Bændablaðið - 18.11.2021, Blaðsíða 14

Bændablaðið | Fimmtudagur 18. nóvember 202114
Lokið var við að spennusetja
11 km 33 kV streng sem liggur
frá Ósi í Breiðdal yfir á Núp á
Berufjarðarströnd. Hann kemur
í stað loftlínu sem komin var til
ára sinna og hefur oft verið til
vandræða.
Strenglögnin var unnin í sam­
vinnu við Orkufjarskipti sem höfðu
áformað ljósleiðaralögn sömu leið
og var ljósleiðari plægður með
háspennustrengnum. Áður en náðist
að spennusetja strenginn, vildi ekki
betur til en svo að staur í línunni
brotnaði á umræddum kafla.
Í stað þess að gera við bilunina
var ákveðið að aftengja línuna á
þessum kafla og koma strengnum
strax í notkun en þar með fækkar
þeim hlutum dreifikerfisins á
Austurlandi, sem hafa verið hvað
erfiðastir í rekstri, um einn.
Samhliða þessu var lagður 11
kV jarðstrengur frá Ósi að Núpi
við Berufjörð og hafa ábúendur
þar nú aðgengi að þriggja fasa
rafmagni sem kemur sér vel fyrir
stórt kúabú. /MÞÞ
FRÉTTIR
Fleyga þurfti í árbotni Fagradalsár í Breiðdal. Myndir / RARIK
Mjóifjörður:
Þriggja fasa strengur
spennusettur
Jarðstrengslögn RARIK í Breiðdal.
Frá undirritun samningsins, frá vinstri: Eyjólfur Yngvason og Þórdís
Sveinsdóttir, landeigendur Mela, ásamt Jóhanni F. Þórhallssyni, oddvita
Fljótsdalshrepps. Fyrir aftan frá vinstri: Helga Eyjólfsdóttir frá Melum ásamt
fulltrúum sveitarstjórnar Fljótsdalshrepps, Lárusi Heiðarssyni, Gunnþórunni
Ingólfsdóttur, Önnu Jónu Árnmarsdóttur, Eiríki Kjerúlf og Helga Gíslasyni
sveitarstjóra.
Þjónustumiðstöð við Hengifoss
Gengið hefur verið frá lóðaleigu­
samningi milli Fljótsdalshrepps
og landeigenda á Melum vegna
uppbyggingar þjónustumiðstöðv­
ar og bílastæðis fyrir ferðamenn á
Hengifosssvæðið.
Samningurinn tekur einnig
til umferðarréttar innan þess
deiliskipulagssvæðis er gildir um
Hengifoss. Fjármögnun til þessar­
ar uppbyggingar og stíga kemur að
hluta frá Framkvæmdasjóði ferða­
mannastaða.
Áætlað er að framkvæmdir muni
hefjast fyrir áramót en fyrir liggur
vinningstillaga að þjónustumiðstöð
eftir Eirk Rönning Andersen og
Sigríði Önnu Eggertsdóttur. /MÞÞ
Hólasandslína 3:
Veður og faraldur valda töfum
á að línan komist í rekstur
Seinkun verður á því að Hóla­
sandslína 3, milli Hólasands og
Akureyrar, verði tekin í notkun.
Framkvæmdir við línuna hófust í
ágúst 2020 og var áætlað að taka
línuna í rekstur í lok þessa árs.
Helstu ástæður tafa eru þær að
veður hefur ekki verið með starfs­
fólki á framkvæmdasvæðinu, síðasti
vetur var snjóþungur, tafir urðu á
ákveðnum verkþáttum og heimsfar­
aldurinn gerði ekki auðveldar fyrir,
bæði þegar kom að mannskap og
aðföngum.
Veturinn mætti svo óvenju
snemma þetta haustið og nú er svo
komið að vinna við reisingu mastra
og strengingu leiðara er ekki lengur
örugg.
Verktakarnir, Elnos frá Bosníu,
sem unnið hafa bæði við Hóla­
sandslínu 3 og Kröflulínu 3, eru því
farnir heim. Kröflulína var tekin í
rekstur fyrir skemmstu. Búist er við
að vinna hefjist á ný við möstur og
reisingu þeirra þegar líður að vori, í
mars til apríl eða um leið og aðstæður
leyfa, segir á vefsíðu Landsnets.
Spennusetning á Hólasandslínu er
nú áætluð í ágúst 2022.
Ný kynslóð byggðalínu
Línan er rúmlega 70 kíló­
metra löng og liggur um fjögur
sveitar félög, Skútustaðahrepp,
Þingeyjar sveit, Eyjafjarðarsveit
og Akureyri. Um 10 kílómetrar
af línunni, sem liggur um Eyja­
fjarðarsveit og Akureyri, er jarð­
strengur.
Markmiðið með byggingu
Hólasandslínu 3 er að koma á nýrri
öflugri tengingu milli Hólasands
og Rangárvalla á Akureyri og
auka þannig stöðugleika, öryggi
raforkuafhendingar og gæði raf­
orku á Norður­ og Austurlandi.
Línan er ein af þremur línum í
nýrri kynslóð byggðalínu. Kröflulína
3 er þegar komin í rekstur og undir­
búningur er hafinn að lagningu
þriðju línunnar, Blöndulínu 3. Þessar
línur eru allar mikilvægar fyrir flutn­
ingskerfi landsins í heild og eru
mikilvægur hlekkur í því að styrkja
tengsl við sterkari hluta kerfisins á
suðvesturhorni landsins. /MÞÞ
Línan er ein af þremur línum í nýrri kynslóð byggðalínu.
Strengurinn var plægður upp allan Austdal Seyðisfjarðarmegin. Mynd / RARIK
Flutningskerfi raforku:
Truflanavöldum á Austurlandi
fækkað um einn
Mjófirðingar hafa nú aðgang að
þriggja fasa rafmagni eftir að nýr
þriggja fasa jarðstrengur og loft­
lína frá Seyðisfirði til Mjóafjarðar
hafa verið spennusett.
„Þar með er lokið mjög krefjandi
verkefni sem kallaði á útsjónarsemi
og þrautseigju af hálfu starfsmanna
RARIK og ekki síður verktaka sem
komu að verkinu,“ segir á vefsíðu
RARIK þar sem sagt er frá þessu.
Strengurinn var plægður upp
allan Austdal Seyðisfjarðarmegin.
Þegar komið var fram á fjallsbrún
fyrir ofan Brekkudalinn í Mjóafirði
þurfti að taka strenginn upp í
loftlínu sem liggur niður í dalinn
í einu 900 metra löngu hafi, sem
mun vera nálægt Íslandsmeti. Þegar
niður í dalinn er komið tekur við
jarðstrengur út Mjóafjörð og yfir
í Brekku.
Þar sem stærsti hluti leiðarinnar
er nú kominn í jarðstreng má ætla
að afhendingaröryggi í Mjóafirði
aukist til muna, auk þess sem
Mjófirðingar fá nú aðgang að
þriggja fasa rafmagni.
Verkið var unnið í samvinnu
við Neyðarlínuna og var ljósleiðari
plægður með háspennustrengnum
stærstan hluta leiðarinnar. /MÞÞ
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
RÚÐUR Í
DRÁTTARVÉLAR
FRÁBÆR VERÐ
John Deere
Zetor
Case IH
McCormick
Steyr
Claas
Ford
Fiat
New Holland
Deutz-Fahr
Massey Ferguson