Bókatíðindi - 01.11.2023, Page 54

IB
Leikmenntir
Um að nálgast það sem mann langar að segja í
leikhúsi
Höf: Sveinn Einarsson
Hvernig verður leiksýning til sem listaverk? Í þessari
bók ræðir dr. Sveinn Einarsson form listaverksins,
stíl og orðfæri og svo sjálfa sviðsetninguna. Bókin
er rituð á einföldu og skiljanlegu máli um flókið
fyrirbæri sem langflestir þekkja þó af eigin raun.
264 bls.
Hið íslenska bókmenntafélag
SVK
Sýnisbók íslenskrar alþýðumenningar
Listasaga leikmanns
Listaannáll 1941–1968 eftir Kristján Sigurðsson
póststarfsmann í Reykjavík
Höf: Aðalsteinn Ingólfsson
Á árunum 1941 til 1968 hélt Kristján ítarlegar
dagbækur – nokkurs konar listaannál um
myndlistarlífið í Reykjavík. Á því tímabili sá hann
allar sýningar íslenskra og erlendra listamanna,
skráði skoðanir sínar á þessum sýningum, viðbrögð
gagnrýnenda og annarra álitsgjafa við sýningum.
Háskólaútgáfan
SVK RAF
Líkaminn geymir allt
Hugur, heili, líkami og batinn eftir áföll
Höf: Bessel van der Kolk
Þýð: Hugrún Hrönn Kristjánsdóttir og Arnþór
Jónsson
Áföll geta haft gríðarleg áhrif á andlega líðan,
tilfinningar, skynjun og félagsfærni, fjölskyldur þolenda
og jafnvel næstu kynslóðir, en um leið víðtækar
afleiðingar fyrir heilsuna. Í þessari heimsþekktu
bók eru raktar sláandi staðreyndir um eftirköst
áfalla og kynntar leiðir til bata sem reynst hafa
skilvirkar til að lækna huga, heila og líkama.
524 bls.
Forlagið - Vaka-Helgafell
SVK
Lítil bók um stóra hluti
Hugleiðingar
Höf: Þórunn Jarla Valdimarsdóttir
Hér tekst höfundur á við stórar spurningar á sinn
hátt. Stundum með stríðnislegu glotti eða blíðu
brosi, stundum með ögrandi og nýstárlegum
hugmyndum og stundum með alvöruþunga og
skarpri sýn. Þórunn er fundvís á óvæntar tengingar,
hispurslaus og fyndin, angurvær og ljóðræn,
margbrotin og einlæg, hún sjálf, engri lík.
176 bls.
Forlagið - JPV útgáfa
KIL
Rit Árnastofnunar (Rit 111)
Ljóðmæli 5
Umsj: Margrét Eggertsdóttir, Kristján Eiríksson og
Karl Óskar Ólafsson
Fimmta bindið í fræðilegri heildarútgáfu á verkum
Hallgríms Péturssonar (1614–1674). Efni þessa bindis
eru lausavísur og nokkur lengri kvæði, flest gamansöm.
Vísurnar fjalla oft um hversdagslega hluti eins og
mat og matarneyslu og stundum um misskiptingu
veraldlegra gæða. Sumar lýsa barnaleikjum, aðrar
eru heillaóskir eða gátur í vísnaformi.
328 bls.
Stofnun Árna Magnússonar í íslenskum fræðum
IB
Jökulsævintýrið
Sagan af því er Loftleiðamenn björguðu bandarískri
skíðaflugvél af Vatnajökli árið 1951
Höf: Jakob F. Ásgeirsson
Þegar erfiðleikar steðjuðu að flugfélaginu Loftleiðir
um miðja 20. öld tóku Loftleiðamenn sig til og grófu
upp úr Vatnajökli DC-3 flugvél sem Bandaríkjaher
hafði orðið að skilja eftir ári fyrr við björgun
áhafnarinnar á Geysi af Bárðarbungu. Í bókinni
er birt dagbók Alfreðs Elíassonar og einstakar
ljósmyndir Árna Kjartanssonar úr leiðangrinum.
148 bls.
Ugla
IB
Kúbudeilan
1962
Höf: Max Hastings
Þýð: Magnús Þór Hafsteinsson
Kúbudeilan árið 1962 er einn mest ógnvekjandi
atburður sögunnar. Þá munaði minnstu að
kjarnorkuvopnaátök brytust út á milli Bandaríkjanna
og Sovétríkjanna. Um nokkurra vikna skeið rambaði
heimurinn á barmi hugsanlegrar útrýmingar.
Í þessari frábæru bók Max Hastings er saga
þessara vikna rakin með ljóslifandi hætti.
536 bls.
Ugla
IB
Rangárþing - Safn til sögu
Landnám í Rangárþingi
Höf: Gunnar Guðmundsson og Þórður Tómasson
Fjallað er um það þegar 43 landnemar settust að í
Rangárþingi fyrir um 1100 árum. Umfjöllunarefnin
eru: hvernig land sýslunnar mótaðist jarðsögulega,
gróður á landnámsöld, hellar í sýslunni, skip
landnema og hvað var flutt, hvernig fólkið kom
sér fyrir, lífsafkomu þess, búfénað, trúariðkanir
og mótun stjórnsýslu og valdakerfis.
298 bls.
Bókhlaða Gunnars
B Ó K A T Í Ð I N D I 2 0 2 3 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa54
Fræðirit, frásagnir og handbækur