Morgunblaðið - 03.09.2022, Blaðsíða 11

FRÉTTIR 11Innlent
MORGUNBLAÐIÐ LAUGARDAGUR 3. SEPTEMBER 2022
B E R N H A R Ð
L A X D A L
Skipholti 29b • S: 551 4422
Opið 11-16
Skoðið
netverslun
laxdal.is
HAUSTIÐ Í
LAXDAL
Sími 555 3100 www.donna.is
Vefverslun: www.donna.is
Erum nú á Facebook: donna ehf
Skjót fyrstahjálp, hjartahnoð
og hjartastuðtæki björguðu lífimínu.
Vertumeð hjartastuðtæki við hönd.
Ég lifði af
Ástbjört Viðja Harðardóttir
vidja@mbl.is
Natasja Dagbjartardóttir kom, sá
og sigraði í Kópavogi um síðustu
helgi þegar hún vann fyrsta Ís-
landsmeistaramótið í tölvuleiknum
Mario Kart með yfirburðum.
Mario Kart er kappaksturs-
leikur frá Nintendo sem kom fyrst
út árið 1992 og hefur verið keppt í
honum í mörg ár. 25 spilarar
kepptu í mótinu.
„Ég vissi bara ekki að þetta yrði
svona vel sótt, ég hélt að þetta
yrðu bara ég og einhverjir fjórir
gaurar að keppa,“ segir Natasja
Dagbjartardóttir í samtali við
mbl.is og bætir við að þetta hafi
verið „betra en hún bjóst við,
meira lagt í þetta og geðveik
stemning“.
„Það er eiginlega henni að
kenna að ég er hérna, hún skráði
mig,“ segir Natasja og bendir á
bestu vinkonu sína, Söru Mist
Sverrisdóttur.
„Ég bara keypti miðana og
sagði: Þú ert að fara að mæta sko,
ég skal taka vinninginn,“ segir
Sara Mist í samtali við mbl.is.
Það fór einmitt svo að Natasja
vann mótið og fékk m.a. í verðlaun
glænýja Nintendo Switch Oled-
tölvu, sem hún svo gaf Söru vin-
konu sinni. Natasja vann 46 braut-
ir af 48 spiluðum á mótinu og tap-
aði engri umferð.
Leggur ekki frá sér
fjarstýringuna
Natasja er því ansi hörð í horn
að taka í tölvuleikjum, en hún hef-
ur spilað þá frá árinu 1986 og Mar-
io Kart frá því að hann kom út, ár-
ið 1992.
Frá því að hún byrjaði að spila
Mario Kart hefur hún ekki lagt frá
sér fjarstýringuna og tekið þátt í
fjölda móta með góðum árangri.
„Ég vona að þetta verði árlegt
því Mario Kart-menningin hefur
ekki verið svo mikil hér. Þetta er
fyrsta svona mótið sem ég veit af
hér, og stóðst klárlega væntingar,“
segir Natasja en hún hefur að-
allega keppt í Mario Kart erlendis.
Hún hafnaði til dæmis í 6. sæti á
heimsmeistaramóti fyrir hönd
Norðurlandanna en hún hefur
tvisvar keppt á heimsmeistaramóti
í Mario Kart, árin 2018 og 2019.
Eins hefur hún komið sér á lista
yfir bestu spilara í heimi og bestu
tíma í heimi.
„Ég er bara súper-Nintendo-
aðdáandi,“ segir Natasja en þá
bætir Sara við að Natasja sé al-
mennt mjög góð í tölvuleikjum.
„Það skiptir engu máli hvaða
tölvuleikur það er. Hún er bara
rosaleg.“
Morgunblaðið/Óttar Geirsson
Tölvuleikjamót Keppendur í Íslandsmótinu í Mario Kart um síðustu helgi.
Fyrsti Íslandsmeist-
arinn í Mario Kart
- Natasja Dagbjartardóttir vann með miklum yfirburðum
Ljósmynd/Elín Guðmundsdóttir
Keppni Natasja einbeitt í keppninni
og Sara Mist fylgist grannt með.
Atli Steinn Guðmundsson
atlisteinn@mbl.is
„Um nokkuð langt skeið hafa sér-
fræðilæknar á stofum tekið að sér
tryggingamiðlun fyrir sína skjól-
stæðinga,“ segir Ragnar Freyr
Ingvarsson, for-
maður Lækna-
félags Reykjavík-
ur, í samtali við
Morgunblaðið.
Í fyrradag
sendi fundur fé-
lagsins frá sér
ályktun þar sem
fram kom að
hluti sjálfstætt
starfandi lækna
og læknastöðva hefði þann dag hætt
að senda frá sér rafræna reikninga
til Sjúkratrygginga Íslands. Sjálf-
stætt starfandi læknar hafi verið
samningslausir frá árinu 2018. Fé-
lagið harmar það áhugaleysi sem
stjórnvöld hafi sýnt sjúkratryggð-
um þegnum landsins.
Sjúklingur geri upp að fullu
„Þegar þú kemur til læknis á
stofu gerir hann reikning þegar
hann er búinn að veita þér þjón-
ustu,“ segir Ragnar af rafrænu
reikningunum. „Hann sendir þenn-
an reikning svo til Sjúkratrygginga
en á reikningnum sundurliðast hluti
sjúklings og hluti Sjúkratrygginga,“
útskýrir Ragnar.
Sjúklingur greiði sinn hluta á
staðnum en það sem eftir stendur
fer til Sjúkratrygginga sem svo ger-
ir upp við viðkomandi lækni. „Þegar
læknar hætta að senda reikning
þýðir það að sjúklingurinn gerir
upp við sinn lækni að fullu, sendir
svo reikninginn upp í Sjúkratrygg-
ingar og fær endurgreitt lögum
samkvæmt,“ heldur Ragnar áfram.
Hann segir þessa breytingu hafa
átt sér langan aðdraganda. „Við
gerðum síðustu samninga 2013 og
síðan þeir runnu út hefur endur-
greiðslureglugerð verið sett, lögum
samkvæmt, til að skilgreina sjúkra-
tryggingarétt hvers og eins. Þessi
endurgreiðslureglugerð er neyðar-
úrræði og nú hefur hún verið sett
þrettán sinnum,“ segir Ragnar.
472.000 læknisverk árið 2020
Læknar hafi lagt fram ýmsar
hugmyndir, svo sem að leiðrétta
þurfi gjaldskrá og einingaverð í takt
við verðlag í samfélaginu, auk þess
sem þeir hafi bent á mikilvægi ný-
liðunar í stéttinni. „Núna eru 75
læknar á stofu komnir yfir sjötugt
og meðalaldur á stofu er hár. Það er
alvarlegt í ljósi þess hve umfangs-
mikil starfsemin er. Eins og ég
nefndi í gær [í fyrradag, á mbl.is]
voru 472.000 læknisverk fram-
kvæmd árið 2020 þegar allt er talið.
Þetta er ótrúlega umfangsmikið
starf og þegar þessi mistök urðu í
ráðuneytinu í gær [fyrradag] með
birtingu reglugerðarinnar, var það
dropinn sem fyllti mælinn fyrir
suma kollega mína sem ákváðu þá
að hætta að senda rafræna reikn-
inga,“ segir Ragnar af því sem fram
kom í ályktun félagsfundarins á
fimmtudagskvöldið.
Hann játar að þetta sé vissulega
gert í mótmælaskyni við samnings-
leysið frá 2018 en tekur fram að
sjúklingar beri hvergi skarðan hlut
frá borði. „Sjúklingar eru ekki
sviptir sjúkratryggingarétti sínum
með þessu. Allir sjúklingar á Íslandi
eru tryggðir með lögum og það er
ekki hægt að binda þann rétt því
skilyrði að læknirinn geri eitthvað
rafrænt, sjúklingurinn á alltaf sinn
rétt,“ segir Ragnar.
Breytingin felist í því að nú þurfi
sjúklingurinn að taka við þessari
umsýslu, koma sínum reikningi
sjálfur til Sjúkratrygginga og fá
sinn hlut greiddan. Læknar séu þó
allir af vilja gerðir að auðvelda
skjólstæðingum sínum ferlið. „Við
höfum sent sjúklingum reikninga í
heimabankann, verið með sveigjan-
lega greiðslufresti og fleira. Við
læknar erum tilbúnir að hjálpa
sjúklingum eins mikið og við get-
um,“ segir Ragnar Freyr Ingvars-
son, formaður Læknafélags Reykja-
víkur, að lokum.
„Dropinn sem
fyllti mælinn“
- Hætta að senda rafræna reikninga
Ragnar Freyr
Ingvarsson
Matur