Heilbrigt líf - 01.12.1950, Page 64

SOLE RAEVUORI-NALLINMAA:
HEILAÁVERKAR VIÐ HNEFALEIK
Fundur norrænna geðveikralækna í
Helsingfors 13.—15. júní 1949.
Síðan 1928 hafa læknar farið að veita athygli langvinn-
um heilasjúkdómum, sem orsakast af hnefaleikum. Menn
hafa tekið eftir því, að endurtekin höfuðhögg — sér-
staklega rothögg — eru hættuleg, þegar til lengdar lætur.
Samkvæmt amerískum skýrslum finnast sálarlegar breyt-
ingar hjá 60% af atvinnuhnefaleikamönnum, svo sem
minnkuð dómgreind um sjálfa sig og aðra, erfiðleikar við
einbeitingu hugans og eftirtekt, tregari hugsun og við-
brögð. Minni og skilningur verða lélegri. Gáfnafar kemst
á lægra stig, og menn geta meira að segja orðið fullkom-
lega sljóir. Þegar sjúklingurinn talar, endurtekur hann
þráfaldlega það sama, og málfarið verður ógreinilegt.
Augnatillitið verður starandi og framkoman líkt og undir
áhrifum víns. Atvinnuhnefaleikarar þekkja þennan sjúk-
dóm og kalla hann ,,punch-drunkness“. Einkennin koma
annaðhvort strax eftir keppni eða löngu seinna. Þegar
þau eru einu sinni komin, halda þau áfram og geta jafnvel
versnað, þótt sjúklingurinn hætti hnefaleikum. En þar eð
sjúklinginn skortir að jafnaði skilning á sjúkdóminum,
heldur hann oft áfram hnefaleikum og verður fyrir nýjum
áföllum.
I Pitkániemispítala voru árin 1943-—1944 tveir áhuga-
hnefaleikamenn með geðbreytingar og taugaveiklun. Ann-
ar hafði tekið þátt í hnefaleikakeppni í 10 ár, hinn í 16
ár. Sá hafði greinilega ,,punch-drunkness“, sem hafði farið
158
Heilbrigt líf