Mímir - 01.06.2007, Page 57

Annar möguleiki væri að þekkja símanúmer á
því að sítni, síma eða s. stendur fyrir framan sjö
stafa tölu, gjarnan með bandstriki á eftir fyrstu
þremur tölunum:
(26) Finnist veflyldllinn ekki, má hringja í síma
563-1111 á skrifstofutíma og fá aðstoð,
segir í tölvupósti frá Ríkisskattstjóra (mbl.is
5.7.2004a).
Þá er hægt að ákveða fyrir fram að símanúmer
eigi að bera fram tölu fyrir tölu í karlkyni,
nefnifalli (fimm sex þrír einn einn einn einn)
til að flækja ekki málin enn frekar.
Hér voru einnig flokkar eins og klukkan,
íþróttaúrslit og tími í íþróttakeppnum. Flokkarn-
ir klukkan og íþróttaúrslit eiga það sameiginlegt
að á milli tveggja talna stendur gjarnan tví-
punktur. Talan er í hvorugkyni, nefnifalli þeg-
ar svo er:
(27) a. Bíllinn valt út af veginum um kl. 1:40 (eitt
fjörutíu) (tnbl.is21.6.2004).
b. Tilkynning um slysið barst lögreglunni á
Isafirði klukkan 14:41 (fjórtán fjörutíu og
eitt) en fjallið Kubbinn skilur að Engidal
og Dagverðardal (mbl.is 6.7.2004c).
c. Liðið vann sigur á Calgary Flames, 2:1 (tvö
eitt) í sjöunda leik liðanna í úrslitum og
viðureignina því 4:3 (fjögur þrjú) (mbl.is
8.6.2004c).
d. Arnór Atlason var markahæstur íslensku
leikmannanna í landsliðinu skipuðu leik-
mönnum 20 ára og yngri, sem lagði Noreg
32:24 (þrjátíu og tvö tuttugu og fjögur) í
fyrsta leik sínum á móti í Svíþjóð, Swedish
Throphy (mbl.is 1.7.2004).
Þetta gildir líka ef orðið klukkan eða kl. er næst
á undan tölu þó að tvípunktur sé ekki á milli. Þá
getur verið að talað sé um heila tímann og oft
er hafður punktur á milli en ekki tvípunktur:
(28)a. Klukkan 3 (þrjú) í nótt var hæg breytileg átt
og dálítil rigning norðantil á landinu (mbl.is
15.7.2004).
b. Tilkynning barst Neyðarlínunni kl. 21.55
(tuttugu og eitt fimmtíu og fimm) í gær-
kvöld (mbl.is 21.7.2004).
Þegar öllum reglum hafði verið beitt á tölurnar
kom í ljós að þær virkuðu á 58% þeirra en það
skýrist af því að flokkurinn er sundurleitur og
erfitt að búa til reglur um tölurnar þar.
4. Lokaorð
Eins og fram hefur komið er víða að finna töl-
ur í texta í stað töluorða. Ef flett er í gegnum
síður á netinu sést það glöggt og bara á vefsvæði
Morgunblaðsins, mbl.is, er aragrúi talna í text-
anum. Oftar en ekki vefst það fyrir mönnum
hvernig bera skuli tölurnar fram og í títtnefndri
tölumálheild var að finna fjöldann allan afvill-
um við að skrifa tölurnar og hliðstæð nafnorð
sem ekki var ijallað sérstaklega um hér.
Með því að nota reglurnar sem búnar voru
til í þessu verkefni getur íslenskur talgervill náð
mun betri árangri en áður þegar lesa þarf texta
sem inniheldur tölur. Þótt margar tölur beygist
áfram vitlaust verður meirihlutinn þó réttur og
er það betri árangur en nú fæst. Með því að hafa
reglurnar til hliðsjónar má bæta við enn fleiri
reglum eða nota íslenskan markara í framtíð-
inni til að finna rétt kyn og fall tölu í texta.
Bestur árangur fengist ef þessar aðferðir yrðu
sameinaðar og þau orð sem reglurnar finna ekki
yrðu mörkuð. Þannig má búast við því að tal-
gervlar og önnur tungutæknitól fari loks að lesa
rétt úr tölum í texta.
55