Fréttablaðið - 26.03.2022, Síða 94

LEIKHÚS
Umskiptingur
Sigrún Eldjárn
Þjóðleikhúsið
Leikstjóri: Sara Martí
Guðmundsdóttir
Leikarar: Arnaldur Halldórsson,
Katla Líf Drífu-Louisdóttir, Arndís
Hrönn Egilsdóttir, Auðunn Sölvi
Hugason, Hjalti Rúnar Jónsson,
Tinna Margrét Hrafnkelsdóttir og
Andri Páll Guðmundsson
Leikmynd, búningar og brúður:
Snorri Freyr Hilmarsson
Tónlist og tónlistarstjórn:
Ragnhildur Gísladóttir
Söngtextar: Sigrún Eldjárn,
Sara Martí Guðmundsdóttir og
Ragnhildur Gísladóttir
Hljóðhönnun: Kristján Sigmundur
Einarsson og Ragnhildur
Gísladóttir
Lýsing: Jóhann Friðrik Ágústsson
Sviðshreyfingar: Rebecca Hidalgo
Sigríður Jónsdóttir
Tröllskessan Viktoría Sigríður er í
leit að fegurðinni. Hún finnur hana
óvænt í ungri stelpu steinsofandi í
stuðlaberginu. Bella mannabarn er
þannig numin á brott eftir að hafa
orðið viðskila við Sævar bróður sinn
í berjamó og Steini tröllastrákur er
skilinn eftir af móður sinni í hennar
stað. Umskiptingur er nýtt íslenskt
barnaleikrit eftir Sigrúnu Eldjárn,
einn af bestu barnabókahöfundum
Íslands, og var frumsýnt á Litla sviði
Þjóðleikhússins um síðastliðna
helgi. Leikritið var valið úr 150 leik-
ritum sem bárust þegar Þjóðleik-
húsið kallaði eftir leikritum og hug-
myndum að leikritum fyrir börn.
Hér mætast gamlir og nýir tímar
og fjöldinn allur af ævintýralegum
persónum og furðuverum: álfar,
tröll, mannfólk og ofurhetjur. Í
fyrstu sat ofurhetjuviðbótin svo-
lítið illa í sýningunni en svo kom í
ljós að hún smellpassar inn í sögu-
heiminn. Ofurmenni eru nefnilega
þjóðsagnapersónur 21. aldarinnar.
Leiðir þessara mismunandi hópa
mætast og allar persónurnar, óháð
uppruna, eru tilbúnar að leggja
hönd á plóg til að ná markmiðum
sínum. Ja, fyrir utan kannski eina
ónefnda tröllskessu.
Kostuleg tröllskessa
Leikhópurinn er að mestu saman-
settur af ungu fólki sem stendur
sig afskaplega vel, allt með tölu. En
fyrst þurfum við að aðeins að ræða
um fullorðna fólkið sem er hárs-
breidd frá því að stela sýningunni.
Arndís Hrönn Egilsdóttir smjattar
á hlutverkum sínum með bestu lyst
og er algjörlega kostuleg í hlutverki
tröllskessunnar Viktoríu Sigríðar,
svo ekki sé nú minnst á gelgjulegu
pylsugerðarkonuna. Hér er hún
á heimavelli og virkilega gaman
að sjá hana á þessum vettvangi.
Á síðastliðnum árum hefur Hjalti
Rúnar Jónsson verið að safna í
reynslubankann og uppsker ríku-
lega hér. Alger unun er að sjá hann
nýta hvert einasta tækifæri til að
kæta og skemmta leikhúsgestum.
Í hans höndum verður Ofur-pabbi
bæði hlýr og aulalegur en aðallega
bráðfyndinn.
En þá að unga fólkinu. Manna-
börnin tvö, Sævar og Bellu, leika
þau Arnaldur Haraldsson og Katla
Líf Drífu-Louisdóttir af mikilli
sannfæringu. Katla syngur eins og
engill en er líka ansi fær leikkona,
enda skiptir Bella skapi af miklum
krafti. Arnaldur er þessi týpíski
stóri bróðir sem elskar litlu systur
en vill stundum fá frið frá henni, og
hann leysir það lipurlega. Auðunn
Sölvi Hugason leikur orkuboltann
Steina tröllabarn af einlægni og er
sneisafullur af fjöri. Ofursystkinin
Ofur-Sól og Ofur-Mána leika Tinna
Margrét Hrafnkelsdóttir og Andri
Páll Guðmundsson. Þau vinna
skemmtilega saman og sýna okkur
sannfærandi systkinasamband
sem einkennist af ljúfmennsku og
húmor.
Upp á sitt besta
Sara Martí Guðmundsdóttir hefur
sérhæft sig í að leikstýra barnaleik-
ritum síðastliðin ár og er hér upp á
sitt besta. Umskiptingur er leiftr-
andi og lifandi allan tímann. Hún
reiðir sig ekki á risastóra leikmynd
eða tölvubrellur heldur leggur
áherslu á leikhústöfra í sinni tær-
ustu mynd og gefur öllum leikur-
unum tækifæri til að njóta sín, sem
er merki um góðan leikstjóra.
Virkilega ánægjulegt er að sjá list-
ræna aðstandendur nýta sér mögu-
leika Litla sviðsins en brekkan hefur
verið færð. Sviðið er langsum yfir
salinn sem færir framvinduna nær
áhorfendum og býr til pláss fyrir
ærslagang þvert á leiksviðið. Snorri
Freyr Hilmarsson er einn af okkar
færustu leikmyndahönnuðum og
sviðsmyndahönnun hans fyrir
Umskipting sannkallað listaverk.
Stuðlabergið teygir sig yfir allt svið-
ið og geymir marga leyndardóma,
þar á meðal einkar eftirminnilegan
dreka. Búningarnir eru líka listi-
lega vel gerðir þar sem hver sam-
félagshópur hefur sín séreinkenni
og litróf.
Réttir strengir
Tónlistina semur engin önnur en
Ragnhildur Gísladóttir. Júróvision-
lag ofurfjölskyldunnar er klárlega
besta sneiðin af þessari ljúffengu
tónlistarköku sem er kannski ekki
flókin í uppbyggingu en slær á alla
réttu strengina. Hljóðhönnunin er
í höndum Ragnhildar og Kristjáns
Sigmundar Einarssonar og heppnast
hún þokkalega en hljóðnemanotk-
unin er frekar yfirþyrmandi í þessu
litla rými. Hefði ekki verið nóg að
nota þá í söngatriðunum? Rúsínan
í pylsuendanum er síðan sviðs-
hreyfingar Rebeccu Hidalgo. Hún
lætur ekki plássleysið trufla sig og
finnur frábærar lausnir, til dæmis
með virkilega vel samansettum
handahreyfingum.
Leikritasamkeppnir eru ágætar til
síns brúks en hefði ekki verið skyn-
samlegt að hafa hreinlega samband
við höfundinn að fyrra bragði og
biðja hana um leikrit? Sigrún hefur
nefnilega engu gleymt, handritið
endurspeglar hennar mörgu kosti
þá aðallega frumleg efnistök og
hlýju. Sara Martí sýnir sömuleiðis
að hún er einn færasti baranasýn-
ingaleikstjóri landsins um þessar
mundir. Leikhópurinn blómstrar í
fallegri og bráðskemmtilegri sýn-
ingu um ólíklega vináttu þar sem
allir leikararnir fá að njóta sín. n
NIÐURSTAÐA: Stórskemmtileg
og hrífandi sýning.
Leikhópurinn blómstr-
ar í fallegri og bráð-
skemmtilegri sýningu
um ólíklega vináttu.
Stuð í stuðlaberginu
Hér mætast gamlir og nýir tímar og fjöldinn allur af ævintýralegum persónum og furðuverum. MYND/AÐSEND
kolbrunb@frettabladid.is
Destination Mars er einkasýning
Söru Riel í Ásmundarsal og er sett
upp sem geimferð til Mars. Lista-
maðurinn beitir fjölbreyttri tækni
til að fjalla um grundvallar-
spurningar svo sem uppruna,
tilgang, siðferði og örlög.
Sýningin er í öllu húsinu
og samanstendur af mál-
verk um, teik ning um,
grafík, ljósmyndum, lág-
myndum, innsetningu og
veggverkum.
Sara Riel (f. 1980) nam
höggmyndalist við Kunst-
hochschule Weissensee
Berlin, og útskrifaðist
með meistaragráðu og sem
heiðursnemandi DAAD 2005
og meistaranemi (post-grad)
árið 2006. Sara hefur
frá námsárunum tekið
virkan þátt í alþjóðlegu
starfi götulistamanna
í Evrópu og víðar. Hún
hefur sýnt verk sín í
f lestum höfuðsöfnum
Íslands og tekið þátt
í fjölmörgum sýn-
ingum hérlendis og
erlendis og verið
heiðruð af virtum
menningarstofn-
unum. Verk eftir
hana eru í eigu
bæði stofnana
og einkasafn-
ara. n
Geimferð til Mars
Sara beitir fjöl-
breyttri tækni í
list sinni.
MYND/AÐSEND
Bi
rt
m
eð
fy
rir
va
ra
um
p
re
nt
vil
lur
. H
eim
sfe
rð
ir
ás
kil
ja
sé
r r
étt
til
le
iðr
étt
ing
a á
sl
íku
. A
th
. a
ð v
er
ð g
etu
r b
re
ys
t á
n f
yri
rva
ra
.

Verona
14. apríl í 4 nætur
Páskaferð til
595 1000 www.heimsferdir.is
Verð frá kr.
136.250
AUGLÝST EFTIR
BÆJARLISTAMANNI
KÓPAVOGS 2022
Lista- og menningarráð
Kópavogs auglýsir eftir
umsóknum eða ábendingum
um bæjarlistamann
Kópavogs.
Þeir listamenn koma einir til
greina sem eiga lögheimili í
Kópavogi.
HÆGT ER AÐ SENDA INN UMSÓKN
EÐA ÁBENDINGU FYRIR 16. APRÍL
Á NETFANGIÐ
MENNING@KOPAVOGUR.IS.
Bæjarlistamaður
Kópavogs skal vera
tilbúinn til að vinna með
Kópavogsbæ að því að efla
áhuga á list og listsköpun í
bænum og taka þátt í
viðburðum bæjarins með
það að leiðarljósi.
Styrkupphæð
bæjarlistamanns er
1,5 milljónir króna.
Lista- og menningarráð
fer yfir umsóknir og
ábendingar. Í þeim skulu
koma fram upplýsingar um
náms- og starfsferil
viðkomandi og hugmyndir
um með hvaða móti
bæjarlistamaður hyggst
auðga lista- og
menningarlíf bæjarbúa.
MEKO.IS
54 Menning 26. mars 2022 LAUGARDAGURFRÉTTABLAÐIÐ