Fréttablaðið - 15.10.2022, Qupperneq 38

Sviðsstjóri fræðslu- og
menningarsviðs
Garðabær auglýsir laust til umsóknar starf sviðsstjóra fræðslu- og menningarsviðs. Leitað er að
framsæknum leiðtoga með skýra sýn sem jafnframt er drífandi, skapandi og öflugur. Viðkomandi verður
hluti af stjórnendateymi sem leiðir uppbyggingu samfélagsins í Garðabæ og metnaðarfulla þjónustu.
Fræðslu- og menningarsvið hefur yfirumsjón með málefnum leik- og grunnskóla, menningarmálum, íþrótta-
og tómstundamálum og forvarnarmálum. Undir sviðið heyra skólar bæjarins, menningarstofnanir og
íþróttamiðstöðvar.
Nánari upplýsingar veita Thelma Kristín Kvaran (thelma@intellecta.is) og
Helga Birna Jónsdóttir (helga@intellecta.is) í síma 511 1225.
Umsóknarfrestur er til og með 31. október 2022. Umsókn óskast fyllt út á www.intellecta.is og þarf henni að fylgja
ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi
til að sinna starfi sviðsstjóra. Öllum umsóknum verður svarað að ráðningu lokinni. Áhugasamir einstaklingar, án tillits
til kyns, eru hvattir til að sækja um.
• Háskólamenntun sem nýtist í starfi, meistaragráða
er æskileg
• Reynsla af rekstri, stefnumótun og stjórnun
• Reynsla af opinberri stjórnsýslu
• Þekking á málaflokkum sviðsins er kostur
• Góð greiningarhæfni og rökhugsun
• Framúrskarandi samskipta- og skipulagshæfni
• Forystuhæfni og færni til að leiða samvinnu
mismunandi hópa
• Framsýni, frumkvæði og metnaður í starfi
• Þjónustulund, áræðni og drifkraftur
• Góð íslensku- og enskukunnátta í ræðu og riti
• Dagleg stjórnun sviðsins og ábyrgð á þeim
málaflokkum sem undir það heyra
• Ábyrgð á fjármálum og áætlanagerð sviðsins
• Stefnumótun í fræðslu- og menningarmálum
• Frumkvæði í þróun og innleiðingu nýjunga
• Samstarf við yfirstjórn bæjarins, starfsmenn og aðra
aðila sem tengjast málaflokkum sviðsins
Menntunar- og hæfniskröfur:Helstu verkefni og ábyrgð:
Í Garðabæ er unnið eftir markvissri menntastefnu sem nær til allra skóla bæjarins. Áhersla er lögð á
sjálfstæði skóla, fjölbreytni og valfrelsi nemenda sem felst m.a. í því að nemendur og foreldrar þeirra
hafa fullt frelsi um val á skóla.
Í menningarstefnu Garðabæjar er m.a. lögð áhersla á að marka Garðabæ sérstöðu sem hönnunarbær
og á menningu og listsköpun meðal barna og ungmenna.
Garðabær er heilsueflandi samfélag. Áhersla er lögð á að hvetja börn og ungmenni til þátttöku í
íþrótta- og frístundastarfi og sveitarfélagið leggur áherslu á framsækið samstarf við frjáls félög og
öflugar forvarnir. Góð aðstaða er til iðkunar íþrótta, líkams- og heilsuræktar í Garðabæ.
RÁÐNINGARRÁÐGJÖF RANNSÓKNIR
Intellecta ehf. Síðumúla 5 108 Reykjavík 511 1225 intellecta.is
Intellecta er sjálfstætt þekkingarfyrirtæki stofnað árið 2000. Við vinnum með stjórnendum
við að auka árangur, bæta rekstur og efla stjórnun. Ráðgjafar Intellecta hafa sterkan faglegan
bakgrunn og víðtæka alþjóðlega reynslu. Þennan grunn notum við í samvinnu við viðskiptavini
til að móta hugmyndir sem skipta máli og í innleiðingu lausna sem skila árangri.