Sjálfsbjörg - 01.07.1978, Síða 7

heimili, íbúðarálma, sem að nokkru leyti
verður til afnota fyrir fatlað fólk utan
af landsbyggðinni, sem þarf að dveljast
í borginni til lækninga eða náms, og fleiri
greinar tengdar markmiðum samtakanna
verða þar til húsa. Sjálfsbjörg — félag
fatlaðra í Reykjavík, á líka húsnæði fyrir
félagsmiðstöð sína í Sjálfsbjargarhúsinu.
Þá hefur Sjálfsbjörg — landssambandið
og félögin — ásamt Iþróttasambandi ís-
lands, lagt grundvöll að stofnun og starfi
íþróttafélags fatlaðra. En íþróttir eru nú
vaxandi þáttur í félagsstarfi og endurhæf-
ingu öryrkja. Sjálfsbjörg — landssamband-
ið — er aðili að Bandalagi fatlaðra á Norð-
urlöndum (N.H.F.) og hefur notið mikils
góðs af reynslu norðurlandaþjóðanna, sem
eiga að baki um það bil 100 ára baráttu-
sögu fyrir bættum hag og réttindum
fatlaðra.
I stuttu máli: Sjálfsbjörg — félögin og
sambandið hafa á liðnum áratugum komið
mörgu góðu til leiðar með uppbyggingu
samtakanna og margháttaðri baráttu fyrir
réttindum fatlaðra, — en þennan síðast-
nefnda þátt — baráttu fyrir réttindum
fatlaðra þarf nú að efla sérstaklega. Bar-
áttu fyrir jafnrétti til vinnu, jafnrétti til
húsnæðis, jafnrétti til almennra sam-
göngumöguleika, jafnrétti til menntunar,
svo nefndir séu nokkrir mikilvægustu
þættirnir.
Sem allra flestir fatlaðir og aðrir, sem
gerast vilja styrktarfélagar í baráttunni
þurfa að afla sér upplýsinga um málefnin
sem á dagskrá eru hverju sinni.
Alþjóðadagur fatlaðra er þriðja sunnu-
dag í mars ár hvert. Þann dag þarf að nota
vel til kynningar.
Árið 1981 hafa Sameinuðu þjóðirnar
ákveðið að helga réttindabaráttu fatlaðra
í heiminum. Rödd Sjálfsbjargar þarf að
syngja í þeim mikla kór.
Það er ósk mín til Sjálfsbjargar á tví-
tugsafmælinu — landssambandsins og fé-
laganna út um landið, að samtök okkar
megi á næsta áratug fagna nýjum sigrum
í baráttu fatlaðra fyrir þjóðfélagslegu
jafnrétti.
3. júní 1978.
Sigursveinn D. Kristinsson.
EFNISYFIHLIT
Sigursveinn D. Kristinsson: Sjálfsbjörg 20 ára 1
Gylfi Guðjónsson: Byggjum fyrir alla........... 6
Ný byggingarlög ............................... 12
Theodór A. Jónsson: Rödd Sjálfsbjargar....... 13
Sverrir Bergmann: Um fatlanir ................. 15
Hulda Steinsdóttir: Gður lífsins............... 21
Ásgerður Ingimarsdóttir: Guðmundur Löve.
Minning ..................................... 23
Eiríkur Ásgeirsson: Samgöngumál hreyfi-
hamlaðra .................................... 25
Sveinn E. Magnússon: Til eftirbreytni ......... 29
Benedikt Þ. Benediktsson: Bókagerð Islendinga 30
Sigurður Ragnarsson: A þessum hesti finn ég
kraft og mér finnst ég vera frjáls ......... 32
19. þing Sjálfsbjargar, l.s.f................. 37
Ortopediskur skósmiður ....................... 40
Hulda Steinsdóttir: Stofnun Sjálfsbjargar .... 41
Björgúlfur Andrésson: Iljálpartækjabankinn . 42
Stig Dagermann: Að deyða barn .............. 45
Sjálfsbjörg, landssamband fatlaðra............ 48
Myndagáta .................................... 49
Byggingarhappdrætti Sjálfsbjargar ............ 50
Meðal annarra er tóku rnyndir fyrir blaðið eru:
Stúdíó 28. Óttar Kjartansson, Sigurður Guðmunds-
son, Trausti Sigurlaugsson.
SJÁLFSBJÖRG 5