Skólavarðan - 2023, Qupperneq 36

36 SKÓLAVARÐAN HAUST 2023
UMFJÖLLUN / Gervigreind í skólastarfi
H jörvar
Ingi Har-
aldsson
fram-
halds-
skóla-
kennari segir að gervigreind
sé frábær ritari en hræðilegur
yfirmaður. „Það sem ég á við
er að gervigreind getur skapað
spennandi og áhugavert efni en
hún getur ekki metið hvort það
sé rétt, gagnlegt eða viðeigandi.
Því þarf notandinn að hafa góða
þekkingu á efninu sem hann er að
vinna með og geta endurskoðað
og endurbætt niðurstöðurnar frá
gervigreindinni.“
Hjörvar Ingi bendir á að
gervigreind hafi breytt kennslu á
mörgum sviðum og að mikilvægt
sé að kennarar séu meðvitaðir
um það. „Ég held að ritgerðir
séu ekki úrelt fyrirbæri en það
þarf að endurhugsa hvernig þær
eru metnar. Það er ekki hægt að
gera ráð fyrir að nemendur skrifi
ritgerðir án hjálpar frá gervigreind
eða öðrum upplýsingatækjum. Það
er því nauðsynlegt að kennarar
setji skýrar reglur um notkun
gervigreindar í ritgerðum og að
nemendur séu heiðarlegir um það.“
„Ég tel að það sé auðvelt að
nota gervigreind án þess að skilja
hana almennilega og því getur
verið hætta á að hún sé ekki nýtt á
hagkvæman hátt. Það er því mikil-
vægt að kennarar hafi grunnþekk-
ingu á því hvernig gervigreind
virkar og hvernig hún getur nýst í
kennslu,“ segir Hjörvar Ingi Har-
aldsson framhaldsskólakennari.
„Ég mæli með að allir
kennarar sem hafa áhuga á að
nota gervigreind í kennslu skoði
efni sem Ethan Mollick og Lilach
Mollick tóku saman fyrir kennara
sem ekki þekkja gervigreindina.
Þetta eru fimm myndbönd sem
fara yfir helstu hugtök og notkun
gervigreindar í kennslu og námi.“
Myndböndin eru:
 X Kynning á gervigreind.
 X Útskýring á „Large Language
Models“ sem er gervigreindin sem
við erum að tala um.
 X Almenn notkun á gervigreind
fyrir kennara og nemendur.
 X Notkun á gervigreind fyrir
kennara.
 X Notkun á gervigreind fyrir
nemendur.
„Eftir þetta ætti kennarinn
að skilja efnið nokkuð vel og vera
tilbúinn að stíga fyrstu skrefin við
að nýta sér gervigreindina.“
„Svo mæli ég með að kennar-
ar innan skólans stofni hóp sem
hittist kannski einu sinni í mánuði
í skólanum og ræði saman. Þar
geta þeir deilt hugmyndum, verk-
efnum, vandamálum og lausnum
sem tengjast gervigreind. Svona
hópar ættu að hjálpa mjög mikið
til við að auka skilning og áhuga á
gervigreind.“
Svava Jónsdóttir skrifar
Gervigreind hefur breytt
kennslu á mörgum sviðum
Hjörvar Ingi Haraldsson.