Morgunblaðið - 03.09.2022, Blaðsíða 41

MENNING 41
MORGUNBLAÐIÐ LAUGARDAGUR 3. SEPTEMBER 2022
FC 7
Premium
Skeifan 3 • 108 Reykjavík • Sími 581 2333 • rafver.is • rafver@rafver.is
Ragnheiður Birgisdóttir
ragnheidurb@mbl.is
„Ég er ótrúlega spennt. Ég brenn
fyrir þessu og hlakka til að sjá allar
þessar sýningar og bjóða fólk vel-
komið í húsið,“ segir Sara Martí
Guðmundsdóttir, nýr leikhússtjóri í
Tjarnarbíói. Þar urðu stjórnenda-
skipti í vor þegar Friðrik Friðriks-
son lét af störfum og Sara tók við.
Sara hefur mikinn áhuga á að
vinna með leikhúsupplifunina sem
heild og hefur ráðist í framkvæmdir.
„Ég hef verið að færa mig yfir í það
sem kallað er upplifunarhönnun.
Þetta kveikir svo í mér, að huga að
öllum þessum þáttum þess ferils að
fara í leikhús. Öllum líður vel sem
koma inn í Tjarnarbíó. Húsið hefur
ákveðna sál. Það er góður andi hér.
En það var kominn tími á viðhald.“
Stærsta breytingin sem varð í
sumar er sú að búið er að færa bar
leikhússins til. Sara segir að hann
hafi verið plássfrekur í forsal húss-
ins og því sé búið að færa hann inn í
gamla anddyrið.
Banjóleikarinn Jesús
Nú hafa dyr Tjarnarbíós verið
opnaðar að nýju eftir breytingar og
heilmikil dagskrá framundan.
„Ég held það komi 24 leikhópar
inn í hús í vetur. Við byrjum leikárið
á mjög skemmtilegri sýningu sem
heitir Jesús er til, hann spilar á
banjó. Þetta er gleðisprengja og
maður labbar ekki þaðan út nema í
góðu skapi. Svo kemur Karl Ágúst
með sína stóru afmælissýningu sem
heitir Fíflið. Það er kveðjusýningin
hans.“
Uppistandsdagskrá vetrarins
verður fjölbreytt. Bergur Ebbi held-
ur vikulegar sýningar í haust og svo
tekur hópurinn VHS við eftir ára-
mót. Hinn landsþekkti Ari Eldjárn
kemur fram í húsinu í september
sem og Jono Duffy. Uppistandssýn-
ing Elvu Daggar Hafberg, Madame
Tourette, verður síðan sýnd í októ-
ber.
„Svo ætlum við að reyna að höfða
til allra þeirra sem tala ekki
íslensku. Við erum kannski eina leik-
húsið sem getur gert það.“
Uppfærsla á Mánasteini eftir Sjón
verður sett upp af tékkneska leik-
hópnum Studio Hrdinu í byrjun
september. Sara nefnir einnig dans-
sýningar, sem auðvitað þarfnast
ekki tungumálakunnáttu, t.d. ROF
eftir Sveinbjörgu Þórhallsdóttur
sem frumsýnd var á síðasta ári.
„Við verðum með tvær trúðasýn-
ingar fyrir fullorðna. Annars vegar
Hið stórkostlega ævintýri um missi
þar sem Gríma Kristjáns ætlar að
fara í trúðshaminn og segja okkur
frá því þegar hún missti foreldra
sína. Þá setur Virginia Gillard og
hópurinn Trigger Warning upp sýn-
ingu sem fjallar um það þegar hún
var trúður á Barnaspítala Hringsins
og fékk svo heilablóðfall.“
„Við ætlum að vera allar helgar
með eitthvað fyrir börn. Ef það eru
ekki leiksýningar þá eru það við-
burðir, hvort sem það eru námskeið
eða eitthvað annað skemmtilegt fyr-
ir fjölskylduna.“ Leikhópurinn Lotta
setur upp stutta útgáfu af Mjallhvíti
í haust og eftir áramót verður Lalli
töframaður með orðlausa töfrasýn-
ingu fyrir börn af öllum uppruna.
„Það er mér hjartans mál að vera
með gott barnaleikhús.“
Breytt eftir innsláttarvillu
Í október leikstýrir Ágústa Skúla-
dóttir heilgrímusýningu fyrir full-
orðna sem ber titilinn Hríma. Þá
heldur Unnur Elísabet áfram með
verkefni sitt Ég býð mig fram. Þar
fær hún í fjórða sinn ýmsa listamenn
til liðs við sig.
Í nóvember endurvekur myndlist-
armaðurinn Sigurður Ámundarson
sýningu sína Velkomin í hið ósagða,
sem var sýnd í Hafnarhúsinu. Sara
segir að sýningin beri nú titilinn Hið
ósagaða eftir að listamaðurinn rakst
á skemmtilega innsláttarvillu.
Eftir áramót heldur leikárið
áfram af fullum krafti. Ég lifi enn:
Sönn saga eftir þær Rebekku A.
Ingimundardóttur og Þóreyju Sig-
þórsdóttur verður fyrsta frumsýn-
ing eftir áramót. Verkið er unnið
upp úr rannsóknum og vinnusmiðj-
um með eldri borgurum. „Þetta er
sýning þar sem eldri og yngri kyn-
slóðin kemur saman,“ segir Sara.
„Óbærilegur léttleiki knattspyrn-
unnar er sprenghlægileg ádeila um
karlmennskuna. Fjórir karlmenn,
vinir um þrítugt, hittast reglulega og
horfa á fótboltaleik í sófanum. Á
meðan stekkur sagan fram og til
baka í tíma og rúmi og þeir kryfja
karlmennskuna. Það er skemmtilegt
að allir listrænir stjórnendur eru
konur. Svo verður tónlistarmað-
urinn Valdimar með.“
Hópurinn Reykjavik Ensemble
setur upp verkið Djöfulsins snill-
ingur. „Þetta verður sálfræðitryllir
og ég er mjög spennt að sjá það. Svo
erum við með einleik sem ég verð að
nefna sem heitir Hvað ef sósan
klikkar? Gunnella Hólmarsdóttir er
búin að gera rannsóknir og tengja
taugaáföll kvenna við matreiðslu-
bækur.“
Enn fleiri verk verða á fjölum
leikhússins eftir áramót og verða
upplýsingar um þau birtar á nýrri
heimasíðu Tjarnarbíós, tjarnar-
bio.is, þegar nær dregur. Loks nefn-
ir Sara að Tjarnarbíó hýsi þrjár
listahátíðir: Reykjavík Dance Festi-
val, barnahátíðina Unga og Reykja-
vík Fringe.
Færri komast að en vilja
Tjarnarbíó, sem hefur oft verið
kallað heimili sjálfstæðra sviðslista,
tekur við langflestum þeim sýn-
ingum sem sjálfstæðu leikhóparnir
setja upp.
„Auðvitað reynum við að koma
sem flestum að en það hefur aldrei
verið meiri aðsókn og við höfum
þurft að vísa frá hópum sem eru full-
styrktir í fyrsta sinn.“ Auk þess hef-
ur Sara heyrt frá tónlistarfólki sem
er líka í vandræðum með húsnæði.
„Í þessum framkvæmdum bjugg-
um við til aukasvið. Það er reyndar
bara um fjórir fermetrar. Það er til
þess að geta haldið pínulitla við-
burði.
Grínistinn Stefán Ingvar er kom-
inn þangað með svona „happy hour“
sýningu, kl. 17.30 á fimmtudögum.
En við erum klárlega komin á þann
stað að það þarf nýtt svið.“
Hún segir að vel væri hægt að
stækka Tjarnarbíó og vonast til þess
að portið í bakgarði leikhússins verði
yfirbyggt til þess að hægt verði að
koma fyrir nýju sviði. „Við ætlum að
fá stjórnvöld með okkur í lið til þess
að láta þetta rætast.“
Sara Martí var gestur í Dag-
málum fyrr í vikunni og þar má
heyra meira um framtíð leikhússins.
Leikhús „Ég brenn fyrir þessu,“ segir Sara Martí Guðmundsdóttir, nýr leikhússtjóri í Tjarnarbíói, í Dagmálum.
„Öllum líður vel í Tjarnarbíói“
- Sara Martí Guðmundsdóttir er nýr leikhússtjóri Tjarnarbíós - Viðamikil og fjölbreytt dagskrá í
vetur - Leggur áherslu á gott barnaleikhús - Breytingar á forsal hússins - Kallar eftir nýju sviði
Píanóleikarinn Erna Vala Arnar-
dóttir, fiðluleikarinn Sólveig Vaka
Eyþórsdóttir, víóluleikarinn Anna
Elísabet Sigurðardóttir og selló-
leikarinn Hjörtur Páll Eggertsson
bjóða til tónleika í Norðurljósum
Hörpu á morgun, sunnudag, kl. 16.
Á tónleikunum, sem eru hluti af
tónleikaröðinni Sígildum sunnu-
dögum, verður tónlist tékkneskra
tónskálda í brennidepli.
„Tónleikarnir hefjast með
kammerverkinu Pohádka fyrir
selló og píanó eftir Janácek. Þetta
undurfagra verk er lauslega byggt
á ljóði rússneska skáldsins Zhu-
kovskys um Tsar Bendvei. Annað
verkið á efnisskrá tónleikanna er
Dúó nr. 1 fyrir fiðlu og víólu eftir
Martinu, sem hafði mikið dálæti á
hrynjandi innblásinni af madrígöl-
um, en í verkinu má einnig heyra
skemmtilegar laglínur ættaðar úr
móravískri þjóðlagatónlist. Eftir
hlé verður svo fluttur Píanókvart-
ett nr. 2 í Es-dúr, op. 87, eftir Ant-
onín Dvorák. Hann var skrifaður
sumarið 1889,“ segir í tilkynningu.
Miðar fást í miðasölu Hörpu.
Auður Tékklands í Hörpu á morgun
Kvartett Hópurinn sem kemur fram.
Eggert Pétursson, Ingólfur Arn-
arsson, Kees Visser og Rúrí taka
þátt í samræðum um myndlist og
alþjóðleg tengsl á áttunda áratugn-
um og listsköpun þeirra í Listasafni
Árnesinga í dag, laugardag, kl. 14.
Listamannaspjallið er haldið í
tengslum við lokahelgi sýning-
arinnar Eruð þið ánægð ef þið meg-
ið spyrja um eitthvað? Tengsla-
myndun milli austurs og norðurs.
Að spjalli loknu halda pólska
listakonan Ola Baldyga, sem geng-
ur undir listamannsnafninu Forrest
Forrester, og Táslyn Visuals tón-
leika í Listasafni Árnesinga kl. 15
og er aðgangur ókeypis.
Listamannaspjall og tónleikar í dag
Tónlist Pólska listakonan Ola Baldyga.