Börn og menning - 2020, Síða 33

33
Listamaðurinn Odee, eða Oddur Eysteinn Friðriksson, á heiðurinn af verkinu Hugar-
flug sem prýðir kápu Barna og menningar að þessu sinni. Odee hefur á stuttum tíma
vakið mikla athygli fyrir áhugaverða listsköpun. Hann vinnur mest með svokallaða
digital fusion eða visual mashup-list, sem hann kallar samrunalist. Þar blandar hann saman
efni úr vinsælli menningu til þess að skapa ný sjálfstæð listaverk. Tjáningarfrelsi lista-
mannsins er Odee mjög hugleikið, þá sérstaklega ofar höfundarrétti, og hefur hann
látið taka til sín í þeim málefnum opinberlega oftar en einu sinni.
„Þegar ég fékk það verkefni að hanna forsíðu fyrir Börn og menningu vildi ég skapa
listaverk sem væri stútfullt af tjáningu. Verk sem myndi sýna hugarflug og sköpun, með
tengingar við innra barn einstaklings. Form, litir, persónur og fjöldi tjáningarafbrigða
brjótast út í þessu verki sem geislar og grípur áhorfandann. Erfitt er að líta fram hjá
sköpunarverki á borð við Hugarflug. Börn hafa svo undurfagurt ímyndunarafl sem
erfitt er að leika eftir á fullorðinsaldri, þótt margir reyni það. Því býð ég áhorfandanum
að gleyma sér, kafa í lystisemdir Hugarflugs og hverfa aftur til barndóms eitt augna-
blik,“ segir listamaðurinn.
• FORSÍÐAN •