Sjálfsbjörg - 01.07.1978, Page 12

anna. — Við hljótum öll að vilja stuðla
að því, að gera sem flestum hreyfiskertum
kleift, að lifa sjálfstæðu og eðlilegu lífi
í almennum íbúðum, hvar sem er á land-
inu.
Þegar tæknilegar kröfur eru gerðar til
húsnæðis fyrir fatlaða, er oft miðað við
þarfir þeirra, sem sjálfir geta komist um
í hjólastól. Ganga má út frá því, að þar
sem aðstæður henta þeim, muni aðrir
fatlaðir einnig geta athafnað sig.
Lesandi góður, hvernig er þessu nú hátt-
að heima hjá þér ? Er bílastæðum til dæmis
þannig fyrir komið, þar sem þú býrð, að
eitthvert þeirra henti þeim, sem nota þurfa
hjólastól?
Veist þú, að slík stæði þurfa að vera
einum metra breiðari en venjulegt bíla-
stæði. Væri ekki sanngjarnt, að svo sem
eitt af hverjum 50 tækju sérstaklega mið
af hreyfiskertum og væri merkt með þá
í huga?
Hefur þú athugað, hve víða í því hverfi,
sem þú býrð, er hægt að komast inn í hús
án þess að fara upp tröppur eða einstök
þrep? Veist þú, að tröppur og þrep eru
flestum hreyfiskertum verulegur farar-
tálmi ?
Hvað eru skábrautir? Skábrautir má
víða sjá erlendis, en þær eru einkum til
þess að þeir, sem háðir eru notkun hjóla-
stóls komist leiðar sinnar. þar sem um
einhvern hæðarmismun á landi er að ræða.
Hér á landi eru slíkar skábrautir hins veg-
ar afarsjaldgæfar.
Hvernig er með útitröppur við hús þitt,
lesandi góður? — Var hugsað um hreyfi-
skert fólk, þegar tröppuform, hlutfall í
þrepum og handrið voru ákveðin? Veist
þú, að hlutfall framstigs og uppstigs í
tröppu getur ráðið úrslitum um það, hvort
fatlað fólk og jafnvel þú sjálfur, þegar
þú eldist, getur gengið hana.
Hvernig er forstofa og gangur í íbúð
þinni ? — Veist þú, að lágmarksbreidd and-
dyris er 125 cm, ef miðað er við fólk 1
hjólastól?
Hefurðu athugað, hvort í baðherbergi
þínu sé svigrúm fyrir hjólastól, ef á þyrfti
að halda ? — Snúningsflötur hjólastóls
fyrir framan handlaug og salernisskál þarf
að vera um 120 cm.
Talið er æskilegt, að baðherbergishurð
opnist út, svo að engin fyrirstaða sé til
opnunar í neyðartilvikum, en hættir ekki
fleirum við aðsvifi en hreyfiskertum og
öldruðum ?
Hér, og miklu víðar en þú hyggur, les-
andi góður, fara þarfir hreyfihamlaðra og
almennra íbúa greinilega saman.
Hver er hurðarbreidd í íbúð þinni ? — Ef
einhver í fjölskyldunni þyrfti nú að nota
hjólastól um stundarsakir eða jafnvel til
frambúðar, kæmist hann þá um íbúðina
eða á salerni, eða þyrfti hann að flytja
að heiman?
Ótrúlega víða eru salernisdyr ekki nógu
breiðar fyrir mjóstu hjólastóla.
Veist þú, lesandi góður, að þröskuldar
eru mörgu hreyfihömiuðu fólki til trafala ?
Væri ekki hægt að spara sér þröskulda,
þar sem þeir eru ekki nauðsynlegir?
Gangbreiddin 1.4 m er nœgileg til þess að hjóla-
stólsnotandi geti snúið við. Maður í hjólastól og
annar gangandi, farangurslaus, geta mœst. Þessi
breidd veitir góða beygjumöguleika.
10 SJÁLFSBJÖRG