Sjálfsbjörg - 01.07.1978, Page 14

Ábyrgð okkar arkitekta er tvímælalaust
mikil í þessu sambandi eins og í öðru,
sem lýtur að umhverfismótun.
Okkur ber með vönduðu skipulagi og
nákvæmri hönnun að stuðla að mannlegu
umhverfi fyrir alla.
Ég vil hins vegar leggja á það ríka
áherslu, að hér þarf auk þess annað og
meira að koma til.
Framkvæma þarf ýtarlegar rannsóknir
í skipulags- og húsnæðismálum með sér-
stöku tilliti til hreyfiskertra. Slíkar rann-
sóknir og markviss stefnumótun yfirvalda
er ein meginforsenda þess, að umhverfis-
mótun framtíðarinnar taki mið af öllum.
Ný byggingarlög
með ákvæðum varðamli umferd fatladra
Hinn 3. maí s.l. voru samþykkt á Al-
þingi ný byggingarlög, þar sem í fyrsta
sinn eru sérstök ákvæði varðandi fatlaða.
I niðurlagi 4. greinar laganna segir svo:
,,í byggingareglugerð skal setja ákvæði
varðandi umbúnað bygginga til þess að
auðvelda ellihrumu og fötluðu fólki að
komast leiðar sinnar.“
Þá voru 2. maí s.l. samþykkt lög um
breytingu á skipulagslögum nr. 19 frá 21.
maí 1964. í 3. grein stendur: „Til viðbótar
13. gr. laganna komi: Þá skal kveða á um,
að hið skipulagða svæði geri fötluðu og
öldruðu fólki auðvelt að komast leiðar
sinnar og að tekið skuli að öðru leyti tillit
til sérþarfa þess, svo sem varðandi götur,
gangstéttir, bifreiðastæði og staðsetningu
íbúðarhúsa, sem sérstaklega eru ætluð
þessu fólki.
4. gr. Lög þessi öðlast gildi 1. janúar
1979.“
Þessi lagasetning er árangur þings-
ályktunartillögu Odds Ólafssonar, alþm.,
um ráðstafanir til að auðvelda umferð
fatlaðra.
Tillagan var á þessa leið:
„Alþingi ályktar að fela ríkisstjórninni
að skipa nefnd, er kanni leiðir, sem tryggi,
að byggingar og umferðaræðar framtíðar-
innar, er njóta f járhagslegrar fyrirgreiðslu
opinberra aðila, verði hannaðar þannig,
að fatlað fólk komist sem greiðlegast um
þær.
Ennfremur athugi nefndin, hvort ekki
sé ástæða til þess að veita úr ríkissjóði
nokkra f járhæð árlega, gegn jafnháu fram-
lagi frá sveitarfélögum, til þess að bæta
umferðarmöguleika fyrir fatlað fólk um
þær byggingar, sem nú eru í notkun.
Nefndin semji að könnun lokinni frum-
varp til laga um úrbætur í þessum efn-
um.“
Nefndin, sem skipuð var Oddi Ólafssyni,
Helga Hjálmarssyni og Ólöfu Ríkarðs-
dóttur, skilaði fyrir rúmum þremur árum
tillögum sínum, ásamt ítarlegri reglugerð
um hönnun bygginga- og útivistarsvæða.
Það hefur því tekið þrjú dýrmæt ár að
ná þessum áfanga.
Það er von fatlaðs fólks, að þessi laga-
setning verði ekki bókstafurinn einn, held-
ur sameinist allir landsmenn um að fram-
fylgja henni til hins ítrasta.
12 SJÁLFSBJÖIiG