Morgunblaðið - 03.09.2022, Blaðsíða 22

AFP
Olía Olíutankur merktur rússneska
olíufélaginu Lukoil í Brussel.
Sjö helstu iðnríki heims tilkynntu í
gær að þau stefndu að því að setja
verðþak á olíu sem flutt er inn frá
Rússlandi til að tryggja að Rússar
hagnist ekki á hækkandi orkuverði.
Þetta kom fram í yfirlýsingu, sem
birt var eftir fund fjármálaráðherra
G7-ríkjanna í Berlín í gær. Sagði þar
að unnið yrði hratt að því að ljúka við
og hrinda þessum fyrirætlunum í
framkvæmd.
Ekki kom fram við hvaða verð yrði
miðað, en gert er ráð fyrir því að það
verði hærra en framleiðslukostnaður
og því yrði ekki efnahagslega hag-
kvæmt fyrir Rússa að hætta að selja
olíu til ríkja, sem sett hefðu slíkt þak.
„Rússland hagnast á þeirri óvissu
sem ríkir á orkumarkaði vegna
stríðsins og við viljum bregðast við
því,“ sagði Christian Lindner, fjár-
málaráðherra Þýskalands, á blaða-
mannafundi. Hann bætti við að
markmiðið með verðþakinu yrði að
koma í veg fyrir að Rússar gætu fjár-
magnað árásarstríð sitt í Úkraínu og
jafnframt að draga úr verðhækkun-
um á alþjóðlegum orkumarkaði.
Til G7-ríkjanna teljast Bandarík-
in, Japan, Kanada, Frakkland,
Þýskaland, Ítalía og Bretland. Reynt
verður að fá eins mörg ríki og mögu-
legt er til samstarfs um verðþakið til
að það hafi tilætluð áhrif. Er búist
við að það verði til umræðu á leið-
togafundi G20 ríkjanna á Balí í
Indónesíu í nóvember.
Sérfræðingar segja þó ólíklegt að
Kína og Indland taki þátt í slíkum
aðgerðum en þessi lönd hafa ekki
gripið til viðskiptaþvingana gegn
Rússlandi.
Rússar sögðust í gær myndu
bregðast hart við verði slíkt verðþak
sett á. „Fyrirtæki sem setja á verð-
þak fá ekki rússneska olíu afhenta,“
sagði Dmitrí Peskov, talsmaður
Rússlandsstjórnar, í gær. „Komist
þetta til framkvæmda mun það leiða
til verulegs óstöðugleika á olíumark-
aði.“
Evrópusambandið áformar að
setja innflutningsbann, frá og með 5.
desember, á rússneska hráolíu sem
flutt er með tankskipum eða gegnum
olíuleiðslur.
G7-ríki boða verðþak á rússneska olíu
- Markmiðið að draga úr hagnaði Rússa af olíusölu og verðhækkunum á alþjóðlegum orkumarkaði
22 FRÉTTIR
Erlent
MORGUNBLAÐIÐ LAUGARDAGUR 3. SEPTEMBER 2022
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Komdu í BÍLÓ!
M.BENZ EQC 400 4MATIC POWER 2021
Nýskráður 12/2020, ekinn aðeins 9 Þ.km, rafmagn (408 km drægni), sjálfskiptur, fjórhjóladrifinn.
Alveg hlaðinn aukabúnaði s.s. AMG-line bæði innan og utan. Sjónlínuskjár, 21“ álfelgur, rafdrifin framsæti,
skynvæddur hraðastillir, 360° bakkmyndavél. BURMESTER hljómkerfi og hellingur í viðbót. Raðnúmer 254037
VERÐ11.690.000
flóðanna frá því í júní og flóðbylgjur hafa skolað burtu yfir
milljón húsum og eyðilagt akra og uppskeru.
Hajira Bibi jafnar út leðju á gólfi húss síns í þorpinu Jindi í
Pakistan. Gríðarleg úrkoma á monsúntímabilinu hefur valdið
miklum flóðum í Pakistan og er nú nærri þriðjungur landsins
undir vatni. Að minnsta kosti 1.190 hafa látið lífið af völdum
AFP/Abdul Majeed
Neyð vegna
flóða í Pakistan
Breska ríkisútvarpið BBC tilkynnti í
gær, að tekjur, sem fengust af sölu
viðtals við Díönu prinsessu árið
1995, hefðu verið gefnar til góðgerð-
armála. Alls er um að ræða 1,42
milljónir punda, jafnvirði rúmlega
230 milljóna króna.
Í viðtalinu, sem vakti heims-
athygli, viðurkenndi Díana meðal
annars, að hún hefði verið eigin-
manni sínum, Karli Bretaprins, ótrú
og sagði jafnframt að það hefðu ver-
ið þrjár manneskjur í hjónabandinu,
þau Karl og Camilla Parker Bowles,
sem nú er gift Karli.
Niðurstaða skýrslu, sem John
Dyson, fyrrverandi dómari, sendi
frá sér í maí á síðasta ári, var sú að
Martin Bashir, sem tók viðtalið við
Díönu, hefði falsað kvittanir sem
áttu að sýna að nánustu aðstoðar-
menn Díönu hefðu fengið borgað
fyrir að fylgjast með henni. Bashir
sýndi bróður Díönu þessa reikninga
til þess að fá hann til að skipuleggja
fund á milli Bashirs og Díönu svo
hann gæti áunnið sér traust hennar.
Þess var minnst sl. miðvikudag að
25 ár voru liðin frá því Díana lést í
bílslysi í París.
AFP
Minntust Díönu Fólk safnaðist saman framan við Kensingtonhöll í London
til að minnast þess að 25 ár voru liðin frá því Díana prinsessa lést í bílslysi.
Tekjur af viðtali við
Díönu til góðgerðamála