Heilbrigt líf - 01.12.1950, Blaðsíða 45

vegna þess að rauðu blóðkornin lifðu ekki lengi í þessari
lausn. Tilraunir hafa sýnt, að blóðkornin lifa lengst, ef
sítrónsýru (acidum citricum) og sykri (dextrose) er bætt
í lausnina í hæfilegum hlutföllum. Blóð, sem tekið er til
lengri geymslu, er því tekið og blandað þessari lausn í
lofttómar, dauðhreinsaðar flöskur, án þess að loft komist
nokkurs staðar að. Tekin eru 500 grömm úr hverjum
blóðgjafa og blóðið sett í kæliskáp við — 4° C, og geym-
ist það þannig í 3 vikur, en að þeim tíma liðnum þykir
það ekki öruggt til notkunar. Nafn þess, sem blóðið gaf,
blóðflokkurinn og dagsetningin, þegar það var tekið, er
merkt á flöskuna. Nýlega hafa byrjað tilraunir með ílát
undir blóð, sem eru gerð úr einhvers konar plastefnum.
Líkjast þau talsvert litlum hitapokum. Aðalkostur þess-
ara umbúða er, að það er öruggt, að þau brotna ekki í
flutningum. Þeim hefur jafnvel verið kastað úr flugvél
úr mikilli hæð og ekki sprungið. Þetta hefur vitanlega
mesta þýðingu, ef koma þarf blóði á afskekkta staði eða
t. d. til herja. Það er ómögulegt að segja fyrir upp á
flösku, hver blóðþörfin kunni að verða á ákveðnum tíma,
svo að varlegra er að hafa heldur ríflegar birgðir og
reikna með því, að eitthvað af blóðinu verði of gamalt,
en að eiga á hættu að verða uppiskroppa.
Af því leiðir, að bankinn þarf að hafa aðstöðu til að
nota það blóð, svo að ekki þurfi að kasta því. Ef viðeig-
andi útbúnaður er fyrir hendi, má skilja blóðvatnið frá
og geyma það. Blóðvatnið (plasma) er tvímælalaust það
næstbezta og getur undir vissum kringumstæðum verið
æskilegra en blóð, eins og til dæmis við mikla bruna, eða
sem fyrsta meðferð við losti vegna mikilla áverka, þar
sem blóðmissir er ekki verulegur. Þar getur það fyililega
komið í stað blóðs, enda fljótlegra að grípa til þess þar,
sem ekkert þarf að blóðflokka. Þegar blóðvatn er geril-
sneytt með útfjólubláum geislum og síðan þurrkað, má
Heilbrigt líf
139