Skessuhorn - 11.05.2022, Blaðsíða 21

MIÐVIKUDAGUR 11. MAÍ 2022 21
Umferð um Faxatorg á Akranesi
var stöðvuð að nýju mánudaginn
9. maí sl. meðan gengið er frá yfir-
boðslögn og frágangi við torgið.
Gert var ráð fyrir að framkvæmd-
um ljúki seint í þessari viku. Íbúar,
en kannski ekki síst gestkomandi
í bænum, hafa orðið áþreifanlega
varir við hversu mikill miðpunkt-
ur torgið er í æðakerfi gatna-
kerfisins. Vel má finna hentugar
hjáleiðir, en betra að vera kunn-
ugur staðháttum. Nú er búið að
malbika akbraut torgsins, eins og
sjá má á meðfylgjandi mynd og í
gær var unnið við hellulögn gang-
brauta við torgið.
mm
Síðastliðinn mánudag útskrifuðust
átta starfsmenn Samkaupa með sér-
stakar háskólagráður í verslunar-
fræðum frá Bifröst og Háskólanum
í Reykjavík. Hópurinn er sá fyrsti
sem lýkur háskólanámi sem haldið
er úti af vinnuveitanda hér á landi
en kennslan og þróun verslunar-
fræðanámsins, sem nefnist Forysta
til framtíðar, er alfarið fjármögnuð
af Samkaupum.
Útskriftarathöfnin fór fram í
Hörpu að viðstöddum fjölskyld-
um og samstarfsfólki. Hrefna Sif
Ármannsdóttir, einn útskriftarnem-
endanna, hélt ræðu í athöfninni og
sagði frá því að hún hóf fyrst störf
hjá Samkaupum árið 2010. Hún
hafði þá aðeins lokið grunnskóla-
prófi og taldi nám ekki henta sér.
Tveimur árum síðar fékk hún tæki-
færi til að taka diplómunám í versl-
unarstjórnun samhliða vinnu, sem
kveikti hjá henni áhuga á frekara
námi. Í framhaldinu kláraði hún
stúdentsprófið og síðar þegar versl-
unarfræðanámið á háskólastigi var
kynnt ákvað hún að slá til. mm
Eftir tveggja ára hlé vegna faraldursins var loksins hægt að
halda hefðbundna morgunstund í Brekkubæjarskóla á Akra-
nesi á þriðjudag í liðinni viku. Þar sýndu nemendur skól-
ans úr öllum bekkjum hin ýmsu atriði eins og söng, dans og
hljóðfæraleik og stóðu sig með mikilli prýði. Þá voru veittar
viðurkenningar til nemenda úr öllum bekkjum fyrir að standa
sig vel í félagshæfni í skólanum. Morgunstundin fór fram í
íþróttahúsinu við Vesturgötu og var nánast fullt hús af nem-
endum og aðstandendum þeirra. Blaðamaður Skessuhorns
stalst úr vinnunni í morgunsárið og tók nokkrar myndir af
skemmtuninni.
vaks
Í síðustu viku fór fram útskrift
hjá Slökkviliði Akraness og Hval-
fjarðarsveitar á tíu nýliðum sem
lokið hafa námi frá Brunamálaskóla
Húsnæðis- og mannvirkjastofnun-
ar. Námið saman stendur af fjórum
bóklegum- og verklegum náms-
hlutum. Nemendur fá m.a. þjálfun í
hefðbundnu slökkvistarfi, reykköf-
un og björgun fólks úr bílslys-
um. Umsjón með náminu höfðu
Sigurður Þór Elísson þjálfunar-
stjóri slökkviliðsins og Jens Heið-
ar Ragnarsson slökkviliðsstjóri, en
Þorlákur Snær Helgason af hálfu
Húsnæðis- og mannvirkjastofnun-
ar.
„Slökkvilið Akraness og Hval-
fjarðarsveitar er mjög lukkulegt
með þessa fullmenntuðu slökkvi-
liðsmenn og horfum við björtum
augum til framtíðar með þennan
flotta hóp nýútskrifaðra slökkvi-
liðsmanna,“ segja þeir Sigurður
Þór og Jens Heiðar í tilkynningu til
Skessuhorns.
mm
Vefmyndavélar hafa verið á höfnum Snæfellsbæjar
um árabil og verið ánægja með þær, meðal annars
í röðum brottfluttra, en einnig hjá þeim sem vilja
fylgjast með veðurlagi. Gömlu vélarnar voru komnar
til ára sinna og stóðust ekki tímans tönn hvað mynd-
gæði varðar og má meðal annars sjá það með því að
bera vefmyndavélina í Ólafsvík saman við vélarn-
ar á Arnastapa og Rifi en í Ólafsvík á eftir að skipta
út gömlu vélinni en það verður gert á næstu dög-
um. Á myndinni er Birgir Tryggvason hjá Bílaaðstoð
og flutningum að hífa Sigurjón Bjarnason rafvirkja
upp í mastrið í Rifi til að skipta um myndavélina
þar. Vélarnar eru við Rifshöfn, Arnarstapahöfn og
Ólafsvíkurhöfn. Slóð á vélarnar má finna á heima-
síðu Snæfellsbæjar.
þa
Útskrifast úr háskóla-
námi í verslunarfræðum
Faxatorg lagt nýju malbiki
Þeir eru nú útskrifaðir ásamt leiðbeinendum sínum. F.v. Jens Heiðar Ragnarsson slökkviliðsstjóri, Karl Jóhann Haagensen,
Styrmir Þór Tómasson, Ársæll Ottó Björnsson, Pálmi Gunnlaugsson, Sigurður Ingi Grétarsson, Karl Svanhólm Þórisson, Sævar
Berg Sigurðsson, Björn Torfi Axelsson, Samúel Þorsteinsson, Ásmundur Jónsson og Sigurður Þór Elísson þjálfunarstjóri.
Ljósm. aðsend.
Tíu slökkviliðsmenn útskrifaðir hjá
Slökkviliði Akraness og Hvalfjarðarsveitar
Vefmyndavélar
endurnýjaðar
við hafnirnar
Morgunstund í Brekkó
5. bekkur dansaði við lagið Fuego með Eleni Foureira. Krakkarnir í 2. bekk sungu skólasönginn. Þessir nemendur fengu viðurkenningu.