Skessuhorn - 11.05.2022, Blaðsíða 22

MIÐVIKUDAGUR 11. MAÍ 202222
Nánast fullt hús var á opnum fundi
Miðbæjarsamtakanna Akratorgs
sem haldinn var síðastliðið mið-
vikudagskvöld í Tónbergi á Akra-
nesi og ljóst að íbúar voru áhuga-
samir um verðandi skipulag og hug-
myndir um Akratorg og nærsvæði.
Ólafur Páll Gunnarsson var fyrstur
á mælendaskrá og fór yfir helstu
áhersluatriði miðbæjarsamtakanna.
Tilgangur þeirra er að vernda, efla
og byggja upp gamla miðbæinn og
jafnframt að stuðla að viðsnúningi
í þróun síðustu ára þannig að mið-
bærinn verði aftur hringiða versl-
unar, þjónustu og mannlífs. Ólaf-
ur Páll ræddi einnig um Gamla
Landsbankahúsið sem er hon-
um mikið hjartans mál og samtak-
anna sem leggja mikla áherslu á að
bæjar yfirvöld færi starfsemi sína í
húsið.
Páll Jakob Líndal doktor í
umhverfissálfræði var með fræðandi
fyrirlestur sem nefndist Umhverfið
og lífsgæðin – hvað skiptir máli?
Páll Jakob fór um víðan völl og
ræddi meðal annars um græn svæði
og að tengingar við náttúruna skipi
þar stærsta hlutverkið til þess að
mannlíf verði blómlegt á slíkum
svæðum. Sem dæmi nefndi hann
Ráðhústorgið á Akureyri þar sem
í skjóli einnar nætur var lagt gras
á allt torgið og það varð á ný mið-
punktur bæjarins.
Bjarnheiður Hallsdóttir fékk
síðan þau Líf Lárusdóttur odd-
vita Sjálfstæðisflokksins, Ragn-
ar B. Sæmundsson oddvita Fram-
sóknar og frjálsra og Jónínu Mar-
gréti Sigmundsdóttur sem skipar
annað sæti lista Samfylkingarinn-
ar í sófann og ræddu þau mál mið-
bæjarins. Líf vildi sjá uppbyggingu
á Merkurtúni, fleiri viðburði á
Akratorgi og fá meira líf í miðbæ-
inn og þá kannski með litlum fyrir-
vara. Ragnar sagði miðbæinn hafa
drabbast niður á síðustu árum og
það væri miklu meiri umræða í
samfélaginu um mikilvægi þess að
endurvekja miðbæinn. Jónína Mar-
grét velti því upp að þeim langi til
að endurhanna innkeyrsluna inn í
miðbæinn og skapa meira pláss fyr-
ir gangandi og hjólandi vegfarend-
ur.
Varðandi framtíð Gamla Lands-
bankahússins sagði Líf að það ætti
að skoða möguleikana á þessu húsi
og nefndi að mathöll á neðstu hæð-
inni væri fýsilegur kostur. Ragnar
nefndi skrifstofu Sementsverksmiðj-
unnar sem annan kost fyrir ráðhús
með tengingu við uppbyggingu á
Sementsreit. Jónína Margrét sagði
það heillandi kost að hafa bæjar-
skrifstofurnar í Gamla Landsbanka-
húsinu en það væri margt sem þyrfti
að skoða varðandi þetta fallega hús.
Eftir fyrirspurnir úr sal flutti
Sævar Freyr Þráinsson bæjarstjóri
Akraness síðasta erindi kvölds-
ins og sagði meðal annars að Mið-
bæjarsamtökin væru dæmi um það
þegar fólk í samfélaginu virkilega
ætli sér að taka þátt í valdeflingu
og stuðla að frábærum bæ. „Hvað
segjum við aðila sem segir: Ég vil
setja upp hoppikastala í miðbæn-
um, skautasvell, mathöll eða vatns-
leikjagarð fyrir börn í miðbæn-
um? Við segjum bara, Já og finnum
leiðina til þess. Við eigum að nota
þetta einstaka tækifæri og eigum að
vera tilbúin að opna á möguleik-
ana.“ vaks
Ungmennaráð Vesturlands var
stofnað árið 2020 og er skipað
fulltrúum ungmennaráða í fimm
sveitarfélögum á Vesturlandi. For-
maður ráðsins er Vilhjálmur Ingi
Ríkharðsson í Borgarnesi. Blaða-
maður Skessuhorns kom að máli
við hann til að heyra af áhersl-
um ungmenna og skilaboðum sem
þau hafa til frambjóðenda í sveitar-
stjórnarkosningunum næstkom-
andi laugardag.
Lífsleiknikennslu
ábótavant
„Við höfum verið dugleg að
ræða saman og komum t.d. síðast
saman á ungmennaþingi Vestur-
lands í Lýsuhólsskóla í mars,“ seg-
ir Vilhjálmur. Okkur liggur mikið á
hjarta og höfum margt að segja. Við
viljum t.d. sjá breytingar í kennslu í
lífsleikni í skólum og finnst einnig
vanta meira framboð af slíku námi
yfirleitt. Lífsleiknin í dag gengur
mikið til út á að „skamma“ nem-
endur vegna þess sem betur má
fara. En við viljum frekar kalla eftir
meiri fræðslu í þessu fagi, og sam-
tali um hvaða áherslur okkur finnst
vanta í þá lífsleikni sem er kennd
núna. Tímarnir breytast svo hratt
og kennslan þarf að vera í sífelldri
endurskoðun. Það er ýmislegt sem
þarf að koma í meira mæli þar
inn, svo sem fyrirlestrar sérfróðs
fólks um hluti eins og kynfræðslu,
kynjafræðslu og sálfræði. Svo þurfa
kennararnir að fylgja þessu eftir
með samtölum eftir að fyrirlestr-
unum lýkur.“
Aðstaða fyrir félagsstarf
Vilhjálmur segir að það hafi líka
komið fram á ungmennaþinginu að
íþróttaaðstaða þyrfti að vera góð og
verði að vera fyrir fjölbreytta notk-
un. Þannig fjölgi íþróttagreinun-
um sem hægt er að leggja stund á
og þar með afþreyingarmöguleik-
um ungmenna. „Svo þarf að vera
vandað félagsstarf og góð aðstaða
fyrir það,“ segir Vilhjálmur. „Svo
ég nefni dæmi hér í Borgarnesi
þá þarf að fara að gera félagsmið-
stöð unglinga í Óðali eitthvað til
góða, húsið hefur eiginlega verið
óbreytt í mörg ár og lítið gert fyrir
það. Svo þarf að skipuleggja félags-
starf fyrir ungt fólk í Hjálmakletti
(aðsetur Menntaskóla Borgarfjarð-
ar) nokkrum sinnum í viku og hafa
opin hús. Okkur finnst líka það
vera góð hugmynd að æskulýðsfull-
trúi sé til staðar til að halda skipu-
lega utan um allt félagsstarf ung-
menna.“
Vilhjálmur nefnir líka að í Döl-
um þyrfti að bæta félagsmiðstöð-
ina. Í Stykkishólmi þyrfti að gera
það sama, húsnæðið væri ekki
gott og krökkum liði ekki vel þar
auk þess sem aðgengi væri ábóta-
vant. Ungt fólk hefði bent á að
gamla Eldfjallasafnið væri ekta sem
félagsmiðstöð.
Einnig nefnir hann að efla þyrfti
íþróttaaðstöðu á stöðum eins og í
Hvalfjarðarsveit og að efla tóm-
stundabíl þaðan á Akranes og í
Borgarnes fyrir íþróttaæfingar.
Ungmenni á Akranesi bentu á að
það vantaði fleiri hjóla- og göngu-
stíga. Leikvellir/fótboltavellir væru
orðnir gamlir og lélegir. Frá ungu
fólki í Snæfellsbæ heyrðist að lengja
þyrfti opnunartíma sundlauga og
hafa opið um helgar, og bjóða þyrfti
upp á tómstunda- og/eða almenn-
ingsakstur um helgar á milli Ólafs-
víkur, Rifs og Hellissands.
Hlusta á unga fólkið
Unga fólkið á Vesturlandi var
einnig sammála um að það ætti að
hætta að leggja fyrir próf í íþrótt-
um, það hefði neikvæð áhrif á and-
lega líðan í íþróttum og ýtti undir
neikvæða líkamsímynd.
Síðast en ekki síst segir Vil-
hjálmur að auka þurfi aðgengi
að sálfræðiþjónustu. Sálfræðing-
ur þyrfti að vera til staðar á öllum
heilsugæslustöðvum og þar gætu
ungmenni fengið tíma án endur-
gjalds. „Ýmislegt fleira kom fram
á þinginu okkar og sveitarstjórnar-
menn geta kynnt sér það í fundar-
gerð. Við biðjum um að það sé
hlustað á raddir ungs fólks og telj-
um að breytingar í samráði við
okkur muni hafa góð áhrif bæði á
líkamlega og andlega heilsu ungs
fólks,“ segir hann að lokum.
gj/ Ljósm. Sigursteinn Sigurðsson.
Páll Jakob mætti í KISS bol á fyrirlesturinn.
Fjölmenni á fundi Miðbæjarsamtakanna Akratorgs
Jónína Margrét, Líf og Ragnar tóku þátt í pallborðsumræðum. Bæjarlistamennirnir Eðvarð Lárusson og Valgerður Jónsdóttir fluttu nokkur lög á
fundinum.
„Við biðjum um að það sé hlustað“
Rætt við Vilhjálm Inga Ríkharðsson formann Ungmennaráðs Vesturlands
Frá ungmennaþinginu á Lýsuhóli í mars á þessu ári.Stjórn Ungmennaráðs Vesturlands. Frá vinstri: Bjarki Rúnar Ívarsson, Vilhjálmur,
Hanna Imgront, Heiðrún Edda Pálsdóttir og Jóhanna Vigdís Pálmadóttir.