Fréttablaðið - 25.03.2022, Blaðsíða 39

Sjóvá hefur um langt skeið
unnið að samfélagslega
ábyrgum verkefnum og
leitast við að lágmarka
umhverfisáhrif af starf-
seminni. Þannig eru til
dæmis mörg áhugaverð
verkefni í gangi á því sviði
þegar kemur að þjónustu við
viðskiptavini sem lenda í
tjónum.
Sjóvá hefur í gegnum tíðina lagt
ríka áherslu á samfélagslega
ábyrgð. Sú hugsun er enda samofin
tryggingum sem ganga jú út á að
við tökumst saman á við óvænt
áföll. Þeir Ólafur Þór Ólafsson, for-
stöðumaður eignatjóna, og Hjalti
Þór Guðmundsson, forstöðu-
maður ökutækjatjóna, segja að
meðal þeirra samfélagslega ábyrgu
verkefna sem stöðugt sé unnið að
sé að lágmarka umhverfisáhrifin
af tjónaþjónustu.
„Sjóvá vill leggja sitt af mörkum
til að stuðla að sjálfbærni og vernd
umhverfisins og vinnur því að því
að draga úr umhverfisáhrifum
starfseminnar. Ábyrg nálgun á
allt ferlið okkar, hvort sem um er
að ræða samtal við viðskiptavini,
þjónustuleiðir, vöruþróun eða
tjónaþjónustu, er okkar leið til að
stuðla að sjálfbærari lausnum,“
segir Ólafur. „Sjálfbærni er auð-
vitað málaflokkur sem varðar
tryggingafélög með beinum hætti.
Meðvitund um umhverfisáhrif í
tjónavinnslu getur haft úrslitaáhrif
á ákvarðanir í kjölfar tjóna. Við
sjáum mikil tækifæri til þess að
bjóða fjölbreyttar lausnir sem
minnka vistspor tjóna. Við höfum
einnig sett okkur það markmið að
verða kolefnishlutlaus fyrir árið
2025.“
Sjálfbærni aukin á öllum sviðum
Hjalti segir hlutverk Sjóvár vera
að tryggja verðmætin í lífi fólks og
ramminn utan um þau sé ávallt
samfélagið í heild sinni. „Þess
vegna er það okkur hjartans mál
að starfa í fullri sátt við samfélag
og umhverfi og leggja okkar af
mörkum til að auka sjálfbærni á
öllum sviðum. Með því stuðlum
við að bjartari framtíð fyrir
samfélagið allt. Við bætum tjón
viðskiptavina okkar og tryggjum
þannig fjárhagslegt öryggi þeirra.
Með öflugu forvarnarstarfi
leitumst við jafnframt við að
koma í veg fyrir slys og óhöpp og
hjálpum þannig viðskiptavinum
okkar og samfélaginu öllu að koma
í veg fyrir óþarfa tjón og slys. Það
skiptir máli bæði fyrir samfélagið
og umhverfið.“
Lausn sem sparar sporin
Þeir Hjalti og Ólafur segja stöðugt
aukna áherslu lagða á að finna
leiðir til að draga úr umhverfis-
áhrifum starfsemi Sjóvár. Ólafur
nefnir fyrst til sögunnar rafræna
fjarskoðunarlausn Sjóvár, sem
heitir Innsýn og hefur verið í
notkun frá byrjun árs 2021. „Með
Innsýn geta sérfræðingar okkar
skoðað vettvang tjóna í gegnum
snjallsíma viðskiptavinar og
metið aðstæður og hvort þörf sé á
heimsókn. Þannig er oft hægt að
leysa málið hratt og vel, auk þess
sem þessi lausn hjálpar okkur að
minnka kolefnisspor starfseminn-
ar og ekki síður að spara viðskipta-
vinum okkar sporin. Með þessum
hætti geta sérfræðingar okkar líka
jafnvel leiðbeint um fyrstu við-
brögð við tjóninu og þannig komið
í veg fyrir að það verði stærra.“
Mikill akstur sparaður
Hann segir starfsfólk Sjóvár hafa
sparað að minnsta kosti 18.000 km
í akstri með Innsýn á árinu 2021.
„Við erum að tala um næstum
hálfan hring kringum jörðina, en
við framkvæmdum yfir 1.000 raf-
rænar tjónaskoðanir um land allt
á síðasta ári. Þannig eru dæmi um
tjón þar sem Innsýn sparaði akstur
upp á allt að 500 km. Sem dæmi
var hringt í tjónavaktina hjá okkur
vegna vatnsleka á Austurlandi þar
sem við gátum strax leiðbeint um
viðbrögð til að minna skaðann,
símtalið sparaði akstur upp á 300
km og málið var afgreitt á stuttum
tíma. Við höfum einnig nýtt okkur
þessa lausn með þjónustuaðilum
okkar um allt land, það flýtir fyrir
og allt ferlið verður umhverfis-
vænna. Við heyrum að viðskipta-
vinir okkar eru afar ánægðir með
hvort tveggja, aukinn hraða og
að þessi lausn hafi minni áhrif á
umhverfið.“
Betri nýting tjónamuna
Önnur mikilvæg aðgerð, að sögn
Ólafs, er að nýta betur tjónamuni
og auka þannig líftíma þeirra hluta
sem þegar eru í notkun, í stað þess
að kaupa nýja með tilheyrandi
vistspori. „Við höfum undanfarin
ár leitað nýrra leiða til að nýta
tjónsmuni sem við eignumst til
að lágmarka sóun vegna tjóna.
Auðvitað er það ekki alltaf hægt
en það er þó oft mögulegt að finna
skemmtilegar lausnir. Á síðasta
ári hófum við t.d. samstarf við
Fjölsmiðjuna á höfuðborgar-
svæðinu en þar ganga tjónamunir
í endurnýjun lífdaga og nýtast til
kennslu og þjálfunar. Þetta eru
hlutir á borð við tölvu- og tækja-
búnað, fatnað og húsgögn fyrir
trésmíðadeild. Auk þess ráðstöfum
við einnig ýmsum munum til skóla
og ýmissa góðgerðarfélaga. Til
viðbótar við þetta þá stendur við-
skiptavinum til boða að velja milli
uppgjörsleiða þar sem umhverfis-
vænni uppgjörsleið er valkostur,
þegar það er mögulegt. Þetta er
eitthvað sem við finnum að fólk
kann sannarlega að meta.“
Rúðuviðgerðir minnka sóun
Meðal annarra verkefna sem
Sjóvá hefur hrint í framkvæmd
til að draga úr umhverfisáhrifum
starfseminnar, nefnir Hjalti
aukna áherslu á bílrúðuvið-
gerðir. „Rúðuviðgerðir minnka
sóun og þess vegna höfum við
sett okkur markmið um að auka
hlutfall viðgerða á framrúðum
í stað þess að þeim sé skipt út,
þegar slíkt er hægt. Viðgerð er
líka mun umhverfisvænni kostur
en útskipti á rúðu. Sem dæmi má
nefna að útskipti meðalstórrar
bílrúðu losar um 51,62 kg af CO₂
meðan viðgerð losar einungis um
0,0022 kg af CO₂. Þetta er umtals-
verður munur eins og sjá má. Við
hófum sameiginlegt átak með
okkar frábæru samstarfsaðilum
í tjónaviðgerðum árið 2020, sem
kom í veg fyrir losun sem sam-
svarar 15 tonna koltvísýringsgilda
við rúðuskipti á síðasta ári. Við
stefnum enn hærra í þessu átaki á
næstunni með tilheyrandi ábata
fyrir umhverfið. Einnig má nefna
að viðskiptavinurinn greiðir ekki
eigin áhættu af slíku tjóni og missir
ekki Stofnendurgreiðslu. Það er því
bæði gott fyrir viðskiptavininn og
umhverfið að láta gera við rúðuna
þegar mögulegt er.“
Umhverfisvænni valkostir
Þegar bíll viðskiptavinar fer í
viðgerð í kjölfar tjóns getur hann
oft valið um að fá bílaleigubíl
eða greiðslu sem samsvarar
kostnaði við bílaleigubílinn að
sögn Hjalta. „Við erum að bjóða
fasta upphæð fyrir hvern dag sem
ökutækið er í viðgerð, sem fólk
velur í auknum mæli. Á síðasta ári
bættum við þriðja valkostinum
við sem er inneign hjá rafhlaupa-
hjólaleigunni Hopp, sem vakti
mikla athygli meðal viðskipta-
vina okkar, enda skemmtileg
nýjung og gaman að þróa þetta
áfram. Fjöldi tjóna þar sem annar
kostur en bílaleigubíll varð fyrir
valinu endaði í 24,4% árið 2021,
samanborið við 20% árið 2016, og
við eigum von á að sjá þessa tölu
hækka á næstu árum.
Við höldum síðan áfram að
leita leiða til að þróa vörur okkar,
þjónustu og starfsemina í takti
við umhverfið, á sama tíma og við
höfum þarfir viðskiptavina alltaf
að leiðarljósi. Við finnum líka fyrir
því að fólk kallar í auknum mæli
eftir áherslu á umhverfismálin
og því ánægjulegt að geta stöðugt
unnið að því að finna nýjar leiðir
og lausnir til að minnka áhrifin
á umhverfið, með hagsmuni við-
skiptavina og samfélagsins alls að
leiðarljósi.“ n
Í sátt við samfélag
og umhverfi
Ólafur Þór
Ólafsson (t.v.),
forstöðumaður
eignatjóna,
og Hjalti Þór
Guðmundsson,
forstöðumaður
ökutækjatjóna
hjá Sjóvá.
FRÉTTABLAÐIÐ/
ERNIR
Viðgerðir á bílrúðum
minnka sóun
kynningarblað 25FÖSTUDAGUR 25. mars 2022 SJÁLFBÆR REKSTUR