Borgfirðingabók - 01.12.2010, Blaðsíða 21

21Borgfirðingabók 2010
Jón Þór Ragnarsson sérfræðingur í menntamálaráðuneytinu
Helga Halldórsdóttir forseti bæjarstjórnar í Borgarbyggð
Ágúst Sigurðsson rektor Landbúnaðarháskólans á Hvanneyri
Run ólf ur Ágústsson rektor Háskólans á Bifröst.
Fyrstu skrefin.
Í fyrstu fundargerð stýrihópsins kemur m.a. fram að hlutverk hans sé að
hafa frumkvæði að mótun námsfyrirkomulags, rekstrarfyrirkomulags
og húsnæðis og leita eftir sjónarmiðum hagsmunaaðila. Einnig kemur
fram að skólanefnd verði skipuð þegar skilyrði eru til slíks og muni
stýrihópur þá starfa samhliða skólanefnd þar til verkefnið yfirfærist
að fullu til skólanefndar. Einnig er kveðið skýrt á um að skólinn
skuli vera þriggja ára framhaldsskóli. Á þessum fundi kemur einnig
fram að stefnt skuli að því að skólinn verði einkaskóli og beri nafn ið
Mennta skóli Borgarfjarðar og það sé vilji heimamanna að skólinn
verði hefðbundinn bekkjarskóli, sem rúmi á annað hundrað nem enda.
Á öðrum fundi stýrihópsins sem haldinn var 1. febrúar 2006 kem-
ur fram vilji til að aðilar fari í samstarf um að undirbúa nem end ur
grunnskólanna í Borgarbyggð undir það að stunda nám í þriggja ára
framhaldsskóla. Samstarfsverkefni Borgarbyggðar (grunn skólanna í
Borgarbyggð), Menntaskóla Borgarfjarðar og menntamála ráðuneyt-
isins í þessa veru fór síðan formlega af stað vorið 2007 til þriggja ára
undir heitinu Borgarfjarðarbrúin.
Á þriðja fundi stýrihópsins 14. febrúar 2006 kemur fram að
ráðgert er að reisa 1300 fermetra mennta- og menningarhús. Á þann
fund mæta arkitektar frá arkitektastofunni Kurt og Pí, sem fengnir
höfðu verið til að koma með tillögur að húsinu. Nú var undirbúningur
að stofnun Menntaskóla Borgarfjarðar kominn vel á veg og í fastan
farveg.
Þarna er þegar komin mynd á hinn nýja framhaldsskóla, en margt
átti eftir að breytast. Horfið var frá þeirri hugmynd að skólinn yrði
bekkjarskóli, en hann er áfangaskóli án bekkjarkerfis. Einnig eru
mun fleiri nemendur í skólanum en fyrstu hugmyndir gerðu ráð fyrir,
en reiknað er með að þeir verði hátt í 190 haustið 2010. Einnig er
starfrækt við skólann starfsbraut fyrir nemendur með sértæka náms-
örðugleika.
Mennta- og menningarhúsið varð að lokum 3.200 fm en þar af er
rúmlega 650 fm kjallari, sem ákveðið var á seinni stigum að byggja,