarssonar á Kollafjarðarnesi (síðar Þingeyrum) og
séra Halldórs Jónssonar í Tröllatungu. Meðal málefna sem tekin
voru fyrir á fundum félagsins voru: jarðrækt, fjallskil, bættir versl-
unarhættir o.fl. þar á meðal ofneysla áfengis og í því sambandi
má nefna að þeir spyrntu við fótum og stofnuðu bindindisfélag
sem starfaði um nokkurt skeið með góðum árangri eins og lesa
má í fundagerðabók félagsins. En víkjum nú aftur norður í
veiðistöðina á Gjögri í Árneshreppi. Í þeirri sókn starfaði ekkert
bindindisfélag.
Ryskingar í veiðistöðinni
Það var einn haustdag árið 1868 að miðaldra maður með
alskegg var á göngu í nýföllnum snjó norður á Ströndum.
Hann fann að skreipt var í spori þar sem hann gekk á órök-
uðum selskinnsskóm. Þetta var Guðmundur Jónsson húsmaður
á Munaðarnesi. Hann var á leiðinni að Gjögri, en þar var haust-
vertíð þegar hafin. Ætlaði Guðmundur sér að halda til baka að
Árnesi um kvöldið og gista þar hjá prestinum, séra Sveinbirni
Eyjólfssyni. En þegar hann kom að Gjögri breytti hann þeirri
áætlun og bað um gistingu í einni verbúðinni. Þar réði húsum
Guðmundur Magnússon formaður og bóndi á Finnbogastöðum.
Auk hans voru þar fyrir Jón Pétursson ungur formaður frá
Dröngum, Magnús Magnússon á Finnbogastöðum og fleiri sjó-
menn. Skömmu síðar kom Pétur Magnússon bóndi á Dröngum,
faðir Jóns formanns, úr Kúvíkurkaupstað og var þá sest að
drykkju í búðinni. Skömmu seinna tóku þeir Drangafeðgar að
stríða Guðmundi Jónssyni og áreita hann með hnýfilyrðum.
Kom þá brátt til átaka milli Jóns formanns og Guðmundar og
veitti Jóni betur. Stóð viðureign þeirra með litlum hvíldum fram
eftir kvöldinu og barst út um víðan völl. Í einu hléinu gengu
þeir inn og drukku meira, en héldu síðan slagsmálunum áfram
79