Borgfirðingabók - 01.12.2010, Blaðsíða 201

201Borgfirðingabók 2010
á sumrin. Hin enska grunnnámslína í viðskiptafræði verður auglýst
enn betur erlendis, en það er trú skólans að það að mennta útlendinga
hér lendis í grunnnámi í háskóla geti verið mjög vænlegt framtak.
5. Önnur atriði úr starfi skólans
Rektorar Háskólans á Bifröst, Listaháskóla Íslands og Háskólans í
Reykjavík ræddu fram á árið 2009 ítarlega um stofnun nýs háskóla,
byggðan á finnskri útfærslu. Ekki varð af þessu vegna andstöðu
stjórn ar Listaháskólans. Engar sameiningar eru því fyrirhugaðar
hvað Háskólann á Bifröst varðar.
Byggt hefur verið upp umfangsmikið styrkjakerfi til nemenda.
Stofnaður hefur verið Bifrastarlisti sem er listi yfir nemendur sem
hafa hlotið verðlaun fyrir námsárangur við Háskólann á Bifröst. Þetta
er, að því best er vitað, umfangsmestu styrkveitingar til nemenda við
háskóla sem þekkjast hérlendis.
Nokkrir færeyskir námsmenn eru við skólann, en skólinn veitti
tveimur Færeyingum ókeypis skólavist með niðurfellingu skólagjalda
og frírri húsaleigu skólaárið 2009/2010 sem þakklætisvott til Færey-
inga fyrir að þeir brugðust við af drengskap í stuðningi við Íslend-
inga þegar bankahrunið varð hér. Færeysk stjórnvöld með mennta-
málaráðherra Færeyja í broddi fylkingar hafa þakkað skólan um vel
fyrir þetta framtak.
Mikið samstarf var með rektorum háskóla og ráðuneyti menntamála
haustið 2008 til að vinna þeirri skoðun fylgi að menntun ætti að vera í
forgrunni við endurskoðun fjárlaga 2009 og stefnumörkun þáverandi
ríkisstjórnar. Enginn árangur varð af því starfi.
Skólinn hlaut viðurkenningu menntamálaráðuneytis vorið 2008
að starfa sem háskóli. Viðurkenningin var mikill áfangi fyrir okk ur
og hefur verið unnið mikið að því að styrkja starfið í anda þeirrar um-
gjörðar. Á árinu 2009 var unnið að skýrslu fyrir erlenda sérfræðinga-
nefnd vegna eftirfylgni viðurkenningarinnar. Nefndin kom í ársbyrjun
2010 og var hún mjög ánægð með starf skólans.
Mikil vinna var lögð í að samræma matskerfi í rannsóknum og
alger lega nýtt kerfi tekið í notkun að mestu sniðið eftir sambærilegu
kerfi í Háskóla Íslands. Þrír kennarar luku doktorsnámi árið 2009,
þar af tveir við erlenda háskóla. Tveir starfsmenn hófu doktorsnám
erlend is á árinu 2009. Við höfum styrkt kennslulið okkar með ráðn-