Golf á Íslandi - 01.10.2011, Qupperneq 36

Stuttar fréttir úr Leirunni:
Axel og Ragnhildur högglengst
Keppt var um nafnbótina högglengsti kylfingur Ís-
lands á Hólmsvelli í Leiru degi fyrir Íslandsmótið í
höggleik. Þar voru komnir saman margir af högg-
lengstu kylfingum landsins og voru margir búnir
að hita vel upp fyrir keppnina. Slegið var niður 18.
brautina í átt að klúbbhúsinu og urðu högg kylfinga
að vera innan brautarmarka til að fá metin gild.
Örvar Samúelsson frá Akureyri átti titil að verja í
mótinu en hann sigraði fyrir tveimur árum þegar
keppt var í Grafarholti. Hann sló frábæru höggi upp
á 273 metra en varð að láta sér lynda annað sætið.
Axel Bóasson úr Keili stóð uppi sem sigurvegari eftir
að hafa slegið 284 metra. Axel er gríðarlega högg-
langur og sýndi það og sannaði í þessu móti. Það skal
tekið fram að slegið var á móti vindi sem undirstrikar
hversu högglangur Axel í raun og veru er.
Í kvennaflokki kepptu Heiða Guðnadóttir og
Ragnhildur Sigurðardóttir til úrslita. Ragnhildur hafði
þó nokkra yfirburði og sló 216 metra en Heiða sló 180
metra.
Sigurjón fór holu í höggi í
Leirunni
Sigurjón Sigmundsson úr
Golfklúbbi Ásatúns fór holu
í höggi á öðrum keppnisdegi
í Íslandsmótinu í höggleik.
Ásinn kom á 8. holu vallarins sem er 137 metra löng
af hvítum teigum. „Ég sló með 9-járni og boltinn
stefndi allan tímann beint á pinna. Ég sá hann ekki
detta niður þar sem pinninn er í hvarfi af teignum
séð en kylfingarnir á níunda teig gáfu mér merki um
að boltinn hefði farið niður,“ sagði Sigurjón sem lék
annan hringinn á 77 höggum eða fimm höggum yfir
pari. Sigurjón er með 4,9 í forgjöf.
„Það er aldrei leiðinlegt að fara holu í höggi og þetta
bjargaði deginum hjá mér. Ég verð sennilega að
berjast við að komast í gegnum niðurskurðinn og ég
vona að ásinn hjálpi mér að komast í gegn. Það er
meiriháttar að taka þátt í þessu móti. Flatirnar á vell-
inum eru frábærar og umgjörðin einnig. Það að fara
holu í höggi í Íslandsmóti er frábært og verður mér
eftirminnilegt.“
Hlynur heppinn og óheppinn
Hlynur Geir Hjartarson úr Golfklúbbi Selfoss hafði
heldur betur heppnina með sér á öðrum hring í Ís-
landsmótinu í höggleik. Á 18. holunni sló hann öðru
höggi sínu í átt að klúbbhúsinu sem staðsett er við
hlið flatarinnar. Boltinn hafnaði á gangstéttinni sem
er fyrir framan húsið og skoppaði svo naumlega út
á grasið. Kylfingar á Suðurnesjum eru ekki óvanir að
slá í golfskálann sem staðsettur er nærri 18. flötinni.
Í meistaramóti GS fyrr í sumar var meira að segja
slegið inn um hurð í skálanum.
Klúbbhúsið er út fyrir vallarmörk og einnig gang-
stéttin. Hlynur var aðeins um tíu sentímetrum frá því
að slá út fyrir vallarmörk og hefði í kjölfarið tapað
höggi eða höggum vegna þessa. Hlynur Geir lék
annan hringinn á 69 höggum eða þremur höggum
undir pari. Hlynur fékk lausn frá klúbbhúsinu þar sem
boltinn lá á nýlögðu grasi. Hlynur fékk par en hefði
hæglega getað lent í talsverðum vandræðum.
Heppinn þarna en óheppinn annars með meiðsli því
hann fann fyrir verkjum í baki og í ökkla í á fyrsta degi.
Eftir heimsókn til læknis kom í ljós að hann var með
slitið liðband í ökkla. Þrátt fyrir þessi meiðsli tókst
Hlyni að lenda í 13. sæti í Íslandsmótinu og var hann
meðal efstu kylfinga eftir tvo hringi.
„Ég veit eiginlega ekki hvernig ég fór að því að komast
í gegnum þetta Íslandsmót. Annað hvort er ég svona
hrikalega þrjóskur eða bara heimskur að hafa klárað
mótið. Fyrstu tveir dagarnir sluppu þar sem veðrið
var svo gott og maður gleymdi sér í adrenalíninu.
Þegar veðrið versanaði þá var þetta orðið of erfitt,“
sagði Hlynur Geir sem hefur unnið nánast allt sem
hægt er að vinna í íslenska keppnisgolfinu. Það
eina sem honum vantar í safnið er sjálfur Íslands-
meistaratitilinn. „Það er sorglegt að lenda í þessum
meiðslum í stærsta móti ársins og það lá við að ég
væri með tárin í augunum á fyrsta keppnisdegi á
æfingasvæðinu. Ég á vonandi mörg ár eftir og kem
sterkari tilbaka á næsta ári þegar keppt er á Hellu.“
þriðja hring en hann nældi sér i sinn fyrsta sigur á
Eimskipsmótaröðinni í Vestmannaeyjum fyrr í sumar.
„Það skemmir ekki fyrir mér að hafa unnið það mót.
Nú hef ég fengið smjörþefinn að því hvernig er að
vinna golfmót.“
Heiðar Davíð Bragason úr Golfklúbbi Ólafsfjarðar
hefur verið í baráttunni um sigurinn í Íslandsmótinu
undanfarin ár og það var engin breyting þar á í ár.
Hann var í fjórða sæti fyrir lokahringinn og var alveg
tilbúinn í að endurtaka leikinn frá því þegar hann
vann sinn eina Íslandsmeistaratitil á Hólmsvelli
árið 2005. „Fyrir mót hafði ég vonast eftir því að við
fengjum að sjá góð skor og því er svolítið svekkjandi
að fá þetta slæma veður. Við eigum allir eftir að lenda
í vandræðum með sláttinn á lokahringnum. Það
verður erfitt að velja réttar kylfur. Sá kylfingur sem
er að gera bestu hlutina í kringum flatirnar á eftir
að standa vel að vígi því við eigum ekki eftir að hitta
margar flatir. Það verða mörg löng pútt.“
Staðan eftir 54 holur:
1. Axel Bóasson GK 65-71-76=212 -4
2. Guðjón Henning Hilmarsson GKG 70-70-75=215 -1
3. Alfreð Brynjar Kristinsson  GKG 66-70-80=216 0
4. Heiðar Davíð Bragason GÓ 69-70-78=217 +1
5.-7. Davíð Gunnlaugsson GKJ 71-73-74=218 +2
5.-7. Þórður Rafn Gissurarson  GR 71-69-78=218 +2
5.-7. Ólafur Már Sigurðsson GR 71-67-80=218 +2
8.-9. Ólafur Björn Loftsson  NK 70-74-75=219 +3
8.-9. Örn Ævar Hjartarson  GS 76-68-75=219 +3
10.-11. Haraldur Franklín Magnús  GR 73-73-74=220 +4
10.-11. Kristján Þór Einarsson  GKj 66-74-80=220 +4
Guðjón
Henning var í
toppbaráttunni
fram á lokahring
en lék þá illa og
hrapaði niður
töfluna.
Heiðar Davíð vann
2005 í Leirunni og
var núna í baráttunni
um titilinn.
Hér eru Kristján og
Alfreð á 2. braut.
Hlynur í nettri
golfskálaheimsókn.
36