Bókatíðindi - 01.11.2023, Page 36

KIL
Kona
Höf: Annie Ernaux
Þýð: Þórhildur Ólafsdóttir
Við andlát móður sinnar úr alzheimer-sjúkdómnum
heldur Nóbelsskáldið Annie Ernaux í ferðalag aftur
í tímann til að reyna að bregða upp sannferðugri
mynd af konunni sem mótaði líf hennar.
112 bls.
Ugla
KIL
Kramp
Höf: María José Ferrada
Þýð: Jón Hallur Stefánsson
Hin sjö ára M slæst í för með föður sínum D
milli bæja þar sem hann selur byggingarvörur
frá framleiðandanum Kramp á tímum Pinochet-
harðstjórnarinnar í Chile. Saklaust barnið heillast
af heimi farandsölumannanna og gerir sér
aðeins óljósa grein fyrir þeirri pólitísku spennu
sem kraumar undir niðri í samfélaginu.
128 bls.
Angústúra
IB SVK
Kvæði & sögur
Höf: Edgar Allan Poe
Loksins á íslensku! Myndarlegt úrval af kvæðum
og sögum þessa brautryðjanda vestrænna
nútímabókmennta, sannkölluð stórbók með
þýðingum frá fyrri tíð, en líka glænýjum þýðingum
eftir marga kunna þýðendur. Ástráður Eysteinsson
bókmenntafræðingur ritar ítarlegan inngang
um höfundarverkið og þýðingarnar.
498 bls.
Dimma
KIL RAF
Köngulóin
Höf: Lars Kepler
Þýð: Hilmar Helgu- og Hilmarsson
Lars Kepler er einn vinsælasti glæpasagnahöfundur
Svíþjóðar en á bak við höfundarnafnið eru hjónin
Alexandra og Alexander Ahndoril. Köngulóin
var mest selda bókin í Svíþjóð árið 2022 og er sú
níunda um finnsk-sænska lögreglumanninn Joona
Linna. Hver er þessi raðmorðingi sem kallar sig
Köngulóna og hvernig tengist hann Joona?
576 bls.
Forlagið - JPV útgáfa
KIL
Litla kaffihúsið í Kaupmannahöfn
Höf: Julie Caplin
Þýð: Kristín V. Gísladóttir
Kate Sinclair finnst líf hennar í London vera
fullkomið. Hún á hrífandi kærasta og nýtur
velgengni í starfi. En þá svíkur kærastinn hana og
hreppir sjálfur stöðuhækkunina sem hún hafði sóst
eftir. Niðurbrotin fer hún að efast um sjálfa sig og
allt – og verður einfaldlega að komast burt.
435 bls.
Ugla
KIL
Hlébarði í kjallaranum
Höf: Amos Oz
Þýð: Árni Óskarsson
Í þessari skáldsögu segir af 12 ára dreng sem
elst upp í Jerúsalem á árunum eftir síðari
heimsstyrjöld. Breskir hermenn standa vörð á
götunum. Sprengjur og skothvellir halda vöku fyrir
fólki á nóttunni. Drenginn dreymir um að vinna
hetjudáðir en raunveruleikinn er annar.
196 bls.
Ugla
KIL RAF HLB
Hundaheppni
Höf: Lee Child
Þýð: Jón Hallur Stefánsson
Jack Reacher kynnist eldri hjónum sem eru lent í
klónum á okurlánara. Þar sem okkar maður er ávallt
reiðubúinn að taka bófa í bakaríið, býður hann fram
aðstoð sína. Og áður en langt um líður er hann búinn
að egna upp bæði úkraínsku og albönsku maf íuna í
plássinu – með verulega blóðugum afleiðingum.
394 bls.
Forlagið - JPV útgáfa
KIL RAF
Í hennar skóm
Höf: Jojo Moyes
Þýð: Herdís M. Hübner
Sam dreymir um betra líf, þar sem hún er laus við
áhyggjur og erfiðan eiginmann. Einn morguninn
tekur hún vitlausa tösku í ræktinni og í henni reynast
vera rándýrir hönnunarskór. Hún klæðir sig í skóna
og finnst hún vera orðin allt önnur kona.
Nisha á töskuna. Líf hennar virðist fullkomið en þegar
hún glatar töskunni umbreytist veruleiki hennar.
428 bls.
Veröld
KIL
Jerúsalem
Höf: Gonçalo M. Tavares
Þýð: Pedro Gunnlaugur Garcia
Kona, morðingi, læknir, strákur, vændiskona,
geðsjúklingur. Og nóttin. Jerúsalem er margverðlaunuð
skáldsaga eftir einn helsta núlifandi rithöfund
portúgalska málheimsins. Í þessari gáskafullu og
frumlegu frásögn er tekist á við einhver stærstu mál
mannlegs samfélags af léttleika í bland við alvöru
— enda er hryllingurinn hluti af mennskunni.
213 bls.
Benedikt bókaútgáfa
KIL RAF HLB
Jólabókaklúbburinn
Höf: Sarah Morgan
Þýð: Birgitta Elín Hassell og Marta Hlín Magnadóttir
Maple Sugar gistihúsið er fullkomið fyrir
jóladekurferð enda er það fullbókað allan desember.
Hótelstýran Hattie Coleman er kornung ekkja og
einstæð móðir og hennar eina ósk er að komast
klakklaust gegnum jólavertíðina. Þegar Erica,
Claudia og Anna mæta í vikulanga bókaklúbbadvöl
á gistihúsið grípa örlögin í taumana.
Björt bókaútgáfa - Bókabeitan
B Ó K A T Í Ð I N D I 2 0 2 3 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa36
Skáldverk ÞÝDD