Borgfirðingabók - 01.12.2010, Blaðsíða 133

133Borgfirðingabók 2010
á fimmta hundrað bindi. Sigmundur Einarsson segir í samantekt um
félagið, sem birtist í minningarriti Ungmennafélags Íslands 1937 að
bókaeignin sé 670 bindi23. Árið 1967 var eignin orðin 2700 bindi24
og árið 1994 var hún 4.173 bindi25. Frá því að skráð var hve mikið
bókaeignin jókst árlega virðist mest hafa verið keypt árið 1965, 150
bindi26 og minnst árið 2003, 25 bindi27. Skráð eign í janúar 2007 var
samkvæmt aðfangabók um 6000 titlar. Í hirslum safnsins er að finna
ýmis tímarit, sem keypt hafa verið til safnsins eða gefin. Til dæmis
er Heima er best nokkuð heillegt fram undir 1990 og í bókagjöf
Gríms Þórðarsonar eru innbundin tímarit. Tímaritaþáttur safnsins er
einungis skráður á laus blöð og stærstur hluti hans í kössum, svo ekki
er auðvelt að átta sig á umfangi hans.
Útlán og umhirða
Bækurnar virðast fyrstu árin hafa komið óinnbundnar frá bóksölum
og bæði er talað um Runólf í Norðtungu sem bókbindara og ennfremur
um bókband á Hvítárbakka28. Töluverður tími getur því hafa liðið frá
því að bóka var aflað að þær væru komnar í umferð. Oft var líka talað
um á fundum að kaupa bækur sem fyrst til að stytta þennan tíma
og ítrekað að mikilvægt væri að félagar gætu fylgst með tímanum.
Bókaverðir hafa frá upphafi séð um útlán á fundum en einnig um
að koma nýjum bókum til félaganna og væntanlega séð til þess að
bækurnar gengju á milli þeirra án viðkomu í Logalandi. Fundist hafa
nokkur blöð með skráningu bóka og útlána frá þessum tíma, sem
sýna að það hefur kostað allnokkuð bókhald að vita hvaða bækur
voru til og hvar þær voru.
Ekki hefur bókaverðinum veitt af að hafa tvo til fjóra aðstoðarmenn
og oftlega voru í fundargerðum bókaðar áskoranir til félaga um að
skila nú bókum svo hafa mætti röð og reglu á bókakostinum og halda
23 484. fundur 14. janúar 1968
24 Fundur í bókasafnsstjórn 8. maí 1994
25 481. fundur 4. janúar 1967
26 Aðalfundur 14. apríl 2004
27 484. fundur 14. janúar 1968
28 215. fundur 29. janúar 1928