Bændablaðið - 12.05.2022, Blaðsíða 24
Bændablaðið | Fimmtudagur 12. maí 202224
Sýningin Fyrsti kossinn í höndum
Leikfélags Keflavíkur er önnur
tveggja sem hlaut þann heiður að
vera valin áhugaleiksýning ársins
hjá Þjóðleikhúsinu.
Höfundur leiksýningarinnar er
Brynja Ýr Júlíusdóttir, sem skrifaði
verkið ásamt unnusta sínum,
Guðlaugi Ómari Guðmundssyni, en
þau eru bæði í stjórn leikfélagsins,
gjaldkeri og ritari. Gaman er að segja
frá því að Brynja er barnabarn Rúnars
Júlíussonar, en tónlist hans var höfð
í hávegum í sýningunni auk ýmissa
perlna eftir þá Gunnar Þórðarson og
Bubba Morthens.
Verkið var samið og sett upp til
að heiðra minningu Rúnars heitins
Júlíussonar, sem var eins og flestir
vita frábær tónlistarmaður og
meðlimur í vinsælustu hljómsveitum
landsins á sínum tíma, samdi og gaf
út óteljandi lög á sínum ferli.
„Við vorum auðvitað að
vonast til þess að komast á fjalir
Þjóðleikhússins,“ segir Brynja,
enda mikið lagt í sýninguna sem
er afar metnaðarfull og vel útfærð.
Þannig þetta kom okkur kannski ekki
alveg á óvart en við erum virkilega
ánægð og glöð að fá fréttirnar.
Við höfum verið valin áður, tvisvar
reyndar – annars vegar árið 1999
með „Stælta stóðhesta“ og svo með
frumsaminn söngleik, „Mystery
Boy“, árið 2018. Við fáum að sýna
hjá Þjóðleikhúsinu dagana 9. og 10.
júní,“ heldur Brynja áfram. „Það er
smá spurning með sviðsmyndina,
sem er fyrirferðarmikil, og þurfum
því að finna einhverja töfralausn til
að setja sviðsmynd upp á einum degi
sem er þá líka auðvelt að taka niður.
Við búum sem betur fer að því að
vera með frábært og dugmikið fólk
í stjórn, auk þess sem formaðurinn
okkar er smiður. Alls erum við í
heildina 30-40 manns sem stöndum
að sýningunum, þá bæði leikarar og
aðrir, og vinnum vel saman þannig
þetta á allt eftir að smella.
Hvað varðar sumarið þá er
leikfélagið vanalega með uppákomu
17. júní auk sumarskemmtana hjá
leikskólunum. Leiklistarnámskeið
á þessum árstíma eru í höndum
Reykjanessbæjar, eða listanámskeið
fyrir börn eins og þau eru kölluð, en
þau eru haldin í leikhúsinu okkar,
Frumleikhúsinu,“ segir Brynja sem
hlakkar til að takast á við spennandi
verkefni á næstu vikum.
Frumleikhúsið má finna að
Vesturbraut 17, en innan veggja þess
hefur farið fram afar gróskumikið
starf enda er Leikfélag Keflavíkur
eitt öflugasta áhugaleikfélag Íslands.
Leikfélagið fagnaði 60 ára afmæli á
síðasta ári og setti af því tilefni upp
hundruðustu sýningu sína til þessa,
leikverkið „Fyrsta kossinn“. /SP
Áhugaverðasta áhugaleiksýning ársins – Fyrsti kossinn:
Leikfélag Keflavíkur
Áhugaverðasta áhugaleiksýning ársins – Pétur Pan:
Leikflokkur Húnaþings V
Áhugaleiksýningar ársins:
Á fjalir Þjóðleikhússins
Síðastliðna þrjá áratugi hefur
Þjóðleikhúsið verið í samstarfi
við Bandalag íslenskra leikara
hvað varðar val á leiksýningu
úr smiðju áhugaleikhúsanna er
sérstaka athygli vekur.
Í kjölfarið hefur svo viðkomandi
leikhúsi verið boðið að stíga á fjalir
Þjóðleikhússins og gleðja gesti með
tveimur sýningum eða svo.
Vegna Covid-faraldurs-
ins, sem hefur komið
í veg fyrir sýningar
síðastliðin tvö ár,
hefur ekkert orðið
úr valinu þann
tíma en þess í
stað voru nú valdar
leiksýningar tveggja
áhugaleikhúsa er
þóttu bera af og
sat dómnefnd
Þjóðleikhússsins sveitt
við valið. Niðurstöðurnar
voru svo tilkynntar á aðalfundi
BÍL á dögunum, en Björn
Ingi Hilmarsson, einn meðlima
dómnefndar, kunngerði viðstöddum
úrskurð nefndar.
Kom á daginn að fyrir valinu
urðu sýning Leikflokks Húnaþings
vestra á ævintýrinu skemmtilega
um hann Pétur Pan og svo sýning
Leikfélags Keflavíkur á Fyrsta
kossinum, frumsömdum söngleik
sem gleður svo sannarlega með
frábærri tónlist er flestir þekkja.
Má nærri geta að bæði leikfélög
séu afar ánægð og glöð
með valið og hlakki
til að standa
keik á sviði
Þ j ó ð l e i k s -
hússins áður
en langt um
líður, eða fyrstu
vikuna í júní.
B æ n d a -
blaðið vill því
óska bæði
Leikflokki
H ú n a þ i n g s
vestra og Leikfélagi
Keflavíkur innilega til
hamingju með verðlaunin, enda
vel að sýningunum staðið og valið
hjartanlega verðskuldað.
/SP
ÁHUGALEIKHÚS Á ÍSLANDI
Skráðu þig í áskrift og fáðu 15%
afslátt og fría heimsendingu á
keynatura.is eða í síma 562-8872
DREGUR ÚR TÍÐUM ÞVAGLÁTUM
STYÐUR VIÐ HEILBRIGÐA ÞVAGRÁS OG BLÖÐRU
Frá vinstri eru hér þau Björn Ingi Hilmarsson frá dómnefnd Þjóðleikhússins,
Guðlaugur Ómar Guðmundsson ásamt Brynju Ýr Júlíusdóttur frá Leikfélagi
Keflavíkur og Arnar Hrólfsson frá Leikflokki Húnaþings vestra.
Höfundar sýningarinnar, parið
Brynja Ýr Júlíusdóttir og Guðlaugur
Ómar Guðmundsson.
Sýningin Fyrsti kossinn vakti gífurlega lukku enda lifandi og skemmtileg.
Fríður flokkur sem sýndi stórleik á sviði Félagsheimilis Hvammstanga.
Ævintýrið um Pétur Pan
þekkja flestir, en það var sýnt
11.-14. desember árið 2021 í
Félagsheimilinu Hvammstanga.
Leikmyndin var skemmtilega
uppsett og fengu leikarar á öllum
aldri að spreyta sig, en af 19
leikurum var rúmur helmingur börn.
„Við erum náttúrlega stoltust
af því að þetta er annað árið í röð
sem við erum valin, Covid-ár
reyndar á milli og í fyrsta skipti
sem barnaleikrit er valið. Kannski
kominn tími á víðara svið,“ segir
Ingibjörg Jónsdóttir, gjaldkeri og
meðlimur leikflokksins, í viðtali
við Bændablaðið.
Uppfærslan á leikritinu er
skemmtileg og telur Ingibjörg að
heiðurinn af því eigi þau Greta
Clough og Sigurður Líndal leikstjóri,
enda snillingar bæði tvö.
„Leikmyndina setti Greta upp og
svo erum við með duglega stráka
við smíðarnar auk Arnars sjálfs
sem gerði slatta.“ Hinn 12. júní,
klukkan 14 og 17, eigum við svo
að sýna í Þjóðleikhúsinu. Eitthvað
var af forföllum vegna sumarleyfa,
en gaman er að segja frá því að einn
sem missti af þegar við völdum í
sýninguna á sínum tíma fær nú
tækifæri til að leysa af og fer því
beint í Þjóðleikhúsið!
Í sumar, að venju, sér Greta um
Sumarleikhúsið, leiklistarnámskeið
fyrir börn og Arnar Hrólfsson,
formaður Leikflokks Húnaþings,
verður henni innan handar en hann
leikstýrði til dæmis leikritinu í fyrra
sem krakkarnir sýndu að námskeiði
loknu við mikinn fögnuð. /SP
Drengirnir í Hvergilandi sem ekki vilja vaxa úr grasi.