Bændablaðið - 23.06.2022, Blaðsíða 23
23Bændablaðið | Fimmtudagur 23. júní 2022
Gríðarmikil spretta í Eyjafirði:
Allt að helmingi meira magn
„Það bara gjörsamlega veður
upp grasið og magnið sem
bændur eru að fá er gríðarlega
mikið,“ segir Sigurgeir Hreins
son, framkvæmdastjóri Búnaðar
sambands Eyjafjarðar.
Bændur í Eyjafirði eru víða
komnir vel áleiðis með fyrri slátt,
einkum inni í Eyjafjarðarsveit og
á Svalbarðsströndinni, en síður út
með firðinum.
„Nú þarf eiginlega bara
almennilegan þurrk svo hægt sé
að heyja.“
Hann segir tún yfirleitt falleg
og sprettan mjög góð en vætutíð
undanfarna daga hefur sett strik í
reikninginn. Sem dæmi um góðan
heyfeng segir Sigurgeir að ekki sé
óalgengt í meðalári að fá um 10 til
12 rúllur af góðum túnum af hektara
lands í fyrri slætti. Nú séu bændur
að uppskera 15 og upp í 20 rúllur
af hektaranum.
Nefnir Sigurgeir að maímánuður
síðastliðinn hafi ekki verið hlýr, en
það sem skipti sköpum var að engar
frostnætur voru þann mánuð. Til
samanburðar voru 18 frostnætur í
maí í fyrra.
Þá segir hann að úrkoma í
nýliðnum maímánuði hafi verið
tvöföld á við það sem gerist í
meðalári og því hafi jörð verið
mjög rök. „Þetta er allt eiginlega
bara æðislegt, mikil og hröð spretta
og túnin hér um kring sjaldan jafn
glæsileg. Rigningartíð síðustu daga
setur aðeins strik í reikninginn, ef
ekki fer að koma góður þurrkur má
gera ráð fyrir að grösin tapi sínu
besta,“ segir hann. /MÞÞ Mikil og góð spretta hefur verið í Eyjafirði framanverðum og heyfengur góður.
Myndir / Ingvi Guðmundsson
Sláttur gengur vel á Hríshóli.
Sterkur Stöðvarfjörður
Samstarfsverkefninu Sterkur
Stöðvarfjörður hefur verið hrint
í framkvæmd.
Verkefnið er samstarf milli
Fjarðabyggðar, Austurbrúar,
Sambands sveitarfélaga á Austurlandi
og Byggðastofnunar, en um er að
ræða byggðaþróunarverkefni undir
merkjum Brothættra byggða.
Valbjörg Ösp Ánadóttir Warén
er ráðin verkefnastjóri og hefur
störf síðar í sumar. Nú stendur
yfir vinna við mótun áætlunar
fyrir verkefnið, en hún byggir á
skilaboðum frá íbúaþingi sem
haldið var fyrr á árinu, sem og
greiningarvinnu verkefnisstjórnar
á stöðu byggðarlagsins. Vonir
standa til að verkefnaáætlun verði
til um miðjan ágúst og verður þá
boðið til íbúafundar og hún kynnt.
Í kjölfar þess verður opnað fyrir
umsóknir í Frumkvæðissjóð Sterks
Stöðvarfjarðar. Samningur gerir
ráð fyrir að verkefnið standi yfir í
fjögur ár. / MÞÞ
Aktu varlega!
Ný sk i l t i
má nú sjá á
framkvæmda
svæðum víða
um land.
Vegagerðin,
í samstarfi við
Samgöngustofu,
Ríkislögreglu-
stjóra og verk-
takafyrirtækin
Ístak, Colas
Ísland og Borgar -
verk, hafa efnt
til vitundar-
átaksins, „Aktu varlega! – mamma
og pabbi vinna hér.“ Nýlega var
skrifað undir viljalýsingu þess efnis
og kynnt ný skilti, sem verða notuð
við framkvæmdasvæði á vegum
landsins í sumar meðan átakið
stendur yfir. /MHH