Skessuhorn - 11.05.2022, Blaðsíða 32

MIÐVIKUDAGUR 11. MAÍ 202232
Oksana Tukachova þurfti að rífa
fjölskyldu sína upp með rótum
og flytja til Íslands þegar stríðið í
Úkraínu skall á. Eiginmaður henn-
ar starfar sem sjómaður og hef-
ur smá tengingu til Íslands. Þegar
átökin í Úkraínu fóru að magn-
ast upp var farið að leita leiða til að
koma fjölskyldunni í öruggt skjól.
Það var íslenski konsúllinn í Var-
sjá, Boguslaw Szemioth, sem hafði
samband við Jóhannes Þorvarðar-
son í Grundarfirði um hvort að
hann væri tilbúinn að taka við fjöl-
skyldu frá Úkraínu. Jóhannes og
Kolbrún Reynisdóttir eiginkona
hans voru fljót að bregðast við og
gátu útvegað þeim húsnæði sem
þá var á lausu. Þegar Oksana kom
svo með börnin sín þrjú þá tóku
Grundfirðingar sig saman og söfn-
uðu öllum helstu nauðsynjum fyr-
ir þau svo þau gætu komið sér fyrir.
Börnin eru komin í nám í Grunn-
skóla Grundarfjarðar en þau eru
í öðrum, fjórða og sjöunda bekk.
Vineta Karimova, sem er búsett í
Grundarfirði og er frá Litháen, fór
með fréttaritara Skessuhorns til að
taka viðtalið og túlkaði fyrir fjöl-
skylduna.
Ólíkar íþróttir en
komin í virkni
„Börnin eru strax byrjuð að eign-
ast vini og eru að aðlagast hrað-
ar en ég,“ segir Oksana brosandi í
upphafi spjalls okkar. Börnin eru
komin á fullt í íþróttum og námi.
„Krakkarnir eru að æfa fótbolta og
frjálsar en það er töluverður munur
á því sem þau voru að æfa heima í
Úkraínu,“ bætir hún við og segir að
Polina dóttir hennar hafi verið að
æfa loftfimleika í köðlum og strák-
arnir æft glímu. Oksana og börnin
komu til landsins í byrjun apríl og
eru öll komin með íslenska kenni-
tölu og dvalarleyfi hér. „Börnin eru
meira að segja aðeins farin að skilja
íslensku,“ segir hún.
Dagurinn byrjar
á fjarnámi
Venjulegur dagur hjá þeim hefst
klukkan fimm á morgnana en þá
fara krakkarnir í fjarnám í Úkra-
ínu. „Þetta var mikið notað þegar
Covid var í gangi þannig að þegar
stríðið skall á þá tóku þeir bara upp
þráðinn aftur og börnin mín byrja
í fjarnámi áður en þau fara í skól-
ann sinn hérna í Grundarfirði,“
segir Oksana, en um það bil þrett-
án til tuttugu og fimm nemendur
hittast í fjarfundarbúnaði og læra
saman undir handleiðslu kennara.
Þau segjast eiga erfitt með að sofa
út af birtunni hérna heima því bjart
er langt fram eftir kvöldi og birtir
til mjög snemma á þessum árstíma.
Þau fá útskýringar frá staðkunn-
ugum að birtan eigi eftir að aukast
næstu misserin, en svo síðsumars
fer að draga úr henni að nýju.
Sáu eldflaugarnar
„Okkur líður mjög vel hérna og líð-
ur eins og við séum örugg, en auð-
vitað eru tilfinningarnar blendnar
og mjög vont að fá allar þessar frétt-
ir af hörmungunum heima,“ segir
Oksana en hún á foreldra, tengda-
foreldra og bróður í Úkraínu. Þau
eru frá Odessa, borg sem hefur ver-
ið í eldlínu átakanna. „Við sáum oft
eldflaugarnar, sem skotið var frá
Krímskaga, fljúga yfir borgina okk-
ar inn í landið, en við vissum aldrei
hvenær þeim yrði beint að okkur.
Það er stór ammoníakverksmiðja
rétt hjá okkur og stóð okkur ekki
á sama ef hún yrði skotmark með
tilheyrandi sprengingu og meng-
un,“ segir Oksana þegar hún reyn-
ir að lýsa aðstæðum og ástæðu þess
að hún gat ekki verið þarna áfram.
Fjölskyldufaðirinn er á sjó og kem-
ur ekki í land fyrr en í haust, en þá
kemur hann líka til Grundarfjarðar
og sameinast fjölskyldu sinni. „Við
tölum saman nokkrum sinnum á
dag í gegnum fjarfundabúnað en
tæknin í dag gerir þetta mögulegt,“
bætir hún við.
Þakklát fyrir
móttökurnar
Þau segjast reglulega fá fréttir að
heiman og fylgjast vel með. „Hús-
ið okkar er ennþá heilt en við eig-
um íbúð í byggingu þar sem átján
hundruð manns bjuggu. Það eru
því svolítil viðbrigði að flytja í þorp
þar sem átta hundruð og fimmtíu
manns búa,“ segir hún og brosir.
Aðspurð kveðst hún ekki vita hvað
framtíðin beri í skauti sér en sér líði
vel í Grundarfirði og börnunum
líði vel. „Við tökum bara einn dag
í einu eins og staðan er núna,“ seg-
ir Oksana.
Fjölskyldan er ótrúlega þakk-
lát fyrir þær móttökur sem hún
hefur fengið í Grundarfirði síðan
þau komu. Allir hafa verið boðn-
ir og búnir að aðstoða og útvega
það sem til þarf á meðan þau eru
að koma sér fyrir. „Ég er bara klökk
yfir velvild fólks og fyrstu næturnar
átti ég erfitt með að sofa yfir þakk-
læti til heimamanna. Ég vil sérstak-
lega þakka Jóa, Kollu og Sævöru
sem hafa veitt okkur ómetanlegan
stuðning í öllu þessu,“ en þar á hún
við Jóhannes Þorvarðarson, Kol-
brúnu Reynisdóttur og Sævöru
Þorvarðardóttur sem hafa ver-
ið þeim stoð og stytta og átt stór-
an þátt í því að koma þeim í öruggt
skjól hingað til lands.
tfk
Frá Úkraínu til Íslands með börnin
Fjölskyldan með Sævöru Þorvarðardóttur sem hefur verið þeim innan handar síðan þau komu.
Sævör og Polina sem er átta ára orkumikil stelpa.
Fjölskyldan frá Úkraínu sendir þakkir til allra sem hafa lagt þeim lið á þessum
erfiðu tímum.
Oksana, Polina og Kyrillo í náttúru
Grundarfjarðar.
Krakkarnir leika sér í snjónum sem var
á undanhaldi núna í vor.
Krakkarnir borða popp úti í náttúr-
unni. F.v. Kyrillo, Polina og Illia.
Við Kirkjufellsfoss í Grundarfirði.