Fréttablaðið - 25.03.2022, Blaðsíða 38
Múlalundur, vinnustofa
SÍBS, býður fyrirtækjum og
einstaklingum fjölbreytta
þjónustu sem skapar um
leið tækifæri fyrir fólk með
skerta starfsorku til að
leggja sitt af mörkum til
atvinnulífsins. Heimsmark-
miðin, hringrásarhagkerfi og
útvistun verkefna, eiga öll
færi á Múlalundi.
Á Múlalundi, vinnustofu SÍBS, fást
allar almennar skrifstofuvörur
á einum stað, pappír og ritföng.
Þar fæst einnig fjölbreytt úrval
vara sem nýtist fjölbreyttum hópi
viðskiptavina svo sem íþrótta-
vörur, fallegar vörur til heimilisins,
prjónavörur, vörur fyrir safnara og
stuðningsvörur fyrir fatlaða.
„Þá tekur starfsfólk Múlalundar
að sér fjölbreytt verkefni fyrir við-
skiptavini, oft verkefni sem kalla á
handavinnu, sem mun hagkvæm-
ara er að láta starfsfólk Múlalundar
um en að þau taki orku frá öðrum
verkefnum í fyrirtækjum við-
skiptavina,“ segir Sigurður
Viktor Úlfarsson,
framkvæmda-
stjóri Múlalund-
ar, vinnustofu
SÍBS. Vefverslun
Múlalundar má
finna á slóðinni
mulalundur.is.
„Múlalundur er
stöðugt að sníða
vöru og þjónustu
að þörfum fyrir-
tækja og treystir á
að fyrirtæki skoði
möguleika á sam-
félagslegri ábyrgð.
Það er því mikil-
vægt að stjórn-
endur fyrirtækja
skapi sér stefnu
um að reyna að
nýta sér þjónustu
fyrirtækja eins og
Múlalundar.“
Duglegt fólk þarf næg verkefni
Múlalundur þarf á samfélagslegri
ábyrgð að halda. „Nú þegar við
komum út úr faraldrinum hefur
það þau áhrif á Múlalundi að fleiri
geta mætt til vinnu og oftar en
mögulegt hefur verið undanfarna
mánuði. Duglegt fólk þarf að hafa
næg verkefni og því köllum við
út í samfélagið eftir fjölbreyttum
verkefnum svo okkar duglega
fólk geti látið hendur standa fram
úr ermum næstu mánuði,“ segir
Sigurður Viktor.
„Í fyrirtækjum koma oft upp
fjölbreytt handavinnuverkefni
sem þarf að framkvæma og taka
tíma frá öðrum verkefnum. Þá
geta fyrirtæki haft samband við
Múlalund, fengið tilboð í verkefnin
og síðan skutlar viðskiptavinur
þeim til okkar eða við sækjum
þau. Við klárum verkin hratt og vel
og sendum verkefnin aftur til
viðskiptavinarins. Sum fyrir-
tæki fá til dæmis sendar vörur
erlendis frá í hverri viku þar
sem merkingar uppfylla ekki
reglugerðir um íslenskar leið-
beiningar eða þar
sem strikamerkja
þarf vörur upp á
nýtt. Viðskiptavinir
okkar skutla þá við-
komandi brettum til
okkar, við merkjum
þau og svo eru
þau sótt. Á meðan
getur starfsfólk
sinnt mikilvægari
verkefnum
á sama
tíma og
fyrirtækið
skapar störf
fyrir fólk
með skerta
starfsorku.“
Viðskipti við
Múlalund eru frábært
samfélagsverkefni
Það er öflugur hópur starfsmanna hjá Múlalundi og allir taka starfið sitt alvarlega. MYNDIR/AÐSENDAR
Verkefnin eru mörg og misjöfn enda þarf duglegt fólk að
hafa næg verkefni og þau geta bætt á sig.
Múlalundur
hefur frá
árinu 1959 verið
rekinn af SÍBS
með stuðningi
Happdrættis
SÍBS.
Fallegir matseðlar.
Glæsilegir matseðlar
fyrir ferðaþjónustuna
Starfsfólk Múlalundar hefur
um árabil framleitt glæsilegar
kápur utan um matseðla, vín-
list, litla og stóra, hótelmöppur,
reikningamöppur, lyklakippur
og margt fleira fyrir ferðaþjón-
ustuaðila um allt land. „Það er
gaman að ferðast um landið og
hitta fyrir framleiðsluvörurnar
okkar á borðum veitingahúsa
um allt land,” segir Sigurður
Viktor. Við bjóðum upp á mjög
flott efni sem hægt er að letra
á eða þrykkja í merki fyrir-
tækisins og texta að eigin vali,
þannig að úr verði glæsilegur
gripur í höndum viðskiptavina
á samkeppnishæfu verði. Það
er oft mikið álag á matseðlum,
þeir liggja í bleytu á borðum
löngum stundum og efnin í
þeim þurfa að vera sérstak-
lega vönduð til að hægt sé að
strjúka af þeim bleytuna og
koma þeim aftur í virkni snyrti-
legum og fínum.“
Allar þessar vörur eru fram-
leiddar á staðnum frá grunni og
fjölbreytnin því næstum tak-
markalaus. Fyrirtæki geta haft
samræmt útlit á matseðlum,
vínseðlum, lyklakippum, hótel-
möppum, reikningamöppum
á veitingastaðnum, klemmu-
spjöldum fyrir fararstjóra og
jafnvel töskumerkjum fyrir
viðskiptavini. „Allt getur verið í
sama útliti sem er mjög töff og
kemur vel út. Þessar vikurnar
erum við að taka í notkun ný
efni án plasts sem auka enn
úrvalið.“
Nánari upplýsingar má finna
á https://www.mulalundur.is/
verslun/matsedlar-serfram-
leiddir/ og með því að hafa
samband við starfsfólk Múla-
lundar sem hefur mikla reynslu
á þessu sviði.
Vinsæl vefverslun
Á heimasíðunni mulalundur.is er
rekin stór og vinsæl vefverslun.
„Þar geta viðskiptavinir valið
úr glæsilegu úrvali fjölbreyttra
vara og bæði verð og úrval koma
ánægjulega á óvart. Einfalt er að
versla á netinu og sendum við
vörurnar yfirleitt strax daginn
eftir,“ segir Sigurður. Fari pöntun
yfir 20.000 krónur er frí heims-
ending um land allt en ef pantað
er fyrir lægri upphæð er tekið lágt
sendingargjald.
Heimsmarkmiðin
Á Múlalundi hafa þúsundir ein-
staklinga með skerta starfsorku
fengið annað tækifæri í 63 ár. Æski-
legast er að samfélagsleg ábyrgð sé
fléttuð inn í hefðbundna starfsemi
fyrirtækja. „Við segjum stundum
að það að panta vörur af Múla-
lundi sé einfaldasta samfélagsverk-
efnið. Panta vörur sem hvort sem
er þarf að kaupa og fá þær sendar
daginn eftir,“ segir Sigurður Viktor.
„Þá er fyrirtækið búið að láta gott
af sér leiða þann daginn.“
Á Múlalundi starfa dugmiklir
einstaklingar sem í kjölfar slyss
eða heilsubrests hafa þurft að
takast á við andlega eða líkamlega
fötlun eða veikindi.
Heimsmarkmið Sameinuðu
þjóðanna númer 8 tekur til þess að
vinna skuli vera „í boði fyrir alla,
konur og karla, þar á meðal ungt
fólk og fatlað fólk“. Þegar fyrirtæki
kaupa rekstrarvörur eða þjónustu
hafa þau val um að
kaupa þær af Múla-
lundi, vinnustofu
SÍBS, og stuðla þannig
að fjölbreyttum
störfum fyrir fólk með
skerta starfsorku.
Hringrásarhagkerfið
Mikilvægt er að fyrir-
tæki og stofnanir leggi
áherslu á hringrásar-
hagkerfið þar sem
vörur eru ekki fram-
leiddar, notaðar og
þeim hent, heldur séu þær endur-
unnar og endurnýttar eins og frek-
ast er unnt. Það kallar á að vörur
séu teknar í sundur eftir að notkun
lýkur og flokkaðar eftir efnum.
Þannig fást hreinir straumar til
endurvinnslu sem hámarkar virði
þeirra, sem og líkur á því að hægt
sé að endurnýta og endurvinna
vörurnar til fulls. Múlalundur getur
sinnt þessum mikilvæga þætti í
hringrásinni. „Þá eru slegnar tvær
samfélagslegar flugur í einu höggi,
umhverfisfótsporið lágmarkað og
á sama tíma sköpuð mikilvæg störf
fyrir fólk með skerta starfsorku,“
segir Sigurður Viktor.
Fyrirtæki útvisti verkþáttum
Í sumum tilfellum hafa viðskipta-
vinir séð sér hag í því að útvista
tilteknum hluta starfsemi sinnar
til Múlalundar. Þá sér fyrirtækið til
dæmis um markaðsmál, innkaup
og samskipti við viðskiptavini en
Múlalundur sér um að afgreiða
pantanir og vinna það sem þarf að
vinna. Þetta hentar meðal annars
einyrkjum og nýsköpunarfyrir-
tækjum sérstaklega vel þar sem
þau geta einbeitt sér að viðskipta-
vinum og uppgangi fyrirtækisins.
Þetta hentar til dæmis þegar álag
er ekki jafnt og þétt heldur eins og
ein eða fleiri afhendingar á viku.
Þá hentar illa að ráða eigið starfs-
fólk í verkefnið.“
Öllum er mikilvægt að vinna
Múlalundur hefur frá árinu 1959
verið rekinn af SÍBS með stuðn-
ingi Happdrættis SÍBS. Frá því
starfsemin hófst hafa þúsundir
einstaklinga með skerta starfs-
orku fengið annað tækifæri og
blómstrað á ný.
Á Múlalundi, vinnustofu SÍBS, er
glæsileg verslun við Reykjalund í
Mosfellsbæ. Sími 562- 8500. Skoðið
úrvalið á mulalundur.is ■
Múlalundur
selur flotta
pappírspoka.
24 kynningarblað 25. mars 2022 FÖSTUDAGURSJÁLFBÆR REKSTUR