Læknaneminn - 01.04.1990, Qupperneq 29

Brot ofan við liðhaus á miðhandarbeinum eru
sjaldgæf nema á V. miðhandarbeini. Þetta brot
skekkist venjulega með hornskekkju sem opin er
lófalægt. Reynslan hefur sýnt að þessi brot á IV. og
V. miðhandarbeini er ekki ástæða til að rétta el' horn-
skekkjan er minni 35-40 gráður. Enda þótt yfirleitt sé
auðvelt að rétta þessi brot, er mjög erfitt að halda
þeim í óbreyttri brotstöðu án innri festingar og þar
við bætist að hornskekkja sem þessu nemur veldur
sjaldan vandræðum við alla venjulega vinnu.
Verði hornskekkjan meiri en 45 gráður, er þó rétt
að leiðrétta þessi brot og þarf þá að festa þau með
innri festingu eins og t.d. K-vírum. Aðferð sú sem
enn þá sést í kennslubókum, að festa litlafingurinn í
umbúðum með beygingu í öllum þremur
fingurliðunum er slæm og hefur í mörgum tilvikum
leitt af sér kreppu í PlP-lið fingursins sem ekki er
hægt að lagfæra.
LÆKNANEMINN 1 1990 43. árg.
27