Skessuhorn - 11.05.2022, Blaðsíða 47

MIÐVIKUDAGUR 11. MAÍ 2022 47
Íslandsmeistaramót Garpa í sundi
fór fram um liðna helgi í Ásvalla-
laug í Hafnarfirði. Á mótinu keppa
25 ára og eldri. Ríflega hundrað
keppendur tóku þátt í mótinu, sem
gerir það í röð fjölmennustu móta.
Sundfélag Akraness átti sjö kepp-
endur á mótinu og lönduðu þeir 14
Íslandsmeistaratitlum. Mótið var
einnig stigamót milli félaga. Níu
lið tóku þátt og varð sundlið ÍA í
3. sæti í stigakeppninni, á eftir fjöl-
mennum liðum Sundfélags Hafnar-
fjarðar og Sunddeildar Breiðabliks.
Mótið var hið litríkasta, með kepp-
endum á aldursbilinu 25-90 ára.
Gleðin var svo sannarlega ríkjandi,
og að loknu móti var haldið glæsi-
legt lokahóf á Ásvöllum fyrir kepp-
endur.
Íslandsmeistarar Sundfélags
Akraness eru:
Kári Geirlaugsson: 50m skrið-
sund, 100m baksund, 100m fjór-
sund, 50m baksund og 100m skrið-
sund.
Kristín Minney Pétursdóttir:
100m bringusund, 50m skriðsund,
50m bringusund, 200m skriðsund,
200m fjórsund, 100m skriðsund.
Silvia Llorenz: 50m flugsund.
Anna Leif Auðar Elídóttir: 100m
skriðsund.
Auk þess sigraði kvennasveit ÍA í
4*50m skriðsundi en sveitina skip-
uðu Kristín Minney Pétursdóttir,
Anna Leif Auðar Elídóttir, Silvia
Llorenz og Arnheiður Hjörleifs-
dóttir. Sama sveit hafnaði í öðru
sæti í 4*50m fjórsundi.
Blönduð sveit ÍA í 4*50m fjór-
sundi uppskar silfur en hana skip-
uðu: Kári Geirlaugsson, Jóhann
Pétur Hilmarsson, Kristín Minn-
ey Pétursdóttir og Anna Leif Auð-
ar Elídóttir.
Þá gerði Alexander Eck sér
lítið fyrir og vann til silfurverð-
launa í 800 metra skriðsundi á nýju
persónulegu meti.
Þessu til viðbótar náðu eftir-
farandi sundmenn lágmörkum á
Evrópumeistaramót garpa sem
fram fer í Róm í ágúst: Kristín
Minney Pétursdóttir, Kári Geir-
laugsson, Anna Leif Auðar Elídótt-
ir, Silvia Llorenz og Alexander Eck.
mm/ah
Kári lék sinn fyrsta leik í 3. deild
karla í knattspyrnu í sumar þegar
liðið mætti Sindra á laugardaginn
og fór leikurinn fram á Sindravöll-
um á Höfn í Hornafirði. Það var
lítið að frétta í fyrri hálfleik liðanna
og staðan því markalaus í hálfleik,
0-0.
Tólf mínútum fyrir leikslok
kom Robertas Freidgeimas heima-
mönnum yfir og allt útlit fyrir sig-
ur Sindra. En þegar sex mínútur
voru komnar fram yfir venjulegan
leiktíma fékk Kári vítaspyrnu þegar
brotið var á Nikulási Ísari Bjarka-
syni innan vítateigs. Fyrirliðinn
Andri Júlíusson steig á punktinn og
jafnaði fyrir Kára, gott stig á erf-
iðum útivelli hjá Káramönnum og
fyrsta stig í hús staðreynd.
Næsti leikur Kára er á móti KFS
úr Vestmannaeyjum laugardaginn
14. maí í Akraneshöllinni og hefst
klukkan 15. vaks
Norðurálsmótið í golfi var haldið
á laugardaginn hjá Golfklúbbn-
um Leyni á Garðavelli á Akranesi
og var þetta jafnframt fyrsta golf-
mót sumarsins hjá Leyni. Keppnis-
fyrirkomulagið var 18 holu punkta-
keppni með forgjöf og var hámarks-
forgjöf hjá körlum 24 og hjá konum
28.
Í punktakeppninni var Nói
Claxton hlutskarpastur með 43
punkta, Tómas Haraldsson í öðru
sæti með 37 og Elísabet Valdimars-
dóttir í þriðja sæti einnig með 37
punkta en Tómas var með betra
skor á seinni níu holunum. Besta
skor án forgjafar átti Björn Viktor
Viktorsson. Þá voru veitt nándar-
verðlaun öllum þeim sem voru
næst holu á par þrjú holum vallar-
ins. Á 3. holu var Hafþór Ægir Vil-
hjálmsson 79 cm frá holu, Sigurð-
ur Elvar Þórólfsson var 99 cm frá
holu á þeirri áttundu, Ellert Stef-
ánsson 6,69 metrum á 14. holu og
á 18. holu var Björn Viktor 85 cm
frá holu.
Næsta mót á Garðavelli er
Opna Bónus mótið þar sem verð-
ur punkta keppni og besta skor og
verður haldið sunnudaginn 15. maí.
vaks
Víkingur Ólafsvík tók á móti Völs-
ungi frá Húsavík í fyrstu umferð í 2.
deild karla í knattspyrnu á laugar-
daginn og fór leikurinn fram á
Ólafsvíkurvelli. Það byrjaði ekki vel
fyrir heimamenn því á fyrstu mín-
útu leiksins skoraði Santiago Abalo
fyrir Völsung og eftir tæplega tutt-
ugu mínútna leik skoraði Ólafur
Jóhann Steingrímsson annað mark
gestanna. Víkingur náði síðan að
minnka muninn í 1-2 á 33. mín-
útu með marki frá Mikael Hrafni
Helgasyni og þannig var staðan í
hálfleik.
Það var síðan Ólafur Jóhann sem
tryggði sigur Völsungs fimmtán
mínútum fyrir leikslok með sínu
öðru marki í leiknum og Guð-
jón Þórðarson þjálfari Víkings
fékk síðan rautt spjald mínútu fyr-
ir lokaflautið, lokastaðan 1-3 fyrir
Völsung.
Næsti leikur Víkings er gegn
Ægi föstudaginn 13. maí í Þorláks-
höfn og hefst klukkan 19.15. vaks
Leikur Skagamanna gegn Breiða-
bliki í Bestu deildinni síðast-
liðinn laugardag var sögulegur fyr-
ir liðið, burtséð frá úrslitum hans,
eins og lesa má í frétt hér að neð-
an. Þetta var nefnilega þúsundasta
leikur liðsins í efstu deild Íslands-
móts karla í knattspyrnu. Á síð-
unni Á Sigurslóð, sem ritstýrt er
af feðgunum Jóni Gunnlaugssyni
og Stefáni Jónssyni, kom fram fyr-
ir helgi að allt frá árinu 1946, þegar
ÍA tók fyrst þátt á Íslandsmótinu,
hafi félagið leikið 999 leiki í efstu
deild og orðið meistari 18 sinnum,
fyrst árið 1951 og síðast árið 2011.
Í þessum 999 leikjum hafði ÍA far-
ið með sigur af hólmi í 470 leikjum,
208 lyktaði með jafntefli og ÍA beið
lægri hlut í 321 leik. ÍA hefur í þess-
um leikjum skorað 1.804 mörk en
fengið á sig 1.383. Vinningshlut-
fallið er 57% ÍA í vil.
„Þetta er merkur áfangi í sögu
knattspyrnunnar á Akranesi sem
nær allt frá 1946 þegar ákveðið
var að senda sameiginlegt lið
knattspyrnufélaganna tveggja til
keppni, en ekki í sitt hvoru lagi. Má
fullyrða að þessi ákvörðum hafi átt
stóran þátt í þeirri velgengni sem
síðar varð. Fyrstu árin voru erfið
en fljótt snerist það við. Með fyrsta
meistaratitlinum 1951 kvað við
nýjan tón í íslenskri knattspyrnu.
Landsbyggðarlið hafði stimplað
sig inn og gaf öðrum byggðalögum
tóninn og jafnframt Reykjavíkur-
liðunum keppni sem um munaði.
Nánast samfelld sigurganga stóð
yfir í nánast 50 ár með litlum hlé-
um. Þó eitthvað hafi verið gefið eft-
ir á undanförnum árum er enn sami
metnaður og var og vonandi stytt-
ist í að árangur verði á við það sem
áður var.
ÍA er stórveldi í íslenskri
knattspyrnu. 18 meistaratitlar
segja sína sögu sem og ýmis önn-
ur afrek sem fylgja slíkum árangri.
Ekkert félag hefur unnið titilinn
jafn oft á þeim tíma sem ÍA hef-
ur verið þátttakandi. Markaskor
liðsins er með því mesta sem þekk-
ist, markakóngar á hverju strái
og stærstu úrslit í einstaka leikj-
um. Samtakamáttur fólks á Akra-
nesi gagnvart knattspyrnuliðinu
hefur skipt miklu máli. Hér fyrr á
árum var oft talað um að arðsemi
fyrirtækja hafi oft snúist um stöðu
knattspyrnuliðsins hverju sinni.
Bæjarbragurinn snerist líka oft eftir
gengi knattspyrnuliðsins. Allt þetta
hefur sína sögu og engin ástæða til
að mikla það fyrir sér. Þó er vert
á tímamótum sem þessum að rifja
upp góðar minningar sem tengjast
knattspyrnulífinu á Akranesi í ára-
tugi.“
vaks
Skagamenn fagna Íslandsmeistaratitlinum árið 1970. Ljósm. af vefnum „Á
Sigurslóð“.
Þúsundasti leikur ÍA í efstu deild
Svipmynd úr leiknum á laugardaginn. Ljósm. þa.
Víkingur Ó tapaði í fyrsta leik
Björn Viktor var með besta skor án
forgjafar á mótinu.
Ljósm. af FB síðu Leynis.
Norðurálsmótið í golfi
Byrjunarlið Kára gegn Sindra á laugardaginn. Ljósm. af FB síðu Kára
Kári náði jafntefli
Fjórtán Íslandsmeistaratitlar á Garpamóti um helgina
Kvennasveit ÍA í 4*50m skriðsundi vann til gullverðlauna. F.v. Anna Leif Auðar
Elídóttir, Silvia Llorenz, Arnheiður Hjörleifsdóttir og Kristín Minney Pétursdóttir.
Jóhann Pétur, Kristín Minney, Kári og Anna Leif fengu silfur.
Stund milli stríða. Anna Leif grípur í
prjónana á ráspalli.