Rökkur : nýr flokkur - 01.06.1969, Side 55

Ég talaði þar næst við Webb Miller sem forstöðumaður FB og
bað hann fyrir eftirfarandi orðsendingu:
Islendingar hafa beðið talsambands þessa, sem í dag var opnað
milli Islands og Englands og íslands og Norðurlanda, með eftir-
væntingu og góðum vonum. Með vaxandi viðskiptum við aðrar
þjóðir hefur öllum, er þessi mál varða mestu, orðið ljós nauðsynin
á að hafa við höndina hin fullkomnustu tæki nútímans, til þess
að geta haft fljótvirkt samband við aðrar þjóðir. Við erum sann-
færðir um, að hið nýja talsamband muni koma verzlun og við-
skiptum landsins og allri þjóðinni að gagni. Leyfið mér að biðja
United Press að koma áleiðis kveðju íslenzkra blaðamanna til
allra, sem hin víðtækustu fréttasambönd yðar ná; en einkum kveðju
þeirra þriggja blaða, sem um mörg ár hafa fengið frétt.ir United
Press, dagblaðanna Vísis og Morgunblaðsins, sem eru málögn
Sjálfstæðisflokksins, og Alþýðublaðsins, sem er aðalmálgagn Al-
þýðuflokks Islands. Berið enn fram sérstaka kveðju frá mér til
allra starfsmanna United Press með þökk fyrir góða samvinnu
og velvilja um mörg undanfarin ár.
Webb Miller lét þá ósk í ljós, að talsambandið mætti koma ís-
landi að miklum notum og kvaðstfúslega mundu koma áleiðis
kveðju íslenzku blaðanna. „Undir eins og þessu viðtali er lokið“,
sagði hann, „mun ég síma kveðjuna til þeirra nálega 1400 sam-
banda, er vér höfum í nálega öllum löndum heims og minnast sér-
staklega þeirra þriggja dagblaða, sem fá fréttir vorar.
Fyrsta talsambandsfréttin.
Að svo búnu, þetta var klukkan liðlega eitt, kvaðst Mr. Miller
vilja láta FB fá fyrstu talsambandsfréttina, sem hafði verið frá
Englandi til Islands. — Hún var þess efnis, að nýkomnar fregnir
frá Genf hermdu, að Bretar og Frakkar væru að ganga frá sam-
komulagstillögum, er von væri um, að bæði Italía og Abessiníu-
menn féllist á, og menn gerðu sér þó nokkrar vonir um, að mundi
leiða til þess að sættir tækist og ófriði yrði afstýrt o. s. frv.
NRP-skeytin.
Eins og í upphafi var getið, miðlaði FB einnig NRP-fréttum.
Hér var um að ræða f 1 éttayfirlit á norsku frá norsku fréttastof-
49