Golf á Íslandi - 01.10.2011, Page 44

Hérna sést þetta mjög vel, vinstri of beygð og vandræði á næsta leiti, kylfan lokast.
Ólafía Þórunn var í sérflokki í Íslandsmótinu á Hólmsvelli
Alltaf verið sterk í rokinu
„Þetta var mjög sætur sigur. Það var mjög sárt að tapa fyrir Tinnu á Kiðjabergsvelli
í fyrra og ég tók það mjög mikið inn á mig. Ég vildi ekki lenda í því aftur. Ég fór í
mótið með það að markmiði að enda á parinu alla fjóra dagana því ég vissi að Ís-
landsmótið hefur verið að vinnast á mun verra skori en það á síðustu árum. Ég var á
parinu eftir þrjá daga og átti mörg högg, þannig að ég breytti aðeins hugsunarhætt-
inum.“
Ólafía lagði grunninn að sigrinum á þriðja hring þegar hún lék Hólmsvöll á 74
höggum við mjög erfiðar aðstæður. Með þeim hring náði hún þrettán högga for-
ystu sem ljóst var að erfitt yrði að tapa. „Þriðji hringurinn var eiginlega ótrúlegur.
Ég hafði óvenju góða stjórn á boltanum í mjög slæmu veðri. Ég kom upp mér upp
kerfi hvernig ég ætlaði að slá í meðvindinum og mótvindinum en að auki þá púttaði
ég mjög vel. Það kom mér ekki á óvart hversu vel ég lék í vindinum því ég og Alfreð
bróðir höfum alltaf átt það sameiginlegt að vera sterk í rokinu,“ segir Ólafía sem gat
farið afslöppuð inn í lokahringinn með góða forystu. „Það var mjög þægilegt að hafa
svona mikla forystu. Það eina sem ég þurfti eiginlega að passa var að gera ekki nein
reglumistök eða að fá frávísun.“
Er andlega sterkari
Af miklu var búist af Ólafíu fyrir keppnistímabilið enda hefur hún verið talin ein sú
efnilegasta sem komið hefur fram á sjónarsviðið í kvennagolfinu á undanförnum
árum. Eftir að hafa lent í öðru sæti á Íslandsmótinu á síðasta ári áttu margir von á
því að árið 2011 yrði hennar ár. Tímabilið fór þó ekkert sérstaklega vel af stað hjá
þessari 19 ára stúlku sem átti í erfiðleikum í fyrstu mótum sumarsins.
„Ég var búin að æfa mjög mikið í allt sumar en var ekki að fá það til baka úti á velli
fyrr en loksins rétt fyrir Íslandsmótið. Það er frábært fólk í kringum mig sem sagði
við mig að ég gæti þetta og hafði fulla trú á mér. Ég fór með gott hugarfar inn í
mótið og það hjálpaði mér mikið. Ég hafði ekki náð að vinna mót á mótaröðinni og
það efldi mig ennþá meira. Löngunin til að sigra varð meiri. Að minn fyrsti sigur í
Íslandsmótinu var þvílíkur sigur fyrir mig. Ég er andlega sterkari og er búin að læra
hvernig á að vinna mót. Ég lærði að halda út og komast alla leið.“
Háskólagolfið stökkpallur í atvinnumennsku
Ólafía fer ekki leynt með þann draum sinn að leika einn daginn á stóru
atvinnumótaröðunum í kvennagolfinu. Hún leikur golf og stundar nám við Wake
Forest háskólann í Bandaríkjunum sem er einn af bestu golfháskólum landsins. Hún
vonast til að nýta háskólagolfið sem stökkpall til frekari afreka.
Ólafía Þórunn Kristinsdóttir
var í sérflokki á Íslands-
mótinu á Hólmsvelli:
Alltaf verið
sterk í rokinu
„Þetta er stærsti titillinn sem ég hef unnið og þetta var stór stund fyrir mig. Ég sannaði fyrst
og fremst fyrir sjálfri mér að ég gæti þetta. Það var alltaf draumurinn að verða Íslandsmeistari
þegar ég var yngri. Ég var rosalega nálægt þessu á síðasta ári og ég setti mér það sem aðal-
markmið í ár að verða Íslandsmeistari,“ segir Íslandsmeistari kvenna í höggleik, Ólafía Þórunn
Kristinsdóttir úr GR sem fagnaði öruggum sigri á Íslandsmótinu á Hólmsvelli í Leiru. Ólafía var í
sérflokki í kvennaflokki, lék langbest við erfiðar aðstæður á síðari hluta Íslandsmótsins. Hún lék
samtals á átta höggum yfir pari og varð níu höggum á undan Tinnu Jóhannsdóttur úr Keili sem
varð önnur og hafði titil að verja. Ólafía viðurkennir að sigurinn hafi verið sætur.
44