Skólavarðan - 2023, Qupperneq 23

HAUST 2023 SKÓLAVARÐAN 23
Hringferð / KENNARASAMBANDIÐ
Ísafjörður
Tölvan sem hljóðfæri og sköpunartól
N ýbakað rúgbrauð
með smjöri beið
fulltrúa KÍ á
kennarastofunni í
Tónlistarskóla Ísafjarðar. Á meðan
sendinefndin skoðaði skólann og
ræddi við kennara og stjórnendur
tók Skólavarðan bakarann tali í
kennslustofu hans á annarri hæð
þessa sögufræga húss.
Andri Pétur Þrastarson,
tónlistarkennari og tónlistarmað-
ur, lærði á fiðlu við skólann ungur
að aldri og kenndi sjálfum sér á
gítar seinna meir. Hann á ekki
langt að sækja hæfileikana en faðir
hans var einnig gítarkennari og
tónlistarmaður.
„Ég er að kenna núna í stof-
unni sem ég lærði í þegar ég var
sjö ára og pabbi var í þeirri stofu
líka um tíma,“ segir Andri Pétur.
„Þannig að það er mjög heimilis-
legt að vera í þessari stofu.“
„Ég er búinn að breyta stof-
unni í fullbúið stúdíó í rauninni,“
segir hann. „Maður hefur mikið
frelsi í stofunni sinni. Ef maður
vill hengja upp myndir, eða þá tíu
hljóðpanela og innrétta stúdíó,
þá má maður líka gera það,“ segir
Andri, sem segir andann í Tónlist-
arskólanum einstaklega góðan.
Nam tónlistartækni í Hollandi
En hvernig hófst kennaraferillinn?
„Mér datt aldrei í hug að ég gæti
farið að læra einhvers konar
tónlist miðað við hvernig fram-
boðið var á Íslandi þá.“ En þá var
gerð krafa um að umsækjendur í
tónlistarnám á háskólastigi hefðu
lokið grunnstigi á hljóðfæri. „Svo
endaði ég á að flytja út í leit að
námi og þá var þetta nám til sem
hét tónlistartækni og þeir bara
kenndu manni allt mögulegt,“
útskýrir Andri.
Eftir að hann lauk námi í tón-
listartækni frá Listaháskólanum
í Utrecht í Hollandi hafði hann
samband við Ingunni Ósk Sturlu-
dóttur, sem þá var skólastjóri Tón-
listarskóla Ísafjarðar, og spurði
hvort þau hefðu áhuga á að byrja
að bjóða upp á nám í raftónlist.
„Hún tók rosa vel í það og spurði
hvort ég gæti ekki kennt á gítar
líka. Svo er þetta eiginlega búið
að vera þannig að ég er aðallega
gítarkennari og raftónlistarkennari
með,“ segir Andri Pétur.
Raftónlist allsráðandi
Í raun er nær öll tónlist í dag
að hluta til raftónlist, útskýrir
Andri. „Ekki nema þú sért að fá
tónlistina alveg beint af kúnni, frá
lifandi tónlistarmanni.“ Öll tónlist
er í dag tekin upp með tölvum
og henni breytt með effektum;
röddin leiðrétt, taktinum breytt og
alls konar.
„Ég kenni raftónlist aðallega
í gegnum það að reyna að fá
Tónlistarskóli Ísafjarðar
Þetta sögufræga hús við Austurveg á Ísafirði hýsir Tónlistar-
skóla Ísafjarðar. Húsið, sem var byggt árið 1945 og vígt þrem-
ur árum síðar, var upphaflega ætlað Húsmæðraskólanum Ósk.
Húsameistarinn var Guðjón Samúelsson og byggingameistari
Jón H. Sigmundsson. „Ég hygg að það sé ekki ofmælt, að þetta
hús muni vera eitt hið vandaðasta skólahús, sem byggt hefir
verið í þessu landi og þótt víðar væri leitað,“ sagði Sigurður
Bjarnason, þáverandi forseti bæjarstjórnar við vígsluhátíðina.
Tónlistarskólinn tók til starfa í húsinu árið 1998 og ráðist
var í miklar endurbætur. Til að mynda var tónlistarsalurinn
Hamrar vígður ári síðar, en hann var teiknaður af Vilhjálmi
Hjálmarssyni arkitekt með fulltingi Stefáns Einarssonar
hljómburðarfræðings og byggður við skólahúsið á smekk-
legan og hugkvæman hátt. Þá hafði Tónlistarskólinn þegar
starfað í yfir hálfa öld, en skólinn fagnar nú, árið 2023, 75 ára
starfsafmæli.
Upplýsingarnar eru fengnar af vef Tónlistarskóla Ísafjarðar.