Bókasafnið - 01.02.1999, Side 88

Sigurlaugur Elíasson
Utan
heimsóknartíma
Húrra fyrir kjallarakompu lestrarfélagsins.
Að vísu er sumar og ekki lestrartíð í dalnum
en á vetrin brjótast menn hingað neðan og
ofan að á jeppum, vélsleðum og dráttarvélum
og heim aftur með úttroðna plastpoka. Það er
eitthvað notalegt við þennan sumardvala og
athyglin beinist sjálfkrafa að dálítilli ellideild
á þrem hillum. Þar er hún Ilíonskviða frá 1855
og afmælisritið hans Gröndals og fleiri góðrit
eiga þar vist. Svipur sumra leynir ekki kynnum
af reykkofum og mógröfum. En hver er líka
svona lúinn, þvældur og uppblásinn eins og
heybaggi af fornu tilraunabúi? Núh það er þá
Espólín blessaður.
(Skjólsteinn, Mál og menning, 1998J
86
Bókasafnið 23. árg. 1999