Morgunblaðið - 03.09.2022, Blaðsíða 44

„Sönglög Jón-
asar Ingimund-
arsonar“ er yfir-
skrift tónleika í
Salnum í Kópa-
vogi á morgun,
sunnudag, kl.
13.30, en þeir
eru í tónleika-
röðinni „Ár ís-
lenska einsöngslagsins“. Á tónleikunum flytja hinir
kunnu söngvarar Auður Gunnarsdóttir sópran, Gunnar
Guðbjörnsson tenór, Hallveig Rúnarsdóttir sópran,
Kristinn Sigmundsson bassi og Sigríður Ósk Kristjáns-
dóttir mezzósópran fjölbreytt sönglög eftir Jónas.
Hrönn Þráinsdóttir leikur á píanóið. Tónleikagestir
munu á tónleikunum fá að kynnast tónlistarfröm-
uðinum og píanóleikaranum Jónasi í hlutverki tón-
skálds og útsetjara. Jónas hefur átt einstakan þátt í ís-
lensku tónlistarlífi síðastliðna áratugi og hefur
íslenska sönglagið verið honum sérstaklega hugleikið.
Fimm stórsöngvarar og Hrönn flytja
sönglög Jónasar í Salnum á morgun
LAUGARDAGUR 3. SEPTEMBER 246. DAGUR ÁRSINS 2022
5 6 9 0 9 0 0 0 0 0 9 0 0
Í lausasölu 1.330 kr.
Áskrift 8.383kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
HK tryggði sér í gærkvöld sæti í Bestu deild karla í fót-
bolta eftir eins árs fjarveru þegar Kópavogsliðið lagði
Fjölni að velli, 3:1, í Kórnum. Fylkismenn voru þegar
komnir upp og liðin tvö sem féllu í fyrra eru þar með
bæði komin í hóp þeirra bestu á ný þótt enn séu rúm-
lega tvær umferðir eftir af 1. deildinni. »37
HK er komið í Bestu deildina
ÍÞRÓTTIR MENNING
Sigurður Bogi Sævarsson
sbs@mbl.is
„Sumarið hefur verið gróskumikið,
þótt stundum hafi komið kuldakaflar
svo hægt hefur á sprettu,“ segir
Þröstur Jónsson garðyrkjubóndi á
Flúðum. „Landinn vill grænmeti og
satt að segja höfum við bændur hér
ekki undan við að rækta og fram-
leiða. Á hverjum einasta degi fara að
minnsta kosti tveir stórir flutninga-
bílar héðan úr sveit til Reykjavíkur
með vörur á markað; tugir tonna af
afurðum sem seljast fljótt.“
Tómatar, gúrkur og jarðarber
Yfirskrift margvíslegra viðburða
sem efnt verður til á Flúðum í dag er
einfaldlega Uppskeruhátíð. Matar-
kistan Hrunamannahreppur er
stundum sagt, í sveitinni eru margar
af stærri garðyrkjustöðvum landsins
og þar er framleitt mikið af því
grænmeti sem landsmenn neyta.
Tómatar og jarðarber eru aldin sem
í miklum mæli eru ræktuð á Flúðum.
Þar eru einnig framleiddir sveppir
og svo eru sérstaklega mikil umsvif í
útiræktun á káli. Í slíkum búskap
eru Þröstur og Sigrún Pálsdóttir
kona hans með víðfeðma akra undir.
Starfsemin er rekin undir merkinu
Garðyrkjustöð Sigrúnar.
„Við ræktum blómkál, hvítkál,
spergilkál og nú í seinni tíð æ meira
af grænkáli. Í dag er þetta allt nán-
ast fullsprottið og nú er uppskeru-
tíminn genginn í garð. Þá tekur við
löng vinnutörn sem stendur alveg
fram í október. Þar hefur helsta
vandamálið verið að fá fólk til vinnu
en sem betur fer ætlar að rætast
eitthvað úr því með erlendu vinnu-
afli. Þátttaka þess í atvinnulífinu hér
í sveit er mikil og í raun nauðsyn-
leg,“ segir Þröstur.
Garðyrkjan krefst þrautseigju
„Góður garðyrkjumaður þarf að
hafa til að bera þrautseigju og
vinnusemi. Einnig að gefa sig 100% í
hlutina því ræktun er í eðli sínu
vandasöm og ekkert má klikka. En
þetta lærist með árunum,“ segir Sig-
rún Pálsdóttir um störf sín.
Dagskráin á Flúðum í dag hefst
kl. 11 með uppskerumessu sr. Ósk-
ars Hafsteins Óskarssonar. Kl. 13
hefst svo markaður í félagsheimili
sveitarinnar þar sem hægt verður að
kaupa matvæli úr sveitinni; ferskt
grænmeti og góðgæti, svo og hand-
verksvörur, auk þess sem kven-
félagskonur selja vöfflur og kaffi. Þá
getur fólk kynnt sér sveppafram-
leiðslu, rósarækt og einnig hefð-
bundinn landbúnað. Á bænum
Bryðjuholti, skammt frá Flúðum, er
stundaður kúabúskapur í há-
tæknivæddu fjósi og meðal tækja
þar eru mjaltaþjónn og skítaþjarkur
sem notaður er til að moka flórinn.
Þá eru tilboð á ýmsum sölustöð-
um, hægt að fara í sund í gömlu
lauginni og svo mætti áfram telja.
Uppskeruhátíð eftir
gróskumikið sumar
- Gleði og grænmeti á Flúðum - Rósarækt og vöfflur
Ljósmynd/Sigrún Pálsdóttir
Vinna Stella Mukami Chege, Þröstur Jónsson og Páll Orri sonur hans með
kál af akrinum sem þarf að þrífa og pakka áður en það er sent í verslanir.
Grænmeti Alveg brakandi ferskt og
beint af ökrunum við Flúðir.