Borgfirðingabók - 01.12.2010, Blaðsíða 109

109Borgfirðingabók 2010
í Bæjar sveit. Jón kvæntist Helgu Maríu Björnsdóttur þann 12. maí
árið 1906 og þau fluttu í Borgarnes ári síðar. Helga var fædd á Svarf-
hóli í Stafholtstungum árið 1880 og voru foreldrar hennar Björn
Ásmundsson bóndi og Þuríður Jónsdóttir húsfreyja og ljósmóðir.1
Athafnamaðurinn Jón Björnsson frá Bæ
Um aldamótin 1900 var verslun farin að ganga nokkuð vel í Borgar-
nesi og voru ýmsir stórbændur í héraði farnir að koma ungum
son um sínum í læri hjá verslunarmönnum. Meðal þeirra voru Jón
Björns son frá Bæ og nafni hans frá Svarfhóli. Jón tók ungur þátt í
félagsmálum og var annar af frumkvöðlum sundfélags sem stofnað
var í Bæjarsveit. Hann var líka mjög bókhneigður maður og víðlesinn
og gat fyrirvaralaust farið með ljóð þekktra skálda og tilvitnanir í
fornar sögur og merk rit. Hann þótti duglegur og framtakssamur og
lét sig varða mál samfélagsins. Næstelsti félagsskapur sem til eru
gögn um í Borgarnesi er Lestrarfélag Borgarness, stofnað 1906 eða
jafnvel fyrr. Jón frá Bæ var forsvarsmaður þess frá upphafi og stýrði
því þangað til hann flutti úr Borgarnesi.2
1 Borgfirskar æviskrár 5. bindi, Akranes 1978, bls. 305-6.
2 Jón Helgason: Hundrað ár í Borgarnesi, Reykjavík 1967, bls. 107, 109 og 162.
Kaupangur, elsta íbúðarhús í Borgarnesi. Þar átti fjölskyldan heima.
Héraðsskjalasafn.