Borgfirðingabók - 01.12.2010, Blaðsíða 22

22 Borgfirðingabók 2010
en hann er ófrágenginn að hluta. Stór hluti kjallarans er nýttur undir
félagsaðstöðu ungs fólks. Húsið sjálft stendur ekki á þeim stað þar
sem skóflustungan var tekin heldur mun sunnar á lóðinni.
Skólinn tók til starfa ári seinna en hugmyndir stýrihópsins gerðu
ráð fyrir. Reyndar var um það rætt í fullri alvöru vorið 2007 að seinka
skólabyrjun um eitt ár, þ.e. til haustsins 2008, þar sem tafir voru þá
þegar fyrirsjáanlegar á byggingu mennta- og menningarhússins. Eftir
á að hyggja er óvíst að skólastarf hefði komist af stað yfir höfuð ef
þessi seinkun hefði orðið.
Fyrsta skóflustungan
Þann 4. maí 2006 var haldinn stofnfundur Menntaskóla Borgarfjarð-
ar ehf og tók Þorgerður Katrín Gunnarsdóttir menntamálaráðherra
fyrstu skóflustunguna að mennta- og menningarhúsinu að viðstöddu
fjölmenni. Ráðherra afhenti einnig viljayfirlýsingu um stuðning við
stofnun skólans og gerð þjónustusamnings þá þegar um haustið.
Á þesum degi var skipuð stjórn til að undirbúa hluthafafund hins
nýja einkahlutafélags og kosningu stjórnar skólans. Í þessari undir-
búnings stjórn voru frá Sparisjóði Mýrasýslu skipaðir þeir Gísli
Kjart ans son og Sigurður Már Einarsson en frá sveitarfélaginu Borg-
ar byggð þau Sveinbjörn Eyjólfsson, Finnbogi Rögnvaldsson og
Helga Halldórsdóttir. Á þessu sést glögglega að það er sveitarstjórn
sem á veg og vanda af hinum nýja framhaldsskóla og ýtir honum
úr vör. Um haustið var svo formlega skipuð byggingarnefnd og
Helga Hall dórs dóttir skipuð formaður hennar. Aðrir í nefndinni
voru Ólafur Sveinsson og Magnús Árni Magnússon, en einnig sat
skólameistari alla fundi bygginganefndar. Byggingarstjóri var framan
af Guðmundur Eiríksson en á síðari stigum Jón Ágúst Guðmundsson.
Undirbúningsstjórnin starfaði fram að hluthafafundinum 11. júlí
2006 en þá var formlega kosin stjórn fyrir skólann. Formaður stjórnar
hefur verið frá þeim tíma Torfi Jóhannesson, sveitarstjórnarfulltrúi
Borgarbyggðar, en aðrir sem kosnir voru í stjórn á fyrsta hluthafafundi
skólans voru:
Sigurður Már Einarsson, varaformaður
Bergur Þorgeirsson
Guðrún Kristjánsdóttir
Magnús Árni Magnússon