Bókatíðindi - 01.11.2023, Page 44

KIL
Sólgarðurinn
Höf: Beinir Bergsson
Þýð: Guðrún Brjánsdóttir
Sólgarðurinn fjallar um allt það sem vex, dafnar
og visnar innra með okkur. Bók þessi er tilnefnd
til bókmenntaverðlauna Norðurlandaráðs
árið 2022. Um er að ræða tímamótaverk í
færeysku samfélagi sem fjallar á opinskáan
og einlægan hátt um hinsegin ástir.
68 bls.
Bókaútgáfan Sæmundur
SVK
Taugatrjágróður
Höf: Aðalheiður Halldórsdóttir
Aðalheiður Halldórsdóttir hefur í áratugi
dansað með Íslenska dansflokknum og
komið að ótal leikhúsuppfærslum sem
dansari, leikkona, danshöfundur og höfundur
sviðshreyfinga í leikverki. Hún stígur nú sín
fyrstu dansspor inn á svið skáldskaparins.
78 bls.
Bjartur
IB
Tálknfirðingur
Höf: Ólafur Sveinn Jóhannesson
Ólafur Sveinn Jóhannesson sló í gegn með ljóðabók
sinni Klettur – ljóð úr sprungum, sem fékk afbragðs
dóma og var tilnefnd til ljóðabókaverðlaunanna,
Maístjörnunnar. Hér heldur hann áfram að yrkja
um sína heimabyggð af einlægni og dregur upp
áhrifamiklar myndir af mannlífi og tilveru fyrir
vestan af næmri tilfinningu og húmor.
82 bls.
Bjartur
SVK
Til hamingju með að vera mannleg
Höf: Sigríður Soffía Níelsdóttir
Kröftug og falleg, fyndin og átakanleg ástarjátning til
lífsins eftir dansarann og danshöfundinn Sigríði Soffíu
Níelsdóttur. Ljóðin skrifaði hún á meðan hún gekk í
gegnum krabbameinsmeðferð í heimsfaraldri. Vorið
2023 var frumsýnt dansleikverk með sama nafni á
stóra sviði Þjóðleikhússins, byggt á textum hennar.
107 bls.
Forlagið - JPV útgáfa
IB
Maður lifandi
Höf: Kristinn Óli S. Haraldsson
Kristinn Óli S. Haraldsson, þekktur sem helmingur
dúettsins Jói Pé og Króli, glímdi lengi við þunglyndi
og tilvistarangist. Ein leið hans út úr vandanum
var að skrifa ljóð og texta þar sem hann tekst á við
sjálfan sig og tilveruna. Þeir koma hér á bók ásamt
áhrifamiklum myndverkum eftir Axel Magnús,
Isak Emanúel Glad og Jóhannes Darmian.
80 bls.
Bjartur
SVK
Mannakjöt
Höf: Magnús Jochum Pálsson
Ljóðabók sem vekur lesandann til umhugsunar um
dökkar hliðar mannkynsins og hvernig kunni að
fara fyrir jörðinni breyti mannfólkið ekki hegðun
sinni. Höfundur yrkir um manneskjuna, græðgi
hennar, f íkn og neyslu en einnig um hringrás lífsins,
fjölskylduna, og fórnir á dýrum jafnt sem mönnum.
76 bls.
pbb
IB
Ró í beinum
Ljóðaþykkni 1982–2022
Höf: Ísak Harðarson
Úrval ljóða Ísaks sem hann valdi sjálfur og gekk frá
til útgáfu skömmu áður en hann lést síðasta vor. Ísak
hafði verulega sérstöðu sem ljóðskáld. Hann orti
íhugul, trúarleg og heimspekileg ljóð sem stundum
lýsa örvæntingu og einmanaleika en einnig von og
gleði; í þeim má oft finna óvæntar myndir, gáska og
kraft. Andri Snær Magnason ritar eftirmála.
110 bls.
Forlagið - JPV útgáfa
KIL
Sjálfshjálparbók hjálparstarfsmannsins
Höf: Páll Biering
Veturinn 2015 starfaði Páll Biering
geðhjúkrunarfræðingur á vegum Rauða
krossins í fjölmennum flóttamannabúðum á
landamærum Grikklands og Norður-Makedóníu.
Í þessari bók freistar hann þess að fanga í
orð reynslu sína frá þessari sendiför.
70 bls.
Bókaútgáfan Sæmundur
B Ó K A T Í Ð I N D I 2 0 2 3 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa44
Ljóð og leikhandrit