Rökkur : nýr flokkur - 01.06.1969, Page 52

um það, allt frá fyrstu kynnum eftir heimkomu mína frá Ameríku
1923, að hér þyrfti að breyta, og oft síðar, er sérstakt tilefni gafst
til, í sambandi við veru hinna erlendu stéttarbræðra. Það var þó
ekki meginatriði að geta miðlað þeim fréttum, heldur hitt, að
blöðin gætu látið lesendum sínum og þar með öllum almenningi
í té betri þjónustu, og auk þess vorum við sammála um, að það
væri mikið metnaðarmál, að brjóta af sér þær viðjar, sem gamall
hugsunarháttur og venjur höfðu lagt svo margt í — að sækja sem
mest til Dana.
Lengi vel héldum við þó að okkur höndunum, töldum fréttasam-
band við Lundúni myndi verða f járhag FB ofviða.
Þegar Baldur varð fréttaritari United Press hér á landi komst
hann í nánari kynni við ýmsa ráðamenn þeirrar fréttastofnunar,
og loks létum við til skarar skríða og skiptum með okkur verkum
þannig, að Baldur þreifaði fyrir sér hjá United Press, en ég hjá
ritstjórum hinna blaðanna um að ráðast í breytinguna, ef aðgengi-
legt tilboð fengist.
Ég vil nú taka það fram, að er ég rak þetta allítarlega nú, er
það vegna þess, að ég tel það marka tímamót í sögu blaðanna,
er slík breyting sem þessi kemst á, og að það er þeirra eigin frétta-
stofa, sem semur um þetta. Og vel má því á loft halda, hve mikinn
og góðan hlut Baldur heitinn átti að þessu máli. Bæði var hann
frumkvöðull breytingarinnar og honum mest að þakka, að svo
gott tilboð fékkst, að það var fjárhag FB ekki ofviða.
Frá breytingunni var sagt í Vísi 2. janúar 1930 í svohljóðandi
f rétt:
Nýtt fréttasamband.
Fréttastofa blaðamannafélagsins semur um skeytasendingar við
United Press.
Utlend símskeyti, sem fréttastofa Blaðamannafélagsins hefur
fengið, hafa frá upphafi komið frá Kaupmannahöfn. Hefur Frétta-
stofan haft þar íslenzkan fréttaritara til þess að annast skeyta-
sendingar, og hefur vitanlega verið hjáverkastarf og mjög illa
launað. Oft hefur verið talað um að breyta þessu fyrirkomulagi
og fá skeytin frá einhverri fréttastofu, og nú er svo komið, að
Fréttastofan hefur gert samning um skeytasendingar við United
Press frá 1. janúar og gildir hann árlangt.
46