Mímir - 01.06.2007, Qupperneq 125

að breyta námstilhögun og uppbyggingu. Und-
anfarin ár hefur Mímir barist fyrir að ein
kennslustofa í Arnagarði sé opin í prófatíð, eða
síðan BA-nemar misstu lesstofu sína. Ekki
verður komist hjá því að nefna eina breytinga-
tillögu sem náði ekki í gegn og sýnir glöggt
hversu heitbundnir Mímisliðar eru félaginu.
Árið 1981 var lagt til að nafnabreyting yrði á
félaginu og annað nafn tekið upp í stað Mímis.
Þetta var þó ekki samþykkt og stóðu Mímislið-
ar vörð um hið aldna höfuð þurssins.
Á stórafmælum er siður að líta yfir farinn
veg og við sjáum mætavel hversu margt Mímir
hefur reynt og þar með skráð sig á spjöld sög-
unnar, a.m.k. í hugum okkar sem fylgjumst
með honum. Þrátt fyrir að hann sé hokinn af
reynslu er alls ekki hægt að segja að hann sé
neitt gamalmenni. Ekkert gamalmenni gæti
leikið eftir það sem fótboltalið Mímis gerði nú
í haust þegar það varð Háskólameistari í fót-
bolta!
Nokkrir heiðursmenn eru jafnaldrar Mímis
og fagna því einnig sextugsafmæli í ár. Má þar
nefna tvo af leiðtogum hins frjálsa heims, Bill
Clinton og George W. Bush. Einnig eiga Jón
Sigurðsson, núverandi formaður Framsóknar-
flokksins, og Sigríður Anna Þórðardóttir, ís-
lenskufræðingur og fyrrverandi umhverfisráð-
herra, afmæli, svo og Karl Gústaf Svíakonungur.
Fremstir meðal þessara jafningja eru þó góð-
kunningjar Mímis og prófessorar vorir: Ásdís
Egilsdóttir, Höskuldur Þráinsson og Kristján
Árnason en þau verða öll sextug í ár. Eins og
Mímir hafa þau staðið sig vel í félagslífinu og
verða lengi í minnum hafðar sögur um handa-
hlaup Kristjáns í sælgætisverslun árið 1987,
kraftmikinn söng á ferðalögum og Islandsmet
hans í leiðsögn (hann hóf leiðsögnina þegar
rútan var rétt komin út á Hringbraut og ferð-
inni var heitið á Skóga). Ofá eru einnig dans-
sporin sem Ásdís hefur stigið á skemmtunum
Mímis. Elstu menn muna eftir ofáti Höskuld-
ar á hrútspungum fyrir margt löngu og hann
hefur slegið tvær flugur í einu höggi og t.d.
verið heiðursgestur og fararstjóri í sama ferða-
laginu.
Að lokum vil ég eftir alltof langt mál óska
Mími innilega til hamingju með afmælið og bið
viðstadda að hafa í huga að öldrun verður hæg-
ari hjá þeim sem eru virkir en hinum sem iðka
enga hreyfingu.
Fyrir hönd ritnefndar,
Eyrún Valsdóttir
123