Skessuhorn - 11.05.2022, Blaðsíða 4

MIÐVIKUDAGUR 11. MAÍ 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá­
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli­ og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli­ og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Loforðalistinn - XL
Við vorum þó nokkuð stór hópur saman komin á fundi á Akranesi. Vorum
á fullu að undirbúa framboðslista til bæjarstjórnar. Stutt var í skilafrest og
því ekki til setunnar boðið að ljúka við málaskrána og raða í sætin. Það var
búið að setja upp á töflu langan lista með kosningaloforðum sem átti eft-
ir að vinna úr, en búið var að samþykkja nafn á listann. Hann átti að heita
Loforðalistinn og sótt yrði um listabókstafinn L. Ekki var það vegna þess
að við værum öll íturvaxin, en vissulega voru einhverjir jú með X-L miða
á bolnum innanverðum. Ég man að í ljósi þess að ég á nokkrar skyrtur af
stærðinni XXX-L, spurði ég hvort ég mætti ekki vera í þriðja sæti á listan-
um.
Okkar aðal vandamál var að velja og hafna þeim göfugu málum sem
átti að setja efst á loforðalistann. Ég náði að koma því að hversu vel það
reyndist danska húmoristanum forðum sem fór í framboð. Hann lofaði
nefnilega meðvindi á hjólastígum og komst á þing og tók meira að segja
mann með sér. Akranes er vissulega það sveitarfélag hér á landi þar sem
hjólreiðar blasa við sem hinn eini sanni samgöngumáti, annað væri lög-
reglumál. Við ákváðum því samhljóða að lofa hægri humátt og meðvindi
hvert sem leiðir lægju.
Varðandi umhverfismálin fórum við svo að ræða sorphirðu og sorpflokk-
un. Áhugi fyrir þeim málaflokki hefur í seinni tíð verið jafn lítill á Akra-
nesi og áhugi ríkisstjórnarinnar á að taka upp nothæfan gjaldmiðil. Hér
höfum við ennþá tvo rusladalla, fyrir ruslið annars vegar og óhreina ruslið
hins vegar. Á líðandi kjörtímabili hefur nákvæmlega ekkert verið gert til að
örva áhuga okkar og vilja til að flokka það sem til fellur á heimilinu. Aftur
gat ég skotið að reynslu minni frá Danmerkurverunni fyrir þrjátíu árum.
Þá flokkuðu allir húsráðendur í sjö ílát; jarðgeranlegt kartöfluhýði og kaffi-
korgur sér, glerflöskur, plast, dósir og pappír samviskusamlega raðað í sín
ílát, en það sem ekki flokkaðist með þessum hætti var hæglega hægt að
koma fyrir í skókassa eftir tvær vikur. Mér finnst alveg ótrúlegt að við þurf-
um sífellt að vera þrjátíu árum á eftir Dönum í þróun svo sjálfsagðra mála
og þessara. Annað dæmi er að á síðasta ári náðum við þeim stað sem Danir
voru á 1992 í sjálfvirkum skilum á skattaskýrslum á netinu.
Þegar við í Loforðalistanum vorum langt komin með stefnumál fram-
boðs okkar voru engu að síður nokkur mál sem menn greindi á um. Við
ræddum meðal annars kurteisi og framkomu við náungann. Einhverjir
töldu að slíkt ætti ekki heima á loforðalista. Engu að síður fékkst samþykkt
að einelti yrði bannað með lögum og með sérstakri tilskipun frá Bastían
bæjarfógeta. Auk þess að meintum gerendum í slíku ofbeldi yrði framveg-
is refsað með veru í sérstökum gapastokk sem komið yrði fyrir á Akratorgi
með óæðri endann upp í vindinn hverju sinni. Það myndi væntanlega auka
til muna viðskiptin í ísbúðinni, enda gerðu menn ráð fyrir að allmargir
gætu lent á þeim stað að þurfa nú loks að svara fyrir gjörðir sínar eftir að
hafa lagt einhvern lítilmagnann í einelti. En loforðalistinn var loks fullmót-
aður. Allir voru svakalega glaðir og ánægðir með farsæla niðurstöðu. Við
blasti hreinn meirihluti í bæjarstjórn enda hefur aldrei áður birst svo hrein-
skiptið og óvenjulegt framboð; sigur blasti við.
Í miðju lófataki í lok fundar hrekk ég upp með andfælum. Þetta hafði
allt verið draumur. Auk þess var fresturinn til að skila inn framboði löngu
liðinn og Loforðalistinn mun því bíða um sinn. Ég staulast því fram í eld-
hús, fæ mér kaffibolla og kveiki á útvarpinu. Á Bylgjunni hljómaði viðtal
við oddvitana þrjá sem mundu eftir því í tæka tíð að skila inn framboðslist-
um. Mikið var þetta hugguleg morgunstund. Gulli byggir var spyrillinn og
hafði á orði að þetta hefði verið alveg eins og að fá gesti úr Kardemommu-
bænum í hljóðver. Bastían bæjarfógeti væri jú einstakt ljúfmenni og vildi
öllum vel. Sumir myndu kannski segja að hann væri hálfgerð gunga, enda
var hann alltaf smeykur við Soffíu frænku, skíthræddur við ræningjana og
ekki síður ljónið þeirra. En hann var ljúfmenni, eins og þau.
Magnús Magnússon
Regus hefur opnað nýja fjarvinnu-
aðstöðu á hótelinu B59 í Borg-
arnesi. Þar eru 18 fjarvinnslu-
stöðvar tilbúnar sem fólk getur
leigt og sinnt starfi sínu í notalegu
umhverfi. „Um mikið byggðamál
er að ræða enda styður opnun slíkr-
ar stöðvar við hugmyndafræðina
um störf án staðsetningar. Regus
hyggst opna sambærilega vinnuað-
stöðu um land allt, sú næsta verð-
ur opnuð um miðjan maí í gamla
Landsbankahúsinu á Ísafirði,“ seg-
ir Stefán Óli Jónsson ráðgjafi hjá
Regus í tilkynningu.
„Það sem gerir útibúið í Borg-
arnesi einstakt er að gestir þess fá
jafnframt aðgang að líkams- og
heilsuræktinni í B59,“ segir Stefán
Óli. Þá segir hann að ný mathöll
með fjölda veitingastaða verði inn-
an tíðar opnuð í sama húsi, þ.e. í
matsal B59, þannig að stutt verður
fyrir þjónustukaupendur skrifstofu-
rýmis að nálgast mat. „Loks er góð
fundaaðstaða í útibúinu, sem getur
hýst allt að 100 manna fundi,“ segir
Stefán Óli.
Erna Karla Guðjónsdóttir, fram-
kvæmdastjóri viðskiptaþróun-
ar Regus á Íslandi, hefur haft veg
og vanda af opnuninni í Borg-
arnesi. „Það er frábært að geta boð-
ið fólki sem býr í nágrenninu upp
á aðstöðu sem eykur bæði lífsgæði
fólks og sparar því tíma, ekki síst
í akstri á milli staða sem jafnframt
er umhverfisvænt. Opnun Regus
í Borgarnesi er liður í því að fólk
geti starfað þar sem það vill búa og
í heimabyggð. Stefna okkar er að
opna á enn fleiri stöðum á næstu
mánuðum svo að fólk um allt land
þurfi ekki að leita langt yfir skammt
að góðri vinnuaðstöðu,“ segir Erna.
mm
Byrjað er að skipta út jarðvegi og
undirbúa stækkun Hótels Búða á
Snæfellsnesi. Þegar framkvæmd-
um verður lokið mun hótelið tvö-
faldast að stærð og verða tæpir þrjú
þúsund fermetrar. Herbergjafjöldi
fer úr 28 í 52. Undir nýja hlutan-
um verður kjallari og þar verður
pláss fyrir eldhús, geymslu og kæla,
þvottahús og fleira.
Við stækkunina verður þriðja
álman byggð sunnan megin við
hótelið þar sem verið hefur hluti af
bílastæði. Nú er grafið fyrir kjallara
og á þeirri vinnu að vera lokið áður
en sumartörnin á hótelinu hefst. Í
haust verður byggingin svo reist úr
forsteyptum einingum. Byggingin
á að verða risin fyrir lok árs og er
áætlað að ljúka breytingum fyrir
næsta vor. af
Íslensk sjávarútvegsfyrirtæki hafa
ákveðið að styrkja stjórnvöld í Úkra-
ínu um eina milljón bandaríkja-
dala, eða jafnvirði um 130 milljóna
króna. Með þessu vilja fyrirtæki í
íslenskum sjávarútvegi leggja sitt af
mörkum með von um að bundinn
verði endir á hörmungar úkraínsku
þjóðarinnar hið fyrsta. Haft verð-
ur samráð við íslensk stjórnvöld um
ráðstöfun fjárins. Fyrirtækin sem í
hlut eiga eru:
Brim, Reykjavík
Eskja, Eskifirði
G. Run. Grundarfirði
Gjögur, Grenivík
Hraðfrystihúsið Gunnvör, Hnífs-
dal
Iceland Seafood
Ísfélagið í Vestmannaeyjum
Loðnuvinnslan á Fáskrúðsfirði
Oddi, Patreksfirði
Rammi, Siglufirði
Samherji, Akureyri
Síldarvinnslan í Neskaupstað
Skinney-Þinganes, Höfn í Horna-
firði
Vinnslustöðin í Vestmannaeyjum
Vísir, Grindavík
Þorbjörn, Grindavík
Arctic Fish, Ísafirði.
mm
Framkvæmdir eru hafnar við
stækkun Hótel Búða
Sjávarútvegsfyrirtæki styðja
rausnarlega við úkraínsku þjóðina
Úr vinnslusal Guðmundar Runólfssonar hf. í Grundarfirði. Ljósm. úr safni/ tfk.
Anddyri Regus við Borgarbraut 59.
Aðstaða fyrir fjarvinnu opnuð í Borgarnesi
Vinnuaðstaða sem Regus býður nú til leigu í Borgarnesi.
Góð fundaaðstaða er í húsinu.