Sjálfsbjörg - 01.07.1978, Qupperneq 15

THBODÓR A. JÓNSSON,
formaöur Sjálfsbjargar, l.s.f.:
hödd
JARGAR
THEODÓR A. JÓNSSON
Á þessu ári eru liðin 20 ár frá stofnun
fyrstu Sjálfsbjargarfélaganna.
Forgöngu um stofnun þeirra hafði Sig-
ursveinn D. Kristinsson, tónskáld. Sigur-
sveinn var þá skólastjóri Tónskóla Siglu-
fjarðar og þar var fyrsta félagið stofnað
þann 9. júní 1958. Sama ár voru einnig
stofnuð félög á þessum stöðum: Reykja-
vík, Akureyri, Isafirði og Árnessýslu. Nú
eru félögin orðin 13 talsins, í öllum lands-
f jórðungum.
Þegar félögin voru stofnuð, var fatlað
fólk orðið sér meðvitandi um, að það yrði
sjálft að hafa forgöngu um lausn vanda-
mála sinna og að það væri ekki hægt nema
að vinna að lausn þeirra í sameiningu.
Við sem erum fötluð og komin vel á
fertugsaldurinn og eldri, vitum hverjar að-
stæður fatlaðra voru þá.
Lífsskilyrði og möguleikar fatlaðra eru
ólíkt betri í dag en þá var. I því eiga Sjálfs-
bjargarfélögin sinn þátt.
Á eigin spýtur hafa Sjálfsbjargarfélög-
in og landssambandið getað framkvæmt
þó nokkra hluti til hagsbóta fyrir fatlað
fólk og með því að láta rödd Sjálfsbjargar
heyrast hafa samtökin vakið athygli í
rétta átt.
Ýmsir málaflokkar eru sameiginlegt
hagsmunamál allra öryrkjafélaganna, svo
sem sem lagfæringar á tryggingamálum
og farartækjamálum. Á þeim hafa verið
gerðar endurbætur frá stofnun Sjálfs-
bjargarfélaganna, en það verður að segj-
ast eins og er, að við stöndum ekki jafn-
fætis nágrannaþjóðum okkar í þessum
málum.
Tímabundnir erfiðleikar í fjármálum
þjóðarinnar mega aldrei verða til þess að
stöðva lagfæringar á lífsskilyrðum þeirra
sem mest eru fatlaðir.
Það er ekki vafi á því að verulegur ár-
angur hefur orðið af 20 ára starfi Sjálfs-
bjargarfélaganna.
Þar hafa líka margir lagt hönd á plóg-
inn og unnið mikið og óeigingjarnt starf
í sínu félagi.
Það liggur mikil vinna að baki þrótt-
miklu félagsstarfi.
Það kostar mikla vinnu félaganna og
skilning almennings að safna fjármunum
til sameiginlegra framkvæmda.
SJÁLFSBJÖRG 13