Heimili og skóli - 01.08.1952, Page 23

HF.IMILI OG SKÓLI
67
gæðum, leit að ást, leit að sannleika,
leit að góðum guði. Þegar ræðunni
var lokið, gengu allir hljóðir út, eins
og úr kirkju. Svona tala þeir einir,
sem eru ræðumenn af guðs náð.
Síðan hef ég nokkuð kynnzt séra
Jakobi. Eg kynntist honum lítið eitt
sem skólastjóra að Eiðurn og síðar sem
fræðslumálastjóra. Og hann er alltaf
sá sami, er ég sá í ræðustólnum fyrir
tæpum 30 árum: Fyrst og fremst hinn
leitandi maður — frábærlega víðsýnn
gáfumaður og mannvinur. Ég hef
heyrt marga harma það, að hann
skyldi ekki verða fastur starfsmaður
hinnar íslenzku þjóðkirkju. En ég ef-
ast um, að liann hefði notið sín þar.
Til þess var hann of langt á undan
sinni samtíð. Hann var enginn flokks-
maður í trúarefnum frekar etvíá öðr-
um sviðum. Hann sá, að ,,guð á allar
götur“, og eins og hann segir sjállfur:
„Skaparinn segir mennina boðna og
velkomna, hvaða trúarleið, sem þeir
vilja nálgast hann, af því að allar leið-
irnar eru leiðirnar hans.“ Ég veit ekki,
hvort íslenzka þjóðkirkjan hefur viljað
samþykkja þetta hingað til.
Ég hef alltaf dáð séra Jakob fyrir
gáfur hans og mælsku, en þó allra
mest fyrir víðsýni hans og hleypdóma-
leysi. Hin ævilanga leit hans að sann-
leikanum hefur vissulega gert hann
frjálsan og óháðan frarnar flestum öðr-
um mönnum, sem ég hef þekkt. Þetta
er hans aðalsmerki. Sannleikurinn og
algóður guð eru hinir miklu konung-
ar, sem Jakob getur lotið. Leitin að
þeim hefur haldið huga hans heiðrík-
um alla ævi og fyllt sál lians og líf
friði og jafnvægi.
Ævidagur séra jakobs hefur verið
fagur, og nú, þegar líða fer að kvöldi,
er enn sama heiðríkjan yfir þeim degi,
sami friðurinn, og enn mun hinn
mikli, kirkjulausi kennimaður trúa
því, að: „Úr hendi guðs ei fýkur eitt
einasta strá“.
H. J. M.
í MYRKRI FÁFRÆÐINNAR.
Talið er, að helmingur alls mannkynsins
sé ólæs og börnin eiga þess engan kost að
fá að læra að lesa, því að þau verða að
vinna, þegar á unga aldri.
í sumum löndum er ástandið svo slæmt,
að aðeins örfáir læra að lesa. Af 360
milfjónum Indverja er t. d. aðeins 10% læs
eða 1 af hverjum 10. 90 manns af hverju
100 eru ólæsir og er fyrirmunuð öll
menntun, sem bækur og skólalærdómur
hafa að bjóða. Það er talið að í Indlandi
vanti um 2 milljónir kennara.
HVAÐ LES BARNIÐ ÞITT?
Samkvæmt athugunum, sem gerðar
hafa verið í Bretlandi,er talið,að venjulegt
barn lesi um 400—600 bækur á aldrinum
7—14 ára. Engar athuganir hafa verið
gerðar um þetta hér á landi, en bækur eru
nú á tímum voldugur uppalandi. Bækurn-
ar eru mikill menningargjafi, en til eru þó
bækur, sem hafa neikvæð áhrif á börn.
Lítið mun þó vera að slíkum barnabókum
hér á landi, en það er staðreynd að furðu
mörg börn leggjast í reyfaralestur ótrú-
lega snemma, jafnvel um 9 og 10 ára aldur.
Og ég er hræddur um að foreldrar þessara
barna skilji ekki þá hættu, sem hér er á
ferðinni. Það er því full ástæða til að
hvetja foreldra almennt til þess að fylgjast
vel með því, hvað börn þeirra lesa.