Morgunblaðið - 03.09.2022, Blaðsíða 12

12 DAGLEGT LÍF
MORGUNBLAÐIÐ LAUGARDAGUR 3. SEPTEMBER 2022
Litirnir eru fjölmargir
og hægt að fá
sérblandaða hjá okkur.
HÁGÆÐA
VIÐARVÖRN FRÁ
SLIPPFÉLAGINU
Opið:
8-18 virka daga
10-14 laugardaga
Sími 588 8000
slippfelagid.is
Kristín Heiða Kristinsdóttir
khk@mbl.is
K
lúbbarnir eru haldnir eftir
að skóla lýkur á daginn,
sem er tilvalið fyrir
krakka sem finna sig ekki
í hefðbundnu tómstundastarfi,
íþróttum eða öðru slíku. Þarna kynn-
ast krakkarnir líka öðrum krökkum
úr öðrum skólum með svipuð áhuga-
mál. Þetta er því nýr vettvangur til
að kynnast nýjum krökkum. Með
þessum klúbbum náum við til barn-
anna sem ekki hafa fundið sinn vett-
vang annars staðar,“ segir Ingibjörg
Ösp Óttarsdóttir, verkefnastjóri
barna- og unglingastarfs hjá Borgar-
bókasafninu. Klúbbastarfið hjá þeim
hefur sprungið út og í haust fara þau
af stað með átta ólíka klúbba í fjórum
af húsum bókasafnsins í borginni.
„Við byrjuðum fyrst á einum
Anime-klúbbi í Gerðubergi í fyrra og
það varð svakalega vinsælt, svo við
fórum af stað með systurklúbb í
Grófinni. Við fundum strax hversu
mikill áhugi var fyrir því hjá þessum
krökkum að eitthvað væri í boði fyrir
þau eftir skóla. Fyrsti Anime-klúbb-
urinn var fyrir unglinga, 13 til 16 ára,
en yngri krakkarnir fóru fljótt að
banka upp á og vildu líka vera með.
Þannig að við brugðumst við því og
buðum upp á Anime-klúbb fyrir 9 til
12 ára. Við bættum svo Harry Pott-
er-klúbbi við í fyrra og hann sló ekki
síður í gegn.“
Tálga líka töfrasprota
Anime eru japanskar teikni-
myndir sem mikil menning er í
kringum. Margir þekkja Manga-
teiknimyndasögur sem koma einnig
frá Japan.
„Í Anime-klúbbum horfum við á
og spjöllum um japanskar teikni-
myndir og svo kemur ýmislegt inn í
það sem tengist japanskri popp-
menningu. Krakkarnir njóta þess því
saman sem þau hafa áhuga á og
fræðast um það. Við erum með
fræðslu á jafningagrundvelli.
Myndasögufélagið hefur unnið með
okkur í Anime-klúbbunum, en þar er
mikil þekking á fyrirbærinu og þau
benda krökkunum á nýjar teikni-
myndir og fleira. Krakkarnir teikna
oft saman eða föndra í tengslum við
þau áhugamál sem klúbbarnir eru
stofnaðir í kringum. Til dæmis hafa
krakkarnir í Harry Potter-
klúbbnum farið í spurningakeppni
þar sem spurt er um ýmislegt úr
bókunum og þau hafa líka tálgað
galdrasprota og gert ýmislegt
fleira,“ segir Ingibjörg og bætir við
að alltaf sé einhver sem stýri og haldi
utan um starfið.
Svakalega sögusmiðjan
Vegna mikillar eftirspurnar
ákvað bókasafnið að hleypa af stokk-
unum fleiri klúbbum sem boðið verð-
ur upp á í vetur.
„Við erum með aðdáendaklúbba
gamla góða Star Wars og líka
Stranger Things. Samnefndir þættir
á Netflix hafa verið mjög vinsælir í
sumar og krakkarnir óskuðu sjálfir
eftir klúbbum í tengslum við þá. Við
erum líka með bókaklúbba í Kringlu-
safni og Sólheimasafni sem við köll-
um Lestrarkósý. Þá lesum við sam-
an ákveðnar bækur og spjöllum um
þær, grúskum og föndrum í kringum
þann ævintýraheim sem þær hafa að
geyma. Í klúbbana koma í heimsókn
rithöfundar eða teiknarar þeirra
bóka sem lesnar eru, segir Ingi-
björg. Hún bætir við að einn klúbb-
urinn heiti Svakalega sögusmiðjan.
„Honum stjórna Eva Rún Þor-
geirsdóttir barnabókahöfundur og
Blær Guðmundsdóttir sem hefur
myndskreytt margar barnabækur. Í
þessari smiðju skrifa krakkar sögur
og myndskreyta. Einnig verður leik-
listarklúbbur sem heitir Frjálst
flæði, fyrir 14 til 19 ára, en Ólöf
Sverrisdóttir leikkona og Lukas
Gregor Bury, sem sér um unglinga-
starfið í Gerðubergi, ætla að sjá um
þann klúbb. Þau ætla að fá leikara
sem gestakennara, Vigdísi Hafliða-
dóttur í hljómsveitinni Flott. Hún
verður með námskeið í spunatækni
og Vilhelm Neto heldur uppistands-
og spunanámskeið. Auk þess að
leika búa krakkarnir líka til búninga
og sviðsmyndir. Hugmyndin er að
klúbburinn setji upp leiksýningu í
vor.“
Sköpunarkrafturinn
virkjaður
Ingibjörg segir að skráning sé
hafin í klúbbana á heimasíðu bóka-
safnsins og að ekkert kosti að skrá
sig. Í klúbbana sé ekki skyldumæt-
ing, sem henti vel fyrir marga
krakka.
„Í einn klúbbinn þarf þó ekki að
skrá sig, hann heitir Tilbúningur, og
er sköpunarklúbbur sem verður í
Árbæjarsafni og í Spönginni. Þar
verður boðið upp á mismunandi
verkefni hverju sinni í formi hand-
verks og föndurs. Þær Sæunn Þor-
steinsdóttir myndlistarkona og Sig-
rún Antonsdóttir stýra þeim klúbbi.
Þær koma með alls konar efni og
hugmyndir til að leyfa sköpunar-
kraftinum að njóta sín hjá krökk-
unum, en þetta er ekki síður gert til
að eiga notalega stund saman. Allir
kllúbbarnir byggjast fyrst og fremst
á hugmyndinni um að skapa vett-
vang fyrir samveru unglinga og
barna.“
Nánari upplýsingar um klúbb-
ana og skráningu má finna á borgar-
bokasafn.is.
Ingibjörg Ösp Hún segir að ekkert kosti að skrá sig og í klúbbana og að þar
sé ekki skyldumæting, sem henti mjög vel fyrir marga krakka.
Skapa vettvang fyrir samveru
Eitt stærsta samfélagsverkefni Borgarbókasafnsins fyrir börn og unglinga er klúbba-
starf fyrir aðdáendur Anime og Harry Potter. Sprenging hefur orðið í þessu klúbba-
starfi og mikil eftirspurn hjá krökkum sem finna sig ekki endilega í hefðbundu tóm-
stundastarfi. Nú býður bókasafnið enn fleiri klúbba eins og lestrarklúbba,
sagnagerðar- og leiklistarklúbba með óvæntum gestakennurum eins og Villa Netó.
Klúbbafjör Hressir krakkar í Anime-
klúbb í Grófinni sem er fyrir 13-16 ára.
Anime eru japanskar teiknimyndir.