Sjálfsbjörg - 01.07.1978, Side 6

standa undir hallarekstri endurhæfingar-
og vinnustöðva öryrkja. — Það er aðeins
veitt heimild til að gera það.
Frágangur þessara laga ber vott um al-
gert skilningsleysi löggjafans á mikilvægi
endurhæfingar í nútímaþjóðfélagi, þar sem
slysum fjölgar unnvörpum og því vaxandi
þjóðhagsnauðsyn að þessar stofnanir geti
gegnt hlutverki sínu með góðum árangri.
Hitt er þó ekki síður athyglisvert að þessi
lög, sem öryrkjar höfðu beitt sér fyrir að
sett yrðu og höfðu þann tilgang að efla
rétt þeirra til endurhæfingar og vinnu,
skyldu verða í meðhöndlun löggjafans svo
marklítil sem raun ber vitni um.
Hinn 14. mars 1974 samþykkti borgar-
stjórn Reykjavíkur að fela félagsráði borg-
arinnar að láta kanna vinnugetu og at-
vinnumöguleika aldraðra og öryrkja í
Reykjavík. Þann 27. júní sama ár var Jóni
Björnssyni sálfræðingi falið að annast
þessa könnun.
Nú hefur félagsmálastofnun Reykjavík-
urborgar gefið út könnun Jóns Björns-
sonar, í tveim bindum: „Könnun á vinnu-
getu og vinnumöguleikum í Reykjavík".
I. Aldraðir 1976. — II. Öryrkjar 1978.
Þetta er mikið rit og geymir marghátt-
aðan fróðleik um hag þess fólks, sem um
er rætt og margar tillögur til úrbóta á
atvinnuvanda aldraðra og örjrrkja. — En
eins og segir í niðurlagi inngangs II.
bindis:
„Frekari framvinda á þessu sviði felst
í stjórnmálalegri ákvörðunartöku á ýms-
um stigum stjórnkerfa um það, hvort upp-
lýsingar þessar skuli nýttar og hvernig.
Það er von höfundar, að þær verði nýttar
og vinnan að baki þeim hafi ekki verið til
einskis." Þessi niðurlagsorð gætu átt jafnt
við bæði bindi verksins. Með öðrum orð-
um, það eru hinir pólitísku handhafar
ríkisvalds og sveitarstjórnir, sem einir
hafa vald til að taka ákvarðanir um hin
mikilvægu mannréttindamál. Nú má ekki
standa á samtökum aldraðra og öryrkja
að vekja athygli á þessum verkum og sjá
til þess, eftir mætti, að upplýsingar og
úrbótatillögur Jóns Björnssonar verði
nýttar en hafi ekki verið unnar fyrir gíg.
Sjálfsbjörg — félögin og landssamband-
ið hafa á liðnum tveim áratugum unnið
gott starf.
Þau hafa hvert á sínum stað og sam-
eiginlega orðið fötluðu fólki nokkur afl-
gjafi. Mörgum félaganna hefur tekist að
byggja upp félagsmiðstöðvar í eigin hús-
næði, nokkur hafa keypt tækjabúnað til
endurhæfingar handa sjúkrahúsum byggða
sinna, sem síðan varð upphaf að endur-
hæfingastöðvum viðkomandi sjúkrahúsa.
Vinnufundir áhugasamra félaga í Sjálfs-
björg, þar sem framleiddir voru basar-
munir o.fl. í sjálboðavinnu, hafa orðið
flestum Sjálfsbjargarfélögunum aðalfjár-
öflunarleið, auk þess að vera einn sterk-
asti félagsþáttur samtakanna.
Vinnustofurekstur hefur reynst erfiður
vegna fjárskorts.
Sjálfsbjörg á Akureyri hefur komið á
fót og rekur plastiðjuna Bjarg, sem er
eini verksmiðjureksturinn, sem samtökin
hafa komið á fót til þessa. Einnig er
Sjálfsbjörg á Akureyri nú að hefja stór-
byggingu á 1700 fermetra gólffleti. Þar
af 900 fermetrar á tveimur hæðum. 1 þess-
ari byggingu verður félagsmiðstöð Sjálfs-
bjargar á Akureyri og nágrenni, plast-
iðjan Bjarg, endurhæfingarstöð með til-
heyrandi íþróttasal og sundlaug, einnig
aðstaða fyrir stoðtækjasmið, félagsráðgjöf
og lækni.
Landssambandið reisir Sjálfsbjargar-
húsið við Hátún 12 í Reykjavík, sem senn
verður fullbyggt. Þar verða aðalstöðvar
samtakanna í landinu, endurhæfingarstöð,
með tilheyrandi íþróttaæfingastöðvum og
sundlaug, stoðtækjaverkstæði, dvalar-
4 SJÁLFSBJÖRG