Læknaneminn - 01.12.1966, Blaðsíða 46

1,6
LÆKN ANEMINN
Þegar háskólinn tekur til starfa,
er lögð á það áherzla, að þarna
eigi að rísa upp vísindastofnun,
sem stefni að því að gera menn
færa um það að vinna að vísinda-
legum efnum auk þess, sem hag-
nýtt er.
Páll Kolka segir í „Vísindin efla
alla dáð“: Læknadeild háskólans
var eins og fríð og gáfuð heima-
sæta, eftirsóknarverð í augum
okkar ungu mannanna, en ótrúlega
snauð af þessa heims auði, því að
hún átti varla nokkra spjör, sem
sæmileg gat talizt.
Fyrst í stað mun ekki hafa orð-
ið mikil breyting hvað viðkom
hag deildarinnar. Hún varð að
dvelja áfram í gamla spítalanum,
en fluttist þó bráðlega ásamt öðr-
um deildum niður í Alþingishús.
Þar fékk hún þó ekki kennslu-
stofu út af fyrir sig, en varð að
deila stofu með heimspekideild
með gluggum andspænis dyrum
dómkirkjunnar. Gátu læknanemar
því látið jarðarfarir þaðan verða
sér verðugt aðvörunarmerki.
Fyrst í stað mun kennsla nær
eingöngu hafa farið fram í formi
yfirheyrslu, því að þá var það
skoðun ráðandi manna að fyrir-
lestraraðferðin væri óhagkvæm
og tímaeyðandi. Eitt vekur at-
hygli manns við kennsluna þá, en
það er, að fyrstu árin, að minnsta
kosti, munu hafa verið haldnir
fyrirlestrar og verklegar æfingar
gerðar í því, hvernig nota ætti
bókasöfn.
Hin fyrstu ár læknadeildar var
það stundum talið einkenni á
henni, að einungis væri að því
stefnt að mennta læknaefnin út
frá hagnýtu sjónarmiði, en það,
sem hefði vísindalega þýðingu,
væri látið sitja á hakanum, en
dæmi þess má þó jafnvel finna
nú, svo enginn skyldi hneykslast.
Þar sem saga hinna síðari ára
mun vera mönum kunnari, læt ég
hér staðar numið. Ég vil biðja
menn forláts á því, ef ég hef tek-
ið þær heimildir ,sem mér hafa
verið tiltækar, ef til vill um of
trúanlegar, en ef einhver getur hér
um bætt, þá er það vel þegið.
HEIMILDIR:
Guðmundur Hannesson: Islandske
lægeforhold og lægeutdannelsen. Sér-
prentun úr Medical Revue, okt. 1921.
Guðmundur Magnússon: Háskólinn
og Landspítalinn, EIR 1. árg. júlí 1899.
Jónas Jónassen: Um læknaskipun á
tslandi, Tímarit hins íslenzka bók-
menntafélagsins, XI árg. 3.—4. hefti
1890.
Páll Kolka: Hálf öld, grein í „Vísind-
in efla alla dáð,“ Rvík 1961.
P. A. Schleisner: Island undersögt
fra et lægevidenskabeligt synspunkt,
Kbh. 1849.
Vilmundur Jónsson: Formáli að
„Læknar á íslandi," Rvík 1944.
Öldin átjánda 1761—1800, Jón Helga-
son tók saman, Rvík 1961.
öldin, sem leið 1861—1900, Gils Guð-
mundsson tók saman, Rvík 1956.
„Aumlega er þá mannlífinu komið, þegar óbærileg fégirnd fer yfir
heiminn, eins og kaldur vetrarnæðingur. Himnarnir gefi, að allir
læknar taki sig saman um að lækna þessa sótt, sem er argari allri
sinnisvillu. Það er ekki nóg, að þessi sótt hefur svo mörgu illu til leiðar
komið, en mennirnir vegsama hana, alveg eins og þetta væri einhver
hamingja." — Hippokrates.