Bókatíðindi - 01.12.2012, Page 64

62
Skáldverk « ÍSLENSK » B Ó K A T Í Ð I N D I 2 0 1 2
Landvættir
Ófeigur Sigurðsson
Sókrates er alræmdur maður
af síðum Dagblaðsins þegar
hann fær vinnu í kjötvinnslu
á Kjalarnesi. Þar er tekið
vel á móti honum og hann
hækkar fljótt í tign en myrk
fortíð hans eltir hann upp
metorðastigann. Ófeigur
Sigurðsson fékk mikið lof og
Bókmenntaverðlaun Evrópu-
sambandsins fyrir Skáldsögu
um Jón (2010).
496 bls.
FORLAGIÐ
Mál og menning
ISBN 978-9979-3-3317-3
Leikarinn
Sólveig Pálsdóttir
Leikarinn er fyrsta skáldsaga
Sólveigar Pálsdóttur úr ís-
lenskum samtíma. Þessi
‚sálfræðitryllir‘ sló sannar-
lega í gegn. Gagnrýnendur
voru á einu máli um ágæti
bókarinnar og þegar er búið
að selja af henni kvikmynda-
réttinn. Nýr spennusagnahöf-
undur sem verður forvitnilegt
að fylgjast með!
284 bls.
FORLAGIÐ
JPV útgáfa
ISBN 978-9935-11-259-0 Kilja
Ljósmóðirin
Eyrún Ingadóttir
Blóðið ólgaði og hún var
uppreisnargjörn, bráð og
hvatvís; fátæk alþýðukona
sem vildi fá að vera höfundur
eigin lífs. Áhrifamikil söguleg
skáldsaga um Þórdísi Símon-
ardóttur ljósmóður á Eyrar-
bakka um aldmótin 1900.
302 bls.
Veröld
ISBN 978-9935-440-28-0
Málarinn
Ólafur Gunnarsson
Davíð er dáður listmálari,
verkin hans seljast grimmt,
hann er vel stæður og vel
giftur. En hann hefur aldrei
öðlast þá viðurkenningu
menningarpáfanna sem
hann þráir og hryllilegt slys
sem hann átti ef til vill sök
á varpar dimmum skugga á
fjölskyldulífið. Viðburðarík og
áhrifamikil skáldsaga um átök
í sálinni og átök milli fólks,
togstreitu, umrót og metnað.
327 bls.
FORLAGIÐ
JPV útgáfa
ISBN 978-9935-11-288-0
Mensalder
Bjarni Harðarson
Saga um bóndann Mensalder
sem ólst upp við fáar unaðs-
semdir í Ranakoti um alda-
mótin næstsíðustu, hjá föður
og fóstru sem var forn í skapi.
Þrátt fyrir að eiga ástkonu á
næsta bæ mátti Mensi hanga
blóðnauðugur við kotið í
rúman aldarfjórðung þar sem
fóstrunni hugnaðist ekki ráð-
hagurinn. Listilega vel skrifuð
bók um heiðursmann sem
varð hvorki frægur af auði né
völdum en greiddi kóngi og
kaupfélagi það sem báðum
bar. Söguleg skáldsaga, full
af orðkynngi og mögnuðum
mannlýsingum. Besta bók
Bjarna til þessa.
255 bls.
Útgáfufélagið Sæmundur
ISBN 978-9935-9014-9-1
Leiðb.verð: 5.690 kr.
Milla
Kristín Ómarsdóttir
Milla er 21 árs og veit ekki
hvað hún á að gera við líf
sitt. Þrjár vikur í maí skipta
sköpum: ástin kemur og fer,
Milla skrifar ömmu sinni ótal
bréf en fær engin svör, hún
skoðar vorkvöld í Reykjavík
úr lofti og skrásetur gögn
„Safnsins um hina venjulegu
íslensku fjölskyldu í lok tutt-
ugustu aldar“. Ævintýraleg og
heillandi saga, í senn létt og
þung, glaðleg og sorgleg.
314 bls.
FORLAGIÐ
JPV útgáfa
ISBN 978-9935-11-287-3