Skessuhorn - 11.05.2022, Blaðsíða 38

MIÐVIKUDAGUR 11. MAÍ 202238
Pennagrein
Pennagrein
Pennagrein
Það hefur verið gaman að taka þátt
í kosningabaráttunni nú í vor! Við
sem erum í framboði fyrir Sam-
fylkinguna höfum lagt okkur fram
um að vera málefnaleg, sanngjörn
og bera fram stefnumál sem eru
brýn, framkvæmanleg og til fram-
fara fyrir okkur öll. Við vildum hafa
stefnuskrána skýra og skiljanlega,
ekki langorða né loðmullulega, þó
að baki hennar liggi mikil málefna-
vinna og miklar umræður. Allt það
efni liggur fyrir í heimildabank-
anum og nýtist þegar kemur að
ákvarðanatöku og framkvæmdum.
Ég veit að hinir flokkarnir hafa
líka lagt mikla vinnu við sínar
stefnuskrár og þar má sjá margar
góðar og vel ígrundaðar hugmynd-
ir og stefnumál. Þetta mun nýtast á
næsta kjörtímabili og eiga því fram-
bjóðendur allir þökk og heiður skil-
inn fyrir óeigingjarna vinnu í þágu
íbúa Akraness.
Lifandi lýðræði
Kosningabarátta er spennandi og
lærdómsrík. Við höfum gengið í
hús, dreift bæklingnum okkar og
rósum. Í þessu annríki hittir mað-
ur fjöldann allan af fólki, spjallar,
hlustar og rökræðir. Þeir sem eru í
framboði hafa gott af því að kynn-
ast sem flestum sjónarmiðum og
viðhorfum, að þurfa að verja sinn
málstað og svara fyrir það sem gert
hefur verið eða ekki gert. Þessi lif-
andi umræða er lýðræðið í sinni
einföldustu mynd og er þroskandi
fyrir þá sem taka þátt í henni og ég
þakka fyrir mig.
Kosningar enda alltaf á niður-
stöðu sem vinna þarf úr. Allir flokk-
ar leggja sig fram um að kynna sig
og sína stefnu sem best og oft eru
væntingar auðvitað umfram niður-
stöðuna. Fylgifiskar lýðræðisins eru
sigrar, ósigrar eða óbreytt staða.
Snilldin er að vinna sem best úr því,
vera trúr því sem lofað var og forð-
ast beiskju, því hún er ekki góð-
ur förunautur þegar vinna þarf að
ákvarðanatöku.
Ágætu kjósendur!
Í kosningunum á laugardaginn
veljið þið þá sem munu fara með
umboð ykkar næsta kjörtímabil. Ég
sé ekki betur en allir flokkar bjóði
fram gott og dugmikið fólk og
kosningabaráttan hefur hingað til
að mestu verið málefnaleg og hóf-
stillt. Það er ánægjuefni að Skaga-
menn séu svo heppnir. Við í Sam-
fylkingunni munum leggja okkur
öll fram um að koma stefnumál-
um okkar í höfn. Þau lúta að því að
styrkja og efla samfélagið í víðum
skilningi og eru byggð á hefðbund-
inni jafnaðarstefnu, stefnu sem
sannanlega hefur skapað réttlátustu
og bestu þjóðfélög heims. Til þess
að svo megi verða þurfum við öfl-
ugan stuðning ykkar.
XS - Að sjálfsögðu!
Kristinn Hallur Sveinsson.
Höf. skipar 3. sætið á lista Sam-
fylkingar á Akranesi.
Ræðum saman
Við þurfum fleiri atvinnutækifæri í
Borgarbyggð bæði til þess að laða
að nýja íbúa en einnig til þess að
efla sveitarfélagið og skapa tæki-
færi fyrir þá íbúa sem nú þegar eru
búsettir í sveitarfélaginu. Við þurf-
um fjölbreytt atvinnulíf í takt við
nútímann. Það dugar ekki að sitja
við símann og bíða eftir að fyrirtæki
hringi í okkur, við þurfum að vinna
að settu marki alla daga. Atvinnu-
mál eru verkefni sem þarf að taka
vel utan um og hugsa um eins og
blóma í eggi. Því leggjum við í
Framsókn til að stofnað verði sér-
stakt stuðningsnet fyrir atvinnulíf-
ið og viljum hafa sérstakan atvinnu-
málafulltrúa á vegum sveitarfélags-
ins.
Afsláttur af
gatnagerðargjöldum
atvinnulóða
Við eigum nóg af lóðum til þess að
bjóða fyrirtækjum í Borgarbyggð,
en þær þurfa að vera aðgengi-
legar og aðlaðandi. Til þess að laða
að ný fyrirtæki og flýta fyrir upp-
byggingu leggjum við í Framsókn
til 75% afslátt af gatnagerðargjöld-
um atvinnulóða. Um leið og fyrir-
tækin fara að starfa koma þau með
auknar tekjur inn til sveitarfélags-
ins. Tekjur sveitarfélagsins eru
grunnforsenda þess að við getum
byggt upp og bætt þjónustu fyrir
alla íbúa.
Nýsköpun og
grænir iðngarðar
Við þurfum að laða að okkur
sprotafyrirtæki og nýsköpun, þá
sérstaklega græn fyrirtæki. Við
eigum t.d. nóg af heitu vatni í
sveitarfélaginu á tilteknum stöð-
um í sveitarfélaginu og höfum alla
möguleika til þess að byggja upp
öflug fyrirtæki á sviði nýsköpun-
ar í matvælaframleiðslu. Til þess
að flýta undirbúningi, sem oft og
tíðum er allt of tímafrekur, sjáum
við fyrir okkur að setja upp græna
iðngarða, en þeir geta flýtt flóknu
ferli. Um er að ræða samhæft átak
stjórnvalda, sveitarfélaga, fjárfesta
og fyrirtækja. Grænir iðngarð-
ar eru staðbundið hringrásarhag-
kerfi þar sem úrgangur eins er
auðlind annars. Tækifærin eru til
staðar en það sem þarf er drífandi
sveitarstjórn sem rífur verkefnin
áfram.
Efla vettvang fyrir þá
sem stunda fjarvinnu
Eitt af því sem heimsfarald-
ur Covid skildi eftir er gjör-
breytt landslag í atvinnumálum.
Sífellt fleiri fyrirtæki hafa áttað
sig á kostum fjarvinnu og einstak-
lingur í dag getur búið í Borgar-
byggð en unnið í Osló. Í dag búa
í sveitarfélaginu einstaklingar sem
vinna sína vinnu að hluta eða að
öllu leyti í gegnum fjarvinnu. Því
vill Framsókn koma upp öflug-
um fjarvinnuslustöðvum í sveitar-
félaginu, þar sem fólk sem sinn-
ir ólíkri vinnu getur nýtt aðstöðu.
Það er hagur sveitarfélagsins að
þar búi fólk með ólíka þekkingu
og færni. Með fjarvinnslustöðv-
um getum veitt fólki raunveru-
legt val um hvar þar býr og hvar
þar starfar. Þá er það stefna rík-
isins að fjölga opinberum störfum
út á landi, en 10% allra auglýstra
starfa í ráðuneytum og stofnun-
um eiga að vera án staðsetningar
árið 2024. Þar er lagt til að slík
störf verði unnin á starfsstöð (þ.e.
í húsnæði þar sem fyrir er önnur
starfsemi). Borgarbyggð þarf að
vera tilbúin til þess að taka á móti
einstaklingum sem vinna með
þessum hætti.
Þá eigum við öflug ferðarþjón-
ustufyrirtæki og fyrirtæki sem
hafa verið burðarásar í atvinnulífi
sveitarfélagsins til fjölda ára. Við
þurfum að huga að þeim líkt og
nýjum tækifærum. Þannig náum
við að vaxa og dafna. Það þarf nýja
Framsókn í atvinnumálum.
Guðveig Lind Eyglóardóttir
Höf. skipar 1. sæti Framsóknar í
Borgarbyggð.
Hvað viltu vinna við þegar
þú ert orðin stór?
Í byrjun janúar 2022 bauðst okkur
fjölskyldunni spennandi tækifæri.
Flytja úr borginni í Grundarfjörð.
Við höfðum rætt þetta í nokkurn
tíma, breyta til, flytja í rólegra
umhverfi, á stað þar sem börnin
okkar gætu alist upp við meira frelsi
en gengur og gerist í borginni.
Tækifærið kom og við ákváðum að
stökkva á það. Tveimur vikum eft-
ir að við tókum ákvörðunina stóð-
um við fyrir utan nýja heimilið okk-
ar og bárum innbúið okkar inn. Ég
viðurkenni það að ég var stress-
aður, mjög stressaður. Konan mín
á ættir að rekja til Grundarfjarðar
og þekkir nokkuð til en ég þekkti
ekki nema fjóra. Í ofanálag var ég
á leið í fjarvinnu þannig að ég bjóst
allt eins við að eyða dögunum einn
á skrifstofunni og eiga í erfiðleikum
með það að kynnast fólki. En annað
kom á daginn. Ég hef aldrei vitað
um samfélag sem býður nýja íbúa
eins velkomna og Grundfirðingar.
Á fyrsta degi var bankað upp á og
börnin boðin velkomin og þeim
boðið út að leika. Nokkrum dögum
seinna fékk ég boð um að koma að
vera með í vikulegum fótbolta og
svona hefur þetta verið allar götur
síðan. Ég er ítrekað spurður hvern-
ig flutningarnir hafi gengið, hvern-
ig það hafi gengið að aðlagast og
fólk hlustar af miklum áhuga.
Grundfirðingar vilja að nýj-
um íbúum líði vel í bænum sínum.
Þegar samband var haft við mig og
ég spurður að því hvort ég hefði
áhuga á að vera á framboðslista
Samstöðu í næstkomandi sveitar-
stjórnarkosningum þá hugsaði ég
mig ekki tvisvar um. Þarna var mitt
tækifæri til þess að gefa til baka,
leggja til málanna og halda áfram
að byggja upp þetta frábæra sam-
félag sem tók svona ótrúlega vel á
móti mér og fjölskyldu minni.
En hvað hefur strákur sem
ólst upp í Reykjavík og flutti til
Grundarfjarðar fyrir nokkrum
mánuðum til málanna að leggja er
eðlilegt að fólk spyrji sig. Ég tel
það einn af mínum kostum að vera
nýr í bænum og geta séð hlutina frá
öðru sjónarhorni. Sett mig í spor
tilvonandi íbúa, talað þeirra máli
þegar kemur að þeim tækifærum og
hindrunum sem felast í flutning-
um í Grundarfjörð. Tækifæri bæj-
arins eru mörg, við búum svo vel að
vera með myndaðasta fjall landsins.
Kirkjufellið eitt og sér laðar að sér
fjöldann allan af ferðamönnum á
hverjum degi. Ferðamönnum sem í
langflestum tilfellum keyra í gegn-
um bæinn okkar, stoppa hjá Kirkju-
fellinu, taka myndir, njóta útsýnis-
ins og halda svo áfram. Fyrir mér
eru gríðarleg tækifæri fólgin í því
að gera Grundarfjörð að áfanga-
stað en ekki áningarstað. En hvern-
ig gerum við Grundarfjörð að
áfangastað? Við þurfum að hvetja
og styðja við bakið á heimamönn-
um jafnt sem aðkomumönnum
sem sýna því áhuga að hefja starf-
semi í Grundarfirði. Við verðum að
vera til staðar sem leiðbeinandi afl
sem stendur ekki í vegi fyrir upp-
byggingu heldur hjálpar til við að
taka hana á næsta stig. Bærinn þarf
líka að vera aðlaðandi staður fyrir
fjárfesta að horfa til í uppbyggingu
á alls kyns starfsemi. Við þurfum
að vera tilbúin þegar kallið kem-
ur, taka við með opnum hug og sjá
hvernig hægt er að byggja upp til
framtíðar.
En það sem vantar til þess að
hægt sé að gera þessar hugmynd-
ir að veruleika er húsnæði, bæði
íbúðarhúsnæði og atvinnuhúsnæði.
Varðandi íbúðarhúsnæði þá er mjög
mikilvægt að hér rísi minni íbúð-
ir til leigu. Það sem hræðir ungt
fólk oft í að taka skrefið og flytja
út á land er vöntun á leiguíbúðum.
Það er nauðsynlegt að bjóða nýju
fólki tíma til að koma og prófa að
búa hér án þess að þurfa að kaupa
sér húsnæði. Þegar það kemst svo
inn í samfélagið er ég handviss um
að þessar fjölskyldur vilja hvergi
annars staðar búa!
Varðandi atvinnuhúsnæði, þá er
húsnæði hér í bænum sem hægt
væri að nýta en það þarf einnig að
horfa til framtíðar. Bærinn þarf að
mynda sér stefnu í uppbyggingu
og nýtingu húseigna bæjarins út frá
þeirri framtíðarsýn.
Með því að setja X við L í kom-
andi sveitarstjórnarkosningum þá
ert þú að setja X við áframhaldandi
uppbyggingu þeirra frábæru verk-
efna sem hafa verið í gangi en þú
ert einnig að setja X við spennandi
framtíð. Framtíð sem býður upp á
fleiri og fjölbreyttari atvinnutæki-
færi. Framtíð sem vill dreifa eggj-
unum í fleiri körfur en þær flottu
körfur sem við erum með í dag!
Pálmi Jóhannsson
Höf. skipar 4. sæti L-lista Bæjar-
málafélagsins Samstöðu í Grundar-
firði.
Áfangastaðurinn Grundarfjörður