Bændablaðið - 09.03.2023, Side 43

43Bændablaðið | Fimmtudagur 9. mars 2023
Dieci Agri Max Power X2 er sérstaklega hannaður fyrir landbúnaðargeirann og við hönnun
hans var lögð áhersla á að tryggja hámarksafköst, minnka kostnað og hámarka uppitíma. Dieci
Agri Max Power X2 er gríðar öflugur lyftari og nær 50 km hraða á klst.
Dieci skotbómulyftarar og liðstýrðir skotbómulyftarar eru öflugir og hannaðir fyrir mikla
notkun. Sýn úr ökumannshúsi er framúrskarandi og mikil áhersla lögð á öryggi tækjanna. Dieci
býður breiða línu tækja, yfir 75 gerðir með lyftigetu allt að 23.000 kg og lyftihæð allt að 30
metrar. Aukabúnaður er í miklu úrvali á lyftarana svo sem mannkörfur, kranaspil, kranabómur,
sópar, margar gerðir af skóflum og svo framvegis.

Hafðu samband í dag
Hafðu samband við sérfræðinga okkar varðandi Dieci skotbómulyftara með því að hringja
í síma 510 9100 eða sendu okkur fyrirspurn á salah8@veltir.is eða komdu til okkar í kaffi
til að ræða málin í glæsilegri þjónustumiðstöð okkar að Hádegismóum 8. Hjá okkur starfar
framúrskarandi teymi fagmanna sem búa yfir áratuga reynslu í söluráðgjöf og þjónustu við
atvinnutæki.
Dieci á Íslandi | Hádegismóar 8 | Sími 510 9100 | salah8@veltir.is
DIECI á Íslandi | VELTIR
Byltingarkennd nýjung í
Dieci Agri Max Power X2
Þingfulltrúar deildar landeldis á búgreinaþingi 2023. Þórarinn Ólafsson frá
ILFS, Þorvaldur Arnarsson frá Landeldi, Bjarki Már Jóhannsson frá Geo Salmo,
Jón Kjartan Jónsson frá Samherja og Rúnar Þór Þórarinsson frá Landeldi.
Deild landeldis innan Bændasamtaka Íslands (BÍ) var þátttakandi á
búgreinaþingi 2023 sem haldið 22. og 23. febrúar. Deildin var stofnuð
síðasta sumar, en þá var einungis fiskeldisfyrirtækið Landeldi hf. innan
deildarinnar.
Fyrir búgreinaþing varð fyrirtækið Geo Salmo aðili að deildinni og eftir þing
bættist fyrirtækið Icelandic Land Farmed Salmon (ILFS) við.
Þorvaldur Arnarsson, verkefnisstjóri hjá Landeldi, var endurkjörinn formaður
deildarinnar á þinginu og verður fulltrúi hennar á Búnaðarþingi 2023. Í stjórn
með honum eru Bjarki Már Jóhannsson frá Geo Salmo og Lárus Ásgeirsson
frá ILFS.
Landeldissamtök Íslands (ELDÍS) voru stofnuð síðasta sumar, á sama tíma
og deild landeldis innan BÍ. Aðild að þeim eiga Samherji og Matorka auk
þeirra þriggja fyrirtækja sem eru í búgreinadeild BÍ. Við stofnun ELDÍS var
viljayfirlýsing undirrituð við BÍ um að vinna sameiginlega að fullvinnslu lífræns
úrgangs til áburðarframleiðslu.
„Það sem er efst á baugi hjá okkur er að deildin ætlar að beita sér fyrir
bættum ferlum í tengslum við úrvinnslu umsókna til hins opinbera. Þá ætlar
deildin að kortleggja lög og reglur um söfnun úrgangs og leggja mat á það
hvort og þá hvað gæti hamlað nýsköpun á sviði endurnýtingar eldisúrgangs
til áburðargerðar,“ segir Þorvaldur formaður að afloknu búgreinaþingi. Hann
verður fulltrúi deildar landeldis á Búnaðarþingi 22. og 23. mars. /smh
Landeldisbændur:
Endurnýting eldisúrgangs
til áburðargerðar
Kæli- og frystiklefar í öllum
stærðum og gerðum
Margar gerðir af
vélbúnaði fyrir
kæli- og frystiklefa
Mikið úrval af hillum
Járnháls 2 - 110 Reykjavík
Sími 440 - 1800
www.kaelitaekni.is
Kælitækni er leiðandi í sölu
og uppsetningu á kerfum með
náttúrlegum kælimiðlum
Á búgreinaþingi var Jóhann Gísli
Jóhannsson endurkjörinn sem
formaður deildar skógarbænda. Ný
stjórn var kosin með smávægilegum
breytingum. Tíu ályktanir voru sam-
þykktar til áframhaldandi umræðu
á Búnaðarþingi í lok mars.
Í stjórn skógarbænda eru núna,
ásamt Jóhanni Gísla, Guðmundur
Sigurðsson og Hrönn Guðmundsdóttir.
Ný í stjórn eru Laufey Leifsdóttir og
Dagbjartur Bjarnason. Sighvatur
Jón Þórarinsson og Sigrún Hrönn
Þorsteinsdóttir létu af sínum
stjórnarstörfum.
Skógarbændur samþykktu ályktun
sem beindi því til Búnaðarþings að
beita sér fyrir að aukið fjármagn
í búvörusamningunum væri
hugsað í skjólbeltaræktun, enda
væri ávinningurinn mikill hvað
uppskeruauka varðar.
Þrjár ályktanir snertu á loftslags-
málum. Til að byrja með var ákall eftir
að gera skógareigendum mögulegt
að meta kolefnisbindingu eldri skóga
og fá tækifæri til að nýta hana til
kolefnisjöfnunar í búrekstri sínum. Enn
fremur var lagt til að kolefnisbinding
í nytjaskógi yrði viðurkennd sem
skógarafurð. Í greinargerð þeirrar
ályktunar segir: „Deilur hafa verið
um hvort kolefnisbinding fylgi trénu
sem afurð eða ekki. Ráðuneyti og
Alþingi hafa viðurkennt að skógur
sé í eign landeigenda, en ekki
viðurkennt að kolefnisbindingin í
nytjaskóginum sé eign landeiganda að
sama skapi eða fylgi trénu sem slíku.
Af þessum orsökum er nauðsynlegt
að kolefnisbinding verði almennt
viðurkennd sem skógarafurð í
nytjaskógrækt.“
Að auki var vísað til ramma-
samnings ríkisins við Bændasamtök
Íslands, sem hefur það að markmiði að
stuðla að framþróun í framleiðslu með
áherslu á aðgerðir í loftslagsmálum.
„Skógrækt er best þekkta leiðin
til kolefnisbindingar og til að geta
staðið við kolefnishlutlausan íslenskan
landbúnað árið 2030 er nauðsynlegt
að þeir peningar sem ætlaðir eru til
Skóg-BÍ fari til þeirra verkefna sem
samningurinn kveður á um,“ segir
í greinargerð.
Skógarbændur óskuðu eftir að
aukinnar varúðar verði gætt við
innflutning á afurðum sem geta borið
með sér plöntusjúkdóma og meindýr,
en tilefnið er nýlega veitt heimild
matvælaráðuneytisins til innflutnings
á trjábolum með berki. Að auki
samþykktu skógarbændur ályktun
sem kallaði eftir annarri nálgun á
sauðfjárbeit. Í greinargerðinni er sagt
brýnt að taka til greina hagsmuni
fleiri en sauðfjáreigenda þegar
kemur að regluverki í kringum beit.
Skógarbændur vilja; „girða búsmalann
inni þar sem honum er ætlað að vera
frekar en að girða hann úti.“ /ÁL
Skógarbændur:
Tíu ályktanir og breyting á stjórn
Ný stjórn deildar skógarbænda. Frá vinstri, Laufey Leifsdóttir, Jóhann Gísli
Jóhannsson, formaður, Hrönn Guðmundsdóttir og Guðmundur Sigurðsson.
Á myndina vantar Dagbjart Bjarnason. Mynd / ÁL