Skessuhorn - 11.05.2022, Blaðsíða 12

MIÐVIKUDAGUR 11. MAÍ 202212
Síðasta föstudag var formleg vígsla
á fimleikahúsinu við Vesturgötu á
Akranesi. Í ræðu Sævars Freys Þrá-
inssonar bæjarstjóra kom fram að
langur aðdragandi var að ákvörðun
um byggingu hússins og hófst hún
í nóvember árið 2010 þegar starfs-
hópur skipaður af bæjarráði Akra-
ness skilaði af sér skýrslu þar sem
mat var lagt á aðstöðu íþrótta í
eigu Akraneskaupstaðar og mati
á aðstöðu félaga innan ÍA. Niður-
staða starfshópsins var umfangs-
mikil en í stuttu máli var þar efst á
lista bygging fimleikahúss.
Í fyrstu voru skoðaðir tveir val-
kostir um staðsetningu á húsinu,
annað hvort á Jaðarsbökkum eða
á Vesturgötu. Vesturgata varð síð-
an fyrir valinu og lauk hönnun á
húsinu árið 2018. Fyrsta skóflu-
stungan var tekin 27. ágúst sama ár
og gerðu upphaflegar áætlanir að
húsið yrði tilbúið í lok árs 2019 en
Fimleikafélag Akraness flutti starf-
semi sína inn í húsið í ágúst 2020.
Að lokum þakkaði Sævar öllum
þeim fjölmörgu aðilum sem hafa
komið með einum eða öðrum hætti
að byggingu hússins og fyrir frá-
bært starf og góða samvinnu við að
koma upp þessu glæsilega húsi sem
er lögleg keppnishöll og einstak-
lega vel heppnað.
Auk Sævars fluttu ávörp
þau Eyrún Reynisdóttir fram-
kvæmdastjóri FIMÍA, Þórdís
Þráins dóttir yfirþjálfari hjá FIMÍA,
Valgarður Lyngdal Jónsson forseti
bæjarstjórnar og Hrönn Ríkharðs-
dóttir nýkjörinn formaður ÍA. Að
því loknu var opin æfing hjá iðk-
endum FIMÍA sem gestum var
boðið að fylgjast með. vaks
Á fundi bæjarráðs Akraneskaup-
staðar 28. apríl síðastliðinn kem-
ur fram að Þróunarfélag Grundar-
tanga undirbúi nú stofnun hita- og
gufuveitu á Grundartanga í sam-
starfi við fyrirtæki á Grundar-
tangasvæðinu og nálæg sveitar-
félög. Fyrir huguð er umsókn um
stofnstyrk til Orkusjóðs og ósk-
að eftir vilyrði bæjarráðs um þátt-
töku í styrkumsókninni. Bæjarráð
tók jákvætt í erindið og samþykkti
viljayfirlýsingu fyrir hönd Akra-
neskaupstaðar vegna styrkumsókn-
ar Þróunarfélagsins til Orkusjóðs.
Á Grundartanga verður til tals-
vert magn varma í tengslum við
starfsemi iðnfyrirtækjanna þar.
Horft hefur verið til þess að nýta
þessa orkulind sem í dag fer til spill-
is. Markmið með orkuendurvinnslu
á Grundartanga eru meðal annars
eftirfarandi: Draga úr orkusóun
(glatvarma, raf- og olíukyndingu
á svæðinu), koma upp hitaveitu á
Grundartanga og nærumhverfi sem
í dag er kalt svæði, draga úr losun á
koltvísýringi (CO2), styðja við fjöl-
nýtingu, styðja við klasasamstarf og
stunda nýsköpun og tækniþróun.
Einn af þeim kostum sem er
nærtækastur er að nýta umfram-
varmann sem orkugjafa til hita- og
gufuveitu fyrir fyrirtæki á Grundar-
tanga. Til þessa hefur orka til upp-
hitunar húsnæðis og fyrir heitt
neysluvatn verið fengin úr 1-3
MW af raforku sem nýta mætti til
verðmætari þarfa. Til lengri tíma
litið er mun hagkvæmara að kynda
hús með hitaveitu sem mun því
gera rekstur fyrirtækja á Grundar-
tanga hagkvæmari. Til þessa hefur
ekki verið boðið upp á hitaveitu á
Grundartanga og því hafa núver-
andi fyrirtæki sett upp rafmagns
hitakerfi.
Jafnframt því að útbúa hitaveitu
fyrir Grundartangasvæðið mið-
ar hönnun verkefnisins að því að
geta seinna meir einnig veitt hita
til nærliggjandi býla sem nú njóta
niðurgreiðslu vegna rafhitunar og
þannig bætt nýtingu hitaveitunn-
ar og orku á svæðinu. Hitaveita á
Grundartanga sem nýtir umfram-
varma er frábrugðin hefðbundn-
um hitaveitum á Íslandi að því leyti
að þetta er fjarvarmaveita sem er
í lokuðu tvöföldu kerfi þannig að
vatn til upphitunar er endurnýtt og
því eykst notkun ferskvatns ekkert
miðað við núverandi notkun.
vaks
Sigurður Ingi Jóhannsson, innviða-
ráðherra, kynnti á ríkisstjórnar-
fundi síðastliðinn föstudag tillögu
um að skipa verkefnisstjórn sem
hafa mun umsjón með og fylgja
eftir undirbúningi Sundabraut-
ar. Nefndin verður skipuð fulltrú-
um innviðaráðuneytis, Vegagerðar-
innar, Reykjavíkurborgar og Sam-
bands íslenskra sveitarfélaga. Sér-
stakur verkefnisstjóri verður ráðinn
til starfa.
„Sundabraut mun hafa í för með
sér mikinn samfélagslegan ávinning
og því er mikilvægt að undirbúning-
ur framkvæmdarinnar sé í traustum
skorðum. Lagning Sundabrautar er
ein arðsamasta framkvæmd sem um
getur hér á landi með um 11% innri
raunvexti. Þar að auki erum við að
sjá að heildarakstur á höfuðborgar-
svæðinu gæti minnkað um 150 þús.
km á hverjum sólarhring við opnun
Sundabrautar,“ segir Sigurður Ingi.
Eins og kemur fram í stjórnar-
sáttmála ríkisstjórnarinnar miðast
undirbúningur við að framkvæmdir
hefjist 2026 og Sundabrautin verði
tekin í notkun 2031. Fyrstu verk-
efnin á undirbúningstímabili felast
m.a. í að hefja mat á umhverfisáhrif-
um framkvæmdarinnar, undirbúa
samráð við íbúa og hagsmunaaðila á
öllum stigum verkefnisins og huga
að nauðsynlegum lagabreytingum
og breytingum á skipulagi. Gert er
ráð fyrir því að haldið verði utan
um framkvæmdina í sérstöku félagi
í eigu ríkisins og er unnið að nánari
útfærslu þess. Áætlaður kostnað-
ur við undirbúning Sundabraut-
ar nemur um 1,5 milljarða kr. til
ársins 2026 þegar stefnt er að fram-
kvæmdir hefjist. mm
Undirbúa stofnun hita- og
gufuveitu á Grundartanga
Verkefnisstjórn mun undir-
búa lagningu Sundabrautar
Fimleikahúsið við Vesturgötu formlega vígt
Fimleikahúsið er sambyggt gamla íþróttahúsinu við Vesturgötu. Þórdís, Eyrún og Hrönn klipptu á borðann.
Bæjarstjórn Akraness var mætt til að fagna með fimleikafólkinu.
Hópurinn sem kom saman við skóflustungu að fimleikahúsinu í ágúst 2018.
Fimleikahúsið var tekið í notkun haustið 2020 en formleg vígsla þess var síðast-
liðinn föstudag.